ދިރާގު ގެ 2026 ވަނަ އަހަރުގެ ކަލަންޑަރު ތައާރަފް ކޮށްފައި ވަނީ ކަނޑުފަޅުގެ ގުޅުންތަކު ގެ އަހަރެއް މި ޝިއާރުގެ ދަށުން.
ދިރާގު ގެ 2026 ވަނަ އަހަރު ގެ ކަލަންޑަރ ތައާރަފްކުރުން
ދިރާގު ގެ 2026 ވަނަ އަހަރު ގެ ކަލަންޑަރ ތައާރަފް ކޮށްފި އެވެ.
މި ކަލަންޑަރ އެކުލަވާލާފައި ވަނީ "ކަނޑުފަޅުގެ ގުޅުންތަކުގެ އަހަރެއް" މި ޝިއާރުގެ ދަށުންނެވެ.
މި ކަލަންޑަރު ހަދާފައި ވަނީ ކަނޑު ފަޅުތަކުގެ ދިރުންތައް އެކަތި އަނެކައްޗަށް ބަރޯސާ ވާ ފަދައިން، ދިވެހިރާއްޖޭގައި އެކަކު އަނެކަކު ގުޅުވައިދިނުމުގައި ދިރާގު އަދާކުރަމުންދާ މުހިންމު ދައުރާއި ހުރި މާނަވީ ގުޅުމުގެ މައްޗަށް ބިނާކޮށެވެ.
މި ކަލަންޑަރު ތައާރަފް ކުރުމަށް ހޯމަ ދުވަހު ގެ ރޭ ބޭއްވި ހާއްސަ ހަފްލާއެއްގައި މި ކަލަންޑަރު ތައާރަފްކޮށްދެއްވައިފައި ވަނީ ދިރާގުގެ ސީ.އީ.އޯ އަދި އެމް.ޑީ އިސްމާއީލް ރަޝީދެވެ. މި ހަފްލާގައި ކަނޑުތަކާއި ތިމާވެށި ހިމާޔަތްކުރުމަށް މަސައްކަތް ކުރާ ބައެއް ފަރާތްތައް ވަނީ ބައިވެރިވެފަ އެވެ.
ދިރާގު ގެ ޑިރެކްޓަރ ބްރޭންޑް އެންޑް މާކެޓިންގ ކޮމިއުނިކޭޝަންސް މިރްޝާން ހަސަން ވިދާޅުވީ ދިރާގު ގެ މަގުސަދަކީ މި ކަލަންޑަރުގެ އެހީގައި ވަށައިގެންވާ ތިމާވެށި ދެމެހެއްޓިނިވި ގޮތެއްގައި ރައްކާތެރިކުރުމަށް ކަނޑުފަޅުގެ ދިރުންތަކުގެ މުހިންމުކަން އަންގައިދިނުން ކަމަށެވެ.
"ބޭނުމަކީ ކަނޑުތައް ރައްކާތެރިކުރުމަށް ބާރުއެޅުން. އަދި ކަނޑުތައް ރައްކާތެރިކުރުމަކީ ދިރާގުގެ ސީ.އެސް.އާރުގެ ތެރެއިން ވެސް ވަރަށް ބޮޑު އިސްކަމެއް ދޭ ދާއިރާއަކަށް ވާ އިރު އަޅުގަނޑުމެންގެ އުންމީދަކީ މި ކަލަންޑަރުގެ އެހީގައި މި ކަމަށް ހޭލުންތެރިކަން އިތުރުކުރުން." މިރްޝާން ވިދާޅުވި އެވެ.
މި ކަލަންޑަރު ގައި ރާއްޖޭގެ ކަނޑު އަޑީގެ ދިރުންތަކުގެ ރީތިކަން ދައްކުވައިދޭ ކުރެހުންތައް ހިމެނޭ އިރު ކަލަންޑަރު ގެ ކޮންމެ މަހެއް ހާއްސަކޮށްފައި ވަނީ ކަނޑު ގައި ދިރިއުޅޭ ތަފާތު ދިރޭ ބާވަތްތައް އެކަތި އަނެކަތީގެ ދިރިހުރުމަށް އެއްބާރުލުންދޭ ގޮތުގެ މައްޗަށް ބިނާކޮށެވެ.
ދިވެހިރާއްޖޭގެ ގުޅުމުގެ ހައިސިއްޔަތުން، ދިރާގަކީ ދިވެހިރާއްޖެ ގުޅުވައިލަދިން ކުންފުންޏެވެ. އަދި ކަނޑަކީ ދިވެހިރާއްޖޭގައި އެކަތި އަނެކައްޗާއި ލާމެހިފައިވާ ގުޅުން ދައްކުވައިދޭ އެންމެ ވަރުގަދަ އެއް މިސާލެވެ. ރައްތަކުގެ ތިމާވެށި ދެމެހެއްޓުމަށް ވިލު، ފަޅު އަދި ކަނޑުގެ މެރިން އިކޯސިސްޓަމްގައި ދިރިއުޅޭ މަސްމަހާމެއްސާއި ސޫފާސޫފީގެ މެދުގައި އޮތް ގުޅުން މުހިންމު ވާ ފަދައިން، އެކަކު އަނެކަކާ ގުޅުވާލަދީ، ފުރުސަތުތަކަށް މަގުފަހިކޮށްދިނުމަށާއި، މުޖުތަމައުގެ ކުރިއެރުމަށް ދިރާގަކީ މުހިންމު ދައުރެއް އަދާކުރަމުންދާ ކުންފުންޏެކެވެ.
