ކްލިކް ކޮލެޖްގެ 25 ވަނަ އަހަރީ ދުވަހާ ގުޅިގެން ބޮޑު ގިވްއަވޭ އެއް

ކޮލިކް ކޮލެޖުގެ 25 ވަނަ އަހަރީ ދުވަހާ ގުޅިގެން ކުރިޔަށްގެންދާ "އެނިވަރސަރީ ކައުންޓްޑައުން ގިވްއަވޭ" ގެ އެންމެ ފަހު ބުރުން ގުރުއަތުން ހޮވޭ ފަރާތްތަކަށް ލިބޭ އިނާމުތައް އެކޮލެޖުގެ ފަރާތުން ހާމަކޮށްފިއެވެ.

ކްލިކް ކޮލެޖުގެ އެނިވަރސަރީ ކައުންޓްޑައުން ގިވްއަވޭގެ އެންމެ ފަހު ބުރު ކަމަށްވާ ގްރޭންޑް ގިވްއަވޭ އާ ބެހޭ ގޮތުން އެ ކޮލެޖުން ބުނެފައިވަނީ ގްރޭންޑް ގިވްއަވޭގެ ހަދިޔާތަކުގެ ތެރޭގައި ކޮންސިއާޖް ގްރޫޕުގެ ފަރާތުންދޭ 2 މީހަކަށް މެލޭޝިއާ ހިލޭ ޓިކެޓާއި އަދި އެލް މޮބައިލްއިން ދޭ ހައިކާސް ބްރޭންޑްގެ 65Z1 މޮޑެލްގެ 65 އިންޗީގެ ޓީވީ އެއް ހިމެނެއެވެ. މީގެ އިތުރުން ވެސް 12 ހަދިޔާއެއް ގްރޭންޑް ގިވްއަވޭގެ ތެރެއިން ދެވޭނެކަމަށް ކްލިކް ކޮލެޖުން މައުލޫމާތު ދީފައިވެއެވެ.

ކްލިކް ކޮލްޖުގެ ގްރޭންޑް ގިވް އަވޭ އާ ބެހޭގޮތުން މައުލުމާތު ދެއްވުމަށް ބޭއްވި ބައްދަލުވުމުގެ ތެރެއިން

ސޯޝަލް މީޑިއާގައި ކުރިޔަށްގެންދާ މި ގިވްއަވޭގައި ބައިވެރިވުމުގެ ފުރުސަތުވަނީ އާމުކޮށް ހުޅުވާލާފައެވެ. އެގޮތުން ކްލިކް ކޮލެޖުގެ ސޯޝަލް މީޑިޔާ ޕޭޖުގައި ދެވިފައިވާ އިރުޝާދުގެ ދަށުން ސްޓެޕްތައް ފޮލޯކުރުމުން މި ގިވްއަވޭގައި ހުރިހާ ފަރާތްތަކަށްވެސް ބައިވެރިވެވޭނެކަަމަށް ކްލިކް ކޮލެޖުންވަނީ ހާމަކޮށްފައެވެ.

ގިވްއަވޭ އިން ހޮވޭ ނަސީބުވެރި ފަރާތްތައް އޮކްޓޯބަރ 23 ވަނަ ދުވަހު ކްލިކް ކޮލެޖުގެ ސޯޝަލް މީޑިއާގައި އިއުލާނު ކުރެވިގެންދާނެއެވެ.

23 އޮކްޓޯބަރ 2025 ގައި ކޮލިކް ކޮލެޖަށް 25 އަހަރު ފުރޭއިރު، ކްލިކް ކޮލެޖަކީ ދިވެހިރާއްޖޭގައި ފެންވަރު ރަނގަޅު މަތީ ތަޢުލީމު ފޯރުކޮށްދޭ މަރުކަޒެކެވެ. މިކަން ސާބިތުވަނީ ބައިނަލްއަޤްވާމީ އިމްތިހާނުތަކުން އެކޮލެޖުގެ ދަރިވަރުން ހޯދާ މަތީ ނަތީޖާތަކުންނާއި، އެކޮލެޖުގެ ކުރީގެ ދަރިވަރުންގެ މަސައްކަތުގެ ފެންވަރުންނެވެ. ކްލިކް ކޮލެޖުގެ މަސައްކަތް އަގުވަޒަންކޮށް 2009 ވަނަ އަހަރު ކުރީގެ ރައީސް މުޙައްމަދު ނަޝީދުގެ ވެރިކަމުގައި އެކޮލެޖަށް ވަނީ ރައީސުލްޖުމްހޫރިއްޔާގެ ޤައުމީ އިނާމު ލިބިފައެވެ.