މީޑިއާ ކޮންޓްރޯލް ކުރާ ބިލާއި ގުޅޭގޮތުން ހޯމަ ދުވަހު މީޑިއާތަކާއި ބައްދަލުކުރަނީ

މީޑީއާ ކޮންޓްރޯލް ކުރާ ގޮތަށް ފަރުމާކޮށްފައިވާ، މޯލްޑިވްސް މީޑިއާ އެންޑް ބްރޯޑް ކާސްޓިންގ ރެގިއުލޭޝަންގެ ބިލާއި ގުޅޭގޮތުން މީޑިއާތަކާއި އެކު މަޝްވަރާ ބައްދަލުވުމެއް ބާއްވަން ހަމަޖެހިފައިވާ ކަމަށް ރައްޔިތުންގެ މަޖިލީހުން ހާމަކޮށްފި އެވެ.

މަޖިލީހުން ބުނީ މަޖިލީހުގެ މިނިވަން މުއައްސަސާތަކާއި ބެހޭ ކޮމިޓީން ހިއްސާކުރަމުން ގެންދާ " މޯލްޑިވްސް މީޑިއާ އެންޑް ބްރޯޑްކާސްޓިން ރެގިއުލޭޝަން ބިލް" އާއި ގުޅޭ ގޮތުން ދިވެހިރާއްޖޭގައި ރަޖިސްޓަރކޮށްފައިވާ މީޑިއާތަކާއި އެކު މަޝްވަރާ ކުރެއްވުމަށްޓަކާ 1 ސެޕްޓެމްބަރ ވާ ހޯމަ ދުމަހުގެ 11:00ގައި ރައްޔިތުންގެ މަޖިލީހުގެ އިދާރާގައި މަޝްވަރާ ބައްދަލުވުމެއް ބާއްވަން ނިންމާފައިވާ ކަމަށެވެ.

އެ މަޝްވަރާ ބައްދަލުވުމުގައި ދިވެހިރާއްޖޭގައި ރަޖިސްޓަރކޮށްފައިވާ މީޑިއާތަކުން ބައިވެރިވުމަށް މިނިވަން މުއައްސަސާތަކާއި ބެހޭ ކޮމިޓީން ވަނީ އެދިފައެވެ. އެގޮތުން ކޮންމެ މީޑިއާ އަކުން ގިނަވެގެން އެއް ބޭފުޅަކަށް ބައިވެރިވުމަށް ވަނީ ފުރުސަތު ދީފައެވެ.

އެ ބައްދަލުވުމަށް ދާން ބޭނުންވާ މީޑިއާތަކުން ރަޖިސްޓްރޭޝަން ފޯރމް ފުރިހަމަ ކުރުމަށް ފަހު 31 އޮގަސްޓް 2025ގެ 10:00ގެ ކުރިން އެ އިދާރާއިން ވަނީ އެދިފައެވެ.