ސަރުކާރު ބަދަލުވި ގޮތަށް ދިގުރަށުގެ ސިއްޚީ މަރުކަޒަށް އަލަށް އިތުރު ކުރުމަށް ހަދަން ފެށި އިމާރާތުގެ މަސައްކަތް ހުރީ ހުއްޓިފައި
އދ. ދިގުރަށުގެ ސިއްޚީ މަރުކަޒުގެ ޖާގަ އިތުރުކުރުމަށް ހަދަމުންދިޔަ އާ އިމާރާތުގެ މަސައްކަތް ސަރުކާރު ބަދަލުވުމާއެކު ވަނީ ހުއްޓިފަ
ސަރުކާރު ބަދަލުވި ގޮތަށް ދިގުރަށުގެ ސިއްޚީ މަރުކަޒަށް އަލަށް އިތުރު ކުރުމަށް ހަދާ އިމާރާތުގެ މަސައްކަތް ހުއްޓުން: އެ އިމާރާތުގެ މަސައްކަތް ހުއްޓިފައި ހުންނަތާ އަހަރަކަށް ވުރެ ގިނަ ދުވަސް ވެއްޖެ
ރައީސް އިބުރާހީމް މުހައްމަދު ޞާލިހުގެ ސަރުކާރު ބަދަލުވިފަހުން އދ. ދިގުރަށުގެ ސިއްޚީ މަރުކަޒުގެ ޖާގަ އިތުރުކުރުމަށް ހަދަން ފަށާފައިވާ އާ އިމާރާތުގެ މަސައްކަތް ހުއްޓުނު ގޮތަށް އެތަނުގެ މަސައްކަތް ނުފަށާ ކަމަށް އެރަށު ކައުންސިލްގެ ރައީސް އިބުރާހީމް އުސްމާން ވިދާޅުވެއްޖެ އެވެ.
ރާއްޖެޓީވީގެ 'ހާލު ކިހިނެއް' ޕްރޮގްރާމުގައި ވާހަކަ ދައްކަވަމުން އުސްމާން ވިދާޅުވީ އެ އެ އިމާރާތަކީ ޞާލިހުގެ ސަރުކާރުން އެ ރަށުގެ ސިއްޚީ މަރުކަޒުގެ ޖާގައިގެ ދަތިކަން ހުރުމުން އެކަމަށް ހައްލެއް ގެނައުމަށް ހަދަން ފަށާފައިވާ އިމާތެއް ކަމަށާއި ސަރުކާރު ބަދަލުވި ފަހުން އެ އިމާރާތުގެ މަސައްކަތް ވަނީ ހުއްޓިފައި ކަމަށެވެ.
އުސްމާން ވިދާޅުވީ އެ އިމާރާތުގެ މަސައްކަތް މުޅިންހެން ހުރީ ނިމިފައި ކަމަށާއި ދެން އިތުރަށް ކުރަން ހުންނާނީ ވަރަށް ކުޑަކުޑަ މަސައްކަތްތަކެއް ކަމަށެވެ. އެހެން ނަމަވެސް ކުރީ ސަރުކާރު ބަދަލުވި ފަހުން މިހާތަނަށް އަހަރެއް ވެގެން ދިޔައިރުގައި ވެސް އެ އިމާރާތުގެ އެއްވެސް މަސައްކަތެއް ކުރަމުން ނުދާކަން އޭނާ ފާހަގަ ކުރިއެވެ.
އިމާރާތުގެ ބޮޑުބައެއް ނިންމާފައިވާކަން ފާހަގަކޮށް އުސްމާން ވިދަޅުވީ ވަރަށް ކައިރި މުސްތަގުބަލެއްގައި ރައީސްގެ ދަތުރުފުޅެއް ދިގުރަށަށް އެބައޮތް ކަމަށާއި އެ ދަތުރުފުޅުގެ ތެރެއިން އެ އިމާރާތް ނިންމާ ހުޅުވުވިގެން ދާނޭ ކަމުގެ އުންމީދު އެބައޮތް ކަމަށެވެ.
އިމާރާތް ހުރީ އެއްކޮށް ކަހަލަގޮތަކަށް ނިމިފަ، މާބޮޑު މަސައްކަތެއް ނުހުންނާނެ ދެން އެތަނުގައި ކުރާކަށް. ހީވަނީ ކައިރި މުސްތަގުބަލުގައި އެތަން ވަރަށް އަވަހަށް ހުޅުވިގެން ދާނެހެން. އެއީ ކައިރި މުސްތަގުބަލުގައި ރައީސްގެ ދަތުރުފުޅެއް އެބައޮތް. ހީވަނީ އެ ދަތުރުފުޅުގައި ރިބަން ކަނޑާލެވޭނެވަރުވާނޭހެންއދ. ދިގުރަށު ކައުންސިލް ރައީސް އިބުރާހީމް އުސްމާނު
އުސްމާނު ވިދާޅުވީ މި ސަރުކާރަށް އެއްއަހަރާއި ނުވަ މަސްދުވަސް ވެގެން ދިޔައިރުގައި ވެސް އެއްވެސް މަސައްކަތެއް ކޮށްފައި ނުވާކަމަށެވެ.
އުސްމާން ވިދާޅުވީ ސިއްޚީ މަރުކަޒަށް އަލަށް އިތުރުކުރުމަށް ހަދާ އެ އިމާރާތުގައި އިދާރީ މަސައްކަތައް ބޭނުންކުރެވޭ ގޮތަށް ހުރި ބަޔަކާއި ފެމިލީ ހެލްތް ކެއަރ ޔުނިޓެއްގެ އިތުރުން ސްޓޯރުތައް ވެސް އެ ހުންނާނޭ ކަމަށެވެ.
އަދި އެ އިމާރާތް އެއްކޮށް ނިމި ހުޅުވިގެން ދިއުމުން ވަރަށް ބޮޑު ފަސޭހަތަކެއް ލިބިގެންދާނޭ ކަމަށް ވެސް އުސްމާން ވިދާޅުވި އެވެ.
