ދިރާގު މޯލްޑިވްސް ގޭމިންގ ކޮންކުއެސްޓް (ޑީއެމްޖީސީ)، ރާއްޖޭގެ ތާރީހުގައި މިހާތަނަށް ބޭއްވި އެންމެ ބޮޑު ގޭމިންގް މުބާރާތް، ކާމިޔާބުކަމާއެކު ނިންމައިލައިފިއެވެ.

މި މުބާރާތުގައި ރާއްޖޭގެ އެކި ކަންކޮޅުތަކުން 1500އަށް ވުރެ ގިނަ ގޭމް ކުޅުންތެރިން ވަނީ ބައިވެރިވެފައެވެ. ގިޔާސުއްދީން ސްކޫލްގައި ކުރިއަށް ގެންދިޔަ މި މުބާރާތުގައި، އެއް ތަނެއްގައި ލައިވްކޮށް މައިގަނޑު 4 ގޭމެއް ވަނީ ކުރިއަށް ގެންގޮސްފައެވެ. މި މުބާރާތްތަކުގައި އޮންލައިން ސަރވަރތައް މެދުވެރިކޮށް އެއްފަހަރާ 150 އަށް ވުރެ ގިނަ ކުޅުންތެރިން ވަނީ ވާދަވެރި މެޗުތަކެއް ކުޅެފައެވެ. މިއީ، ދިރާގުގެ ހަލުއި 5ޖީ ހިދުމަތުގެ ފެންވަރު އަދި ދިރާގު ފައިބާރ ނެޓްވޯކްގެ ސްޕީޑް ދައްކުވައިދިން ކަމެކެވެ.

ޑީއެމްޖީސީ 2025ގެ ވަނަތައް ހާސިލުކޮށްފައިވާ ޓީމުތަކާއި ކުޅުންތެރިންނަކީ:

ދިރާގުން ދަނީ ރާއްޖޭގެ އެންމެ ބޮޑު ގޭމިންގ ޕްލެޓްފޯމް ދިރާގު ގޭމާރސް ގިލްޑް (ޑީޖީޖީ) މެދުވެރިކޮށް ރާއްޖޭގެ ގޭމް ކުޅުންތެރިންގެ ހުނަރު އިތުރުކޮށްދީ، އީ-ސްޕޯޓްސް ފުޅާކޮށް، ގޭމިންގ ކޮމިއުނިޓީ އިތުރު ހަރުފަތްތަކަށް ގެންދިއުމަށް އެންމެ ކުރީ ސަފުގައި ހަރަކާތްތެރިވަމުންނެވެ.

ޑީއެމްޖީސީ 2025 ކުރިއަށް ގެންގޮސްފައިވަނީ ގިނަ ފަރާތްތަކެއްގެ އެހީތެރިކަމާއި އެއްބާރުލުމާއެކުގައެވެ. މި ގޮތުން މި މުބާރާތުގެ ޕްރިމިއަމް ޕަރޓްނަރެއްގެ ގޮތުގައި މިނީސޯ، އެލީޓް ޕަރޓްނަރުންގެ ގޮތުގައި ޝީޝާ، ޕީކަބޫ، މެގަޗިޕް އަދި ވިލާ މާޓް، ގޭމިން ޕަރޓްނަރުގެ ގޮތުގައި ރާއްޖެ ގޭމިން ކޮމިއުނިޓީ، ކޮންޓެންޓް ޕަރޓްނަރެއްގެ ގޮތުގައި ސިޑިބަރީ އަދި ކޭޓަރިން ޕަރޓްނަރެއްގެ ގޮތުގައި ބުރުޒު ކޭޓަރިން ވަނީ ހަރަކާތްތެރިވެފައެވެ.