އެމްޑީޕީ ވެރިކަމެއްގަ ނޫނީ ރަނގަޅަށް ކަންތައްތައް ދާނެ ކަމަކަށް އުންމީދެއް ނުކުރަން: އަލީ ހުސައިން
8 އޯގަސްޓު 2025 | ހުކުރު 14:00ޕީއެންސީން ވެރިކަމަށް އަންނަން ދެއްކި ހުރިހާ ވާހަކަ އެކޮޅުކޮޅުން ޖަހައިފި ކަމަށާއި އޭރުވެސް މިހާރުވެސް މުޢިއްޒަކީ ކާކުކަން އެނގޭކަމަށް އަލީ ހުސައިން ވިދާޅުވި
ރައްޔިތުން މަޖިލީހުގެ ކުރީގެ މެންބަރު އަލީ ހުސައިން
އެމްޑީޕީގެ ވެރިކަމެއްގަ ނޫނީ ރަނގަޅު ކަންތައްތަކެއް ވާނެ ކަމަކަށް އުންމީދު ނުކުރައްވާ ކަމަށް ރައްޔިތުން މަޖިލީހުގެ ކުރީގެ މެންބަރު އަލީ ހުސައިން ވިދާޅުވެއްޖެއެވެ.
ރާއްޖެ ޓީވީގެ ޓީވީ ޓޯކް ޕްރޮގްރާމުގައި ވާހަކަދައްކަމުން އަލީ ހުސައިން ވިދާޅުވީ، އެހެން ވެރިކަމެއްގައި ކަންތައްތައް ރަނގަޅަށް ދާކަމަށް ގިނަ މީހުން ގަބޫލުވެސް ނުކުރާ ކަމަށާއި ވަކިން ހާއްސަކޮށް ޕީއެންސީ މީހުންނަކީ ކަންކަން ރަނގަޅުކުރާ ވާހަކަ ދައްކާވެސް ބައެއް ނޫންކަމަށެވެ.
ރައްޔިތުންނަށް ކަމެއް ކޮށްދޭން އެވާހަކަ ދައްކާ ބަޔަކީ އެމްޑީޕީކަން ފާހަގަކުރައްވާ އަލީ ހުސައިން ވިދާޅުވީ ކަންތައްތަކުގެ ވާހަކަ ދައްކާފަ އެކަން ނުވުން އެއީ އަދި މުޅިން އެހެން ކަމެއް ކަމަށެވެ. ޕީއެންސީން ވެރިކަމަށް އަންނަން ދެއްކި ހުރިހާ ވާހަކަ އެކޮޅުކޮޅުން ޖަހައިފި ކަމަށާއި އޭރުވެސް މިހާރުވެސް މުޢިއްޒަކީ ކާކުކަން އެނގޭކަމަށް އަލީ ހުސައިން ވިދާޅުވި އެވެ.
އަޅުގަނޑުމެންނަށް އެބައެނގޭ މުޢިއްޒު އަކީ ކާކުކަން ކޮންކަމެއްކަން ކުރީ ކޮންކަމެއްްކަން ކުރެއްވީ، ވަޒީފާ އަދާކުރެއްވި 7 އަހަރުގެ ތެރޭގައި ކިހިނެއްތޯ 15 ބުރީގެ އިމާރާތެއް އެޅުނީ، ކިހިނެއްތޯ ހުޅުމާލެއިން ރޯހައުސް ގަތީ މިއީ ސުވާލު އުފެދޭ ކަންތައްތައް، ހަމަ އެގޮތައް ނޫމަޑި މައްސަލާގައި ތިން ބަޔާން ބަދަލުކުރެއްވި ރައްޔިތުން މަޖިލީހުގައި ދެއްކި ވާހަކަ އެހެރީ ފެންނަން ބަޔާން ބަދަލުކުރިކަން، ފުރަތަމަ ދިން ބަޔާނެއް ނޫން ފަހުން ދެއްވީ، ޖިނާއީ ދައުވާ ރާއްޖޭގެ ކޯޓުން ކުރެވެމުން ދަނިކޮށް އޭގަ ތިބި ހެކިން ޓަސްލާފަ ނާންނަގޮތައް ނިންމީ،އަލީ ހުސައިން
އަލީ ހުސައިން ވިދާޅުވީ ނޫމަޑި މައްސަލައިގައި ދޭންޖެހުނު ބޮޑު ބަދަލު ދޭން ޖެހުނީ ރައީސް މުޢިއްޒު އާއި ހެދި ކަމަށާއި މިހުރިހާކަމެއް ކުރީމަވެސް އެޅުނު ފިޔަވަޅެއް ނެތް ކަމަށެވެ. އަދި މާލޭގެ މޭޔަރަކަށް ހުންނަވައިގެން މުޢިއްޒު އަތުފަތު ނުޖެހޭކަން ފާހަގަކުރައްވާ އަލީ ހުސައިން ވިދާޅުވީ، ހުރިހާ ބިމެއް ބިޑަކާއި ނުލާ ވިއްކާލިއިރު އެހަކަށްދުވަހު ތުޅާދޫ ކައުންސިލުން ބިޑަކާއި ނުލާ ބަޔަކަށް ބިމެއް ދީގެން އެ ކައުންސިލް ރޮނޑަކުން ހަންދަމާހެން ހަނދަމާލި ކަމަށެވެ.
އެހެން ނަމަވެސް މާލެ ސިޓީ ކައުންސިލަކަށް އެއްވެސް ގާނޫނެއް ތަތުބީގެއް ނުކުރާ ކަމަށް އަލީ ހުސައިން ވިދާޅުވި އެވެ. އަދި ލާމަރުކަޒީ ނިޒާމުގެ މާނައަކީ ކެޕިޓަލް ސިޓިގެ މެދުގަ ލާމަރުކަޒީ ނިޒާމު ހިނގުން ނޫންކަމަށާއި މާލެ ސިޓީގެ މެދުގައި ލާމަރުކަޒީ ނިޒާމު ހިންގާކަށް ނުޖެހޭނެ ކަމަށް އަލީ ހުސައިން ވިދާޅުވި އެވެ.
