ޓްރަމްޕާއި ޕުޓިންގެ ބައްދަލުވުމުގެ ކުރިން، ސްޓާމާއާ ބައްދަލު ކުރުމަށް ޒެލެންސްކީ އިނގިރޭސިވިލާތުގައި
ބުރާސްފަތި ދުވަހު ޒެލެންސްކީ އާއި ސްޓާމާ ބައްދަލު ކުރައްވާފައިވާއިރު، ބުދަ ދުވަހު ވަނީ ޒެލެންސްކީ އާއި ސްޓާމާ އަދި ޓްރަމްޕް އޮންލައިންކޮށް ބައްދަލު ކުރައްވައިފަ އެވެ. ރަޝިޔާ-ޔުކްރެެއިން ހަނގުރާމައިގެ މައްސަލައިގައި ޓްރަމްޕާއި ޕުޓިން ހުކުރު ދުވަހު އެލަސްކާގައި ބައްދަލު ކުރައްވާނެ އެވެ.
ޔުކްރެއިންގެ ރައީސް ޒެލެންސްކީ އަދި އިނގިރޭސިވިލާތުގެ ބޮޑު ވަޒީރު ކިއާ ސްޓާމާ މީގެ ކުރިން ބައްދަލު ކުރައްވަނީ
އެމެރިކާގެ ރައީސް ޑޮނަލްޑް ޓްރަމްޕާއި ރަޝިޔާގެ ރައީސް ވްލަޑިމިއަރ ޕުޓިންގެ ބައްދަލުވުމުގެ ކުރިން، ޔުކްރެއިންގެ ރައީސް ވުލޮޑިމިއަރ ޒެލެންސްކީ އިނގިރޭސިވިލާތުގެ ބޮޑު ވަޒީރު ކިއާ ސްޓާމާއާ ބައްދަލު ކުރައްވައިފި އެވެ.
އިނގިރޭސިވިލާތުގެ ވެރި ރަށް ލަންޑަންގައި ބުރާސްފަތި ދުވަހު ޒެލެންސްކީ ވަނީ ބޮޑު ވަޒީރު ސްޓާމާއާ ބައްދަލު ކުރައްވައިފަ އެވެ. މި ބައްދަލުވުމަކީ ޔުކްރެއިން އާއި ޔޫރަޕުގެ ލީޑަރުން ނުހިމަނައި ކުރިއަށް ގެންދާ އެމެރިކާ-ރަޝިޔާ ސަމިޓުގެ ކުރިން ބޭއްވުނު މުހިންމު ބައްދަލުވުމެކެވެ.
ބުރާސްފަތި ދުވަހު ޒެލެންސްކީ އާއި ސްޓާމާ ބައްދަލު ކުރައްވާފައިވާއިރު، ބުދަ ދުވަހު ވަނީ ޒެލެންސްކީ އާއި ސްޓާމާ އަދި ޓްރަމްޕް އޮންލައިންކޮށް ބައްދަލު ކުރައްވައިފަ އެވެ. ރަޝިޔާ-ޔުކްރެެއިން ހަނގުރާމައިގެ މައްސަލައިގައި ޓްރަމްޕާއި ޕުޓިން ހުކުރު ދުވަހު އެލަސްކާގައި ބައްދަލު ކުރައްވާނެ އެވެ.
މިއީ މީގެ ތިން އަހަރުު ކުރިން، 2022 ވަނަ އަހަރުގެ ފެބްރުވަރީ މަހު ރަޝިޔާ އިން ޔުކްރެއިން އަށް ހަމަލާތައް ދޭން ފަށައި، އަދި ހަނގުރާމަ ފެށި ފަހުން ޕުޓިން ހުޅަނގަށް ވަޑައިގަންނަވާ ފުރަތަމަ ފަހަރެވެ. ޓްރަމްޕާއި ޕުޓިންގެ ބައްދަލުވުމުގެ ކުރިން ޒެލެންސްކީ އަދި ޔޫރަޕުގެ ލީޑަރުން ވެސް ވަނީ ހަނގުރާމަ ހުއްޓުމަކަށް ގެނައުމަށް ޓްރަމްޕް އަށް ގޮވާލައްވައިފަ އެވެ.
ޓްރަމްޕާއި ޕުޓިންގެ މުހިންމު ބައްދަލުވުމުގެ ކުރިން ޒެލެންސްކީ ސްޓާމާއާ ބައްދަލު ކުރައްވާފައިވާއިރު، ޒެލެންސްކީ ވަނީ ޔޫރަޕުގެ ލީޑަރުންގެ ތާއީދު ވެސް ހޯއްދަވައިފަ އެވެ. ހަނގުރާމަ ނިންމުމަށް ކުރެވޭ މަސައްކަތާއި، ސުލްޙަވެރިކަން ހޯދުމަށް ކުރެވޭ މަސައްކަތުގައި ޒެލެންސްކީގެ ބައިވެރިވުން އޮންނަން ޖެހޭނެ ކަމަށް ޔޫރަޕުގެ ލީޑަރުން ވަނީ ގޮވާލައްވައިފަ އެވެ.
މީގެ އިތުރުން ރަޝިޔާ އާއި ޔުކްރެއިންއާ ދެެމެދު ހިނގަމުން އަންނަ ހަނގުރާމަ ނިންމުމަށް ކުރެވޭ މަސައްކަތުގައި، ޔުކްރެއިންގެ މަސްލަޙަތު އިސްކުރަން ޖެހޭ ކަމަށް ވެސް ޔޫރަޕުގެ ލީޑަރުން ވަނީ ވިދާޅުވެފަ އެވެ.
ހުކުރު ދުވަހު އޮންނަ ޓްރަމްޕާއި ޕުޓިންގެ ބައްދަލުވުމުގެ ދައުވަތު ޒެލެންސްކީ އަށް ދީފައި ނުވަނީ ޕުޓިން އެކަމަށް ޤަބޫލު ނުވާތީ އެވެ. ޕުޓިން ބޭނުންފުޅު ވަނީ ޓްރަމްޕާ އެކު ބައްދަލު ކުރެއްވުމަށް ފަހު، ބައެއް އެހެން އިންތިޒާމުތައް ހަމަޖައްސައި، އޭގެ ފަހުގައި ޒެލެންސްކީއާ ބައްދަލު ކުރެއްވުމަށެވެ.
