ޓިމްބަރ ހައުސްގެ ފަޚުރުވެރި 20 ވަނަ އަހަރީ ދުވަސް ކުލަ ގަދަކޮށް ފާހަގަކޮށްފި
2005 ވަނަ އަހަރު އުފެދުނު ޓިމްބާ ހައުސް އިން ވަނީ ރާއްޖޭގައި ލަކުޑި އާއި އިމާރާތް ކުރުމަށް ބޭނުންވާ ތަކެތި ފޯރުކޮށްދިނުމުގައި އެންމެ އިތުބާރު ހިފޭ އެއް ކުންފުންޏަކަށް ވެފައެވެ.
ޓިމްބަރ ހައުސްގެ 20 ވަނަ އަހަރީ ދުވަހުގެ ރަސްމިއްޔާތުގައި ދިގު މުއްދަތަކަށް ޚިދުމަތްކޮށްފައިވާ މުވައްޒަފުންގެ އަގު ވަޒަންކޮށް، ތިމާވެށްޓަށް ދޭ އަހައްމިއްޔަތުގެ ދަށުން 5 މިލިއަން ގަސް ޕްރޮޖެކްޓަށް ގަސް ހަދިޔާކުރި
ޓިމްބަރ ހައުސްގެ އަހަރީ ދުވަހުގެ ރަސްމިއްޔާތުގެ ތެރެއިން
ޓިމްބަރ ހައުސްގެ ފަޚުރުވެރި 20 ވަނަ އަހަރީ ދުވަސް ކުލަ ގަދަކޮށް ފާހަގަކޮށްފި އެވެ.
ހޮނިހިރު ދުވަހުގެ ރޭ މީރުމާ ހޮޓެލްގައި ބޭއްވި ރަސްމިއްޔާތުގައި އެންމެ ޚާއްސަ އެއް ކަމަކަށް އޮތީ ކުންފުނީގެ މުވައްޒަފުންގެ ތެެރެއިން ދިގު މުއްދަތަކަށް ޚިދުމަތްކޮށްފައިވާ ފަރާތްތަކުގެ އަގު ވަޒަންކުރުމެވެ.
އެ ރަސްމިއްޔާތުގައި ޓިމްބަރ ހައުސްގެ ޑިރެކްޓަރ އަދި ކޯ ފައިންޑަރ މަރިޔަމް އާދިޔާ ދެއްކެވި ވާހަކައިގައި، ދިވެހިރާއްޖޭގެ ކޮންސްޓްރަކްޝަން އަދި އިމާރާތްކުރުމުގެ މެޓީރިއަލްސް ދާއިރާއަށް 20 އަހަރު ކޮށްފައިވާ ޚިދުމަތް ފާހަގަކޮށް، ޓިމްބަރ ހައުސްގެ ދަތުރަށް އަލިއަޅުވާލައްވާފައިވެ އެވެ. މީގެ އިތުރުން އޭނާގެ ވާހަކައިގައި އެ ކުންފުނީގެ މަސައްކަތްތަކާއި، ދިމާވި ގޮންޖެހުންތަކަށް ވެސް އަލިއަޅުވާލައްވާފައިވެ އެވެ.
އެ ރަސްމިއްޔާތުގެ ތެރެއިން ކުންފުނީގެ ޚިދުމަތްތެރި ތާރީހު ދައްކުވާދޭ ޚާއްސަ ވީޑިއޯ ރިޕޯޓަކަށް ވަނީ ބަލާލާފަ އެވެ. މީގެ އިތުރުން ޓިމްބަރ ހައުސްގެ ކޮމިއުނިޓީ ފޯކަސްޑް ގްރީން އިނިޝިއޭޓިވް އިއުލާން ކޮށްފައިވެ އެވެ. އެ ކުންފުނިން ތިމާވެއްޓަށް ދޭ އަހައްމިޔަތު ކަމުގެ ދަށުން، 5 މިލިއަން ގަސް ޕްރޮޖްޓަށް، ގަސް ހަދިޔާކުރުން ވެސް އެ ރަސްމިއްޔާތުގެ ތެރެއިން ކުރިއަށް ދިޔަ އެވެ.
ޓިމްބަރ ހައުސް ފެށުނީ ޚާއްސަ ތަސައްވުރަކާއި އެކުގަ އެވެ. އެ ތަސައްވުރަކީ ދިވެހިރާއްޖޭގެ ވިޔަފާރީގެ ހުރިހާ ދާއިރާތަކުގައި ވަރަށް ބޮޑަށް ބޭނުންވާ ލަކުޑި ބާވަތްތަކުގެ ސަޕްލައިއަށް ރަނގަޅު ގޮތުގައި ހިދުމަތް ދިނުމެވެ. މި މަސައްކަތާއި އެކު ޓިމްބަރ ހައުސް އިން ވަނީ ރާއްޖޭގެ ލަކުޑި ސަޕްލައި ކުރުމުގެ ސިނާޢަތުގައި އިންޤިލާބެއް ގެނެސްފަ އެވެ.
2005 ވަނަ އަހަރު އުފެދުނު ޓިމްބާ ހައުސް އިން ވަނީ ރާއްޖޭގައި ލަކުޑި އާއި އިމާރާތް ކުރުމަށް ބޭނުންވާ ތަކެތި ފޯރުކޮށްދިނުމުގައި އެންމެ އިތުބާރު ހިފޭ އެއް ކުންފުންޏަކަށް ވެފައެވެ. އެގޮތުން ފެންވަރު ރަނގަޅު އުފެއްދުންތަކާއި އެކު މި ސިނާޢަތުގެ ވަރުގަދަ ނަމަކަށް ޓިމްބަރ ހައުސް ވަނީ ވެފަ އެވެ.
