ބުރާސްފަތި ދުވަހުގެ މަޖިލިސް ޖަލްސާ ގައި ވެސް ފެނަކައިގެ އޮޑިޓް ރިޕޯޓު
1 އޮކްޓޯބަރު 2025 | ބުދަ 10:44ފެނަކައިގެ ކަރަޕްޝަންގެ އަމަލުތައް ތަހުގީގު ކުރުމަށް ގަރާރެއް ހުށަހަޅައިފި
ރައްޔިތުންގެ މަޖިލީހުގެ ޖަލްސާގެ ތެރެއިން
ރައްޔިތުންގެ މަޖިލީހުގެ މި އަހަރުގެ ތިން ވަނަ ދައުރުގެ ޖަލްސާތައް ބުރާސްފަތި ދުވަހު ފެށުމަށް އެޖެންޑާ ނެރެފައިވާ އިރު އޭގައި ވެސް ފެނަކައިގެ އޮޑިޓް ރިޕޯޓު ހިމަނައިފިއެވެ.
މާދަމާ ގެ ޖަލްސާ އަށް ސަރުކާރު ހިންގާ ޕާޓީ ޕީއެންސީ އަށް ނިސްބަތްވާ މަޑަވެލި ދާއިރާގެ މެމްބަރު މުހައްމަދު ޝަމީޒު ހުށަހަޅުއްވާ އޮޑިޓަރ ޖެނެރަލް އޮފީހުން ކޮށްފައިވާ ފެނަކަ ކޯޕަރޭޝަން ލިމިޓެޑްގެ ޚާއްސަ އޮޑިޓް ރިޕޯޓުން ފާހަގަ ވެފައިވާ ކަރަޕްޝަންގެ އަމަލުތައް ތަހުގީގު ކޮށް ފިޔަވަޅު އެޅުން އަވަސް ކުރުމަށް ގޮވާލާ ގަރާރު ތައާރުފް ކުރުމުގެ އިތުރުން އެ ގަރާރަށް ބަހުސް ކުރުމަށް ވެސް އެޖެންޑާ ގައި ވަނީ ހިމަނާފައެވެ.
ސަރުކާރުގެ ފަރާތުން ގުރައިދޫ ދާއިރާގެ މެމްބަރު ހަނާން މުހައްމަދު ރަޝީދު ހުށަހަޅާފައިވާ ރީ-އެމްޕްލޯއިމަންޓް ބިލުގެ ބަހުސް ވެސް ބުރާސްފަތި ދުވަހުގެ އެޖެންޑާ ގައި ހިމަނާފައި ވެއެވެ.
އޭގެ އިތުރުން ނޭޝަނަލް އިންޓެގްރިޓީ ކޮމިޝަނަށް 4 މެމްބަރުން އައްޔަނު ކުރުމަށާއި ޓެކްްސް އެޕީލް ޓްރެބިއުނަލް އަށް 2 މެމްބަރުން އައްޔަނު ކުރުމަށާއި ހިއުމަން ރައިޓްސް ކޮމިޝަނަށް މެމްބަރަކު އައްޔަނު ކުރުމަށް ރައީސް ފޮނުވައްވާފައިވާ މައްސަލަތައް ވެސް އެޖެންޑާ ގައި ވެއެވެ.
