މި އަހަރު ހިތްވަރު ދިނުމުގެ ގައުމީ އިނާމު ވިޔަފާރި ކުރިއެރުވުމުގެ ދާއިރާއިން އެވޯޑް ހާސިލްކުރި ހަމައެކަނި ކުންފުންޏަށް އުރީދޫ ވެއްޖެއެވެ.

ޤައުމީ ދުވަހުގެ މުނާސަބަތުގައި އާދިއްތަ ދުވަހު، ބޭއްވެވި ރަސްމީ ޖަލްސާގައި މި އިނާމު ދެއްވީ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުއެވެ. އަދި ކުންފުނީގެ ފަރާތުން އިނާމާ ހަވާލުވެލެއްވީ ބަލައިގަތީ މޯލްޑިވްސްގެ ސީއީއޯ އަދި މެނޭޖިން ޑިރެކްޓަރު ޚާލިދު އަލް ހަމާދީ އެވެ.

މި އެވަރޑުގެ ސަބަބުން ރާއްޖޭގެ ކުރިއެރުމުގައި އުރީދޫ މަސައަކަތް ކުރަމުން މިދިޔަ 20 އަހަރުގެ ދިގު ހިއްސާގެ އަގު ވަޒަންވިކަން އުރީދޫ އިން ފާހަގަކުރެވެއެވެ. އުރީދޫއިން ވަނީ ޓެލެކޮމިއުނިކޭޝަން، ޑިޖިޓަލް ހިދުމަތްތަކާއި، މުޖުތަމައުތައް ބާރުވެރިކޮށް، ގައުމީ ތަރައްގީ ހަލުވިކޮށް، އިނޮވޭޓިވް ސޮލިއުޝަންތައް އުފައްދައިފަ އެވެ. 2005 ވަނަ އަހަރު ވަތަނިއްޔާގެ ނަމުގައި ފެށި މޮބައިލް އޮޕަރޭޓަރެއްގެ ޚިދުމަތް ފުޅާ ދާއިރާއެއްގައި ޑިޖިޓަލް ހިދުމަތް ދޭ ކުންފުންޏަކަށް ބަދަލުވެ، ކަނެކްޓިވިޓީ، ފިންޓެކް، އީ-ކޮމާސް އަދި 5ޖީ ޓެކްނޮލޮޖީގެ ދާއިރާއިން ބޮޑެތި ކުރިއެރުންތަކެއް ވަނީ ހޯދާފަ އެވެ.

މިކާމިޔާބީއާ މެދު އުރީދޫގެ ސީއީއޯ އަދި މެނޭޖިންގ ޑިރެކްޓަރ ޚާލިދު އަލް ޙަމާދީ ވިދާޅުވެފައި ވަނީ މިފަދަ ތާރީޚީ މުނާސަބަތެއްގައި ޤައުމީ އިނާމު އުރީދޫ މޯލްޑިވްސްއަށް ލިބުމަކީ އުރީދޫ މޯލްޑިވްސްއަށް ލިބޭ ވަރަށް ބޮޑު ޝަރަފެއް ކަމަށެވެ. މިކަމުން ދައްކުވައިދެނީ މުވައްޒަފުންގެ އަޒުމާއި، ކަސްޓަމަރުންގެ އިތުބާރާއި، ދިވެހި ރައްޔިތުންނަށް މަންފާއާ ލާބައަށް އަޅުގަނޑުމެން ދެމުންދާ އަހައްމިއްޔަތުކަން ކަމަށް އޭނާ ވިދާޅުވިއެވެ. ހަގީގީ ޑިޖިޓަލް މޯލްޑިވްސް އެއް ބިނާކުރުމަށް މަސައްކަތް ކުރާއިރު އިނޮވޭޝަނާއި އިންކްލޫސިވިޓީ ޕްރޮމޯޓް ކުރުމުގައި ދެމިތިބޭނެ ކަމަށް ވެސް އޭނާ ވިދާޅުވިއެވެ.

މިހާރު އުރީދޫ މޯލްޑިވްސްއަކީ ޑިޖިޓަލް އެމްޕަވަރމަންޓް އެންޑް އިނޮވޭޝަން ތަމްސީލުކުރާ، މުޅި ރާއްޖޭގެ އާބާދީގެ 80% އަށް 5ޖީ ފޯރުކޮށްދީ، އޭއައި ހިދުމަތްތަކާއި، ފައިނޭންޝަލް ޓެކްނޮލޮޖީ ސޮލިއުޝަންތަކާއި، އުރީދޫ ފަން ރަން، މަސްރޭސް، އަދި ގްރޯ ވިތް އުރީދޫ ފަދަ މުޖުތަމައުގެ ފާހަގަކޮށްލެވޭ ހަރަކާތްތައް ހިމެނޭ، ދިރިއުޅުން ކުރިއެރުވުމަށާއި ވަކި ވަކި ފަރުދުންނާއި މުޖުތަމައު ކުރިއެރުމަށް މަސައްކަތް ކުރާކުންފުންޏެކެވެ.