އަތޮޅު ކައުންސިލްތައް އުވާލަން މަސައްކަތްކުރާތީ ބ. އަތޮޅު ކައުންސިލުން މާލޭގައި އިހުތިޖާޖުކުރަން ނިންމައިފި
އަތޮޅު ކައުންސިލްތައް އުވާލުމަށް މަސައްކަތްކުރަމުންދާތީ ބ އަތޮޅު ކައުންސިލުން އިހްތިޖާޖު ކުރަން ވަނީ ނިންމާފަ
ބ އަތޮޅު ކައުންސިލުން މާލޭގެ މަގުތަކުގައި އިހުތިޖާޖު ކުރަން ނިންމުން: މި އިހުތިޖާޖުގައި ބައިވެރިވުމަށް އެ އަތޮޅު ހުރިހާ ރަށަކަށް ވެސް ދައުވަތު ދިނުމަށް ވަނީ ނިންމާފަ
އަތޮޅު ކައުންސިލްތައް އުވާލަން ރައީސް ޑރ މުހައްމަދު މުއިއްޒު މަސައްކަތް ކުރައްވާތީ އެކަމާ ދެކޮޅަށް އިހުތިޖާޖު ކުރުމަށް ބ. އަތޮޅު ކައުންސިލުން ނިންމައިފި އެވެ.
އަތޮޅު ކައުންސިލްތައް އުވާލުމާ ދެކޮޅަށް މާލޭގެ މަގުތަކުގައި އިހުތިޖާޖު ކުރަން ބ. އަތޮޅު ކައުންސިލުން ފާސްކުރީ އެ އަތޮޅު އެހެން ރައްތަކަށް ވެސް ދައުވަތު ދީގެން މިދިޔަ ބުރާސްފަތި ދުވަހު ބޭއްވި ޖަލްސާގަ އެވެ.
އެ ޖަލްސާގައި ކައުންސިލުން ވަނީ އަތޮޅު ކައުންސިލްތައް އުވާލުމަށް ރައްޔިތުންގެ މަޖިލީހުން ކުރަމުންދާ މަސައްކަތް ހުއްޓާލުމަށް ގޮވާލައި ބަޔާނެއް ނެރުމުގެ އިތުރުން އެ މައްސަލަ ދުސްތޫރީ މައްސަލައެއްގެ ގޮތުގައި ސުޕްރީމް ކޯޓަށް ހުށަހެޅުމަށް ވެސް ނިންމައިފަ އެވެ.
އއ. އަތޮޅަށް ކުރެއްވި ދަތުރުފުޅުގެ ތެރެއިން މަތިވެރި ރައްޔިތުންނާ ވާހަކަފުޅު ދައްކަވަމުން ރައީސް މުއިއްޒު ވިދާޅުވީ އަތޮޅު ކައުންސިލަކީ އެއްވެސް ބޭނުމެއް އޮތް އެއްޗެއް ނޫން ކަމަށާއި ކޮންމެ ރަށެއްގެ ރަށު ކައުންސިލް މިކަމަށް ހެކިވާނެ ކަމަށެވެ.
އެގޮތުން އަތޮޅު ކައުންސިލްތައް އުވާލުމަށް ގާނޫނު އަސާސީ އިސްލާހުކުރާނެ ކަމަށާއި މަޖިލީހުގެ ޖަލްސާތައް ދެން ފެށުމުން އެކަމާ ގުޅޭ ބިލު ހުށަހަޅުއްވާނެ ކަމަށް ރައީސް ވިދާޅުވި އެވެ.
މީގެ އިތުރުން ރައީސް މުއިއްޒު ވިދާޅުވެފައި ވަނީ އަންނަ އަހަރުގެ ކުރީކޮޅުގައި ބާއްވާ ލޯކަލް ކައުންސިލްތަކުގެ އިންތިހާބުގައި އަތޮޅު ކައުންސިލްތައް އިންތިހާބު ކުރަން ވޯޓުލާން ނުޖެހޭނެ ކަމަށެވެ.
ރައީސް ވިދާޅުވީ އަތޮޅު ކައުންސިލްތައް އުވާލުމުން ރައްޔިތުން އިތުރަށް ބާރުވެރިވާނެ ކަމަށާއި އެގޮތުން ސަރުކާރުގެ ކަމާބެހޭ ފަރާތްތަކާއި ގުޅިގެން ސީދާ ދެން މަސައްކަތް ކުރާނީ ކޮންމެ ރަށެއްގެ ރަށު ކައުންސިލް ކަމަށެވެ.
އަދި މިކަން ކުރުމަށް އަތޮޅު ކައުންސިލެއް ބޭނުމެއް ނުވާނެ ކަމަށާއި މި ސަރުކާރުން މަސައްކަތް ކުރާނީ ރައްޔިތުންގެ ފަޅީގައި ތިބެގެން، ރައްޔިތުން ބާރުވެރިކުރުވަން ކަމަށްވެސް ރައީސް ވިދާޅުވި އެވެ.
އަތޮޅު ކައުންސިލްތައް އުވާލުމުގެ އިތުރަށް ކައުންސިލްތަކުގެ ސައިޒު ކުޑަކުރުމާ ގުޅޭ ބިލުވެސް މަޖިލީހުގެ ކުރިއަށް އޮތް ދައުރު ހުށަހަޅާނެ ކަމަށް ރައީސް ވިދާޅުވި އެވެ.
