ޤުރުއާން ދަސްކުރުމުގައި އެންމެ ބޮޑަށް ވިސްނަން ޖެހޭ ކަމަކީ ޤުރުއާން ދަސްކުރުމުން ﷲގެ ހަޒްރަތުން ލިބޭނެ ދަރަޖަ - ހުތުބާ
ހުތުބާގައި ބުނެފައިވާ ގޮތުގައި ޤުރުއާން ދަސްކުރެވޭނީ ގިނައިން އަޑުއަހާ ގިނައިން ޤުރުއާން ކިޔަވައިގެން
ތުއްތު ކުއްޖަކު ޤުރުޢާން ކިޔަނީ
ކީރިތި ޤުރުއާން ދަސްކުރުމުގައި އެންމެ ބޮޑަށް ވިސްނަން ޖެހޭ ކަމަކީ މާތްﷲ ވަޖުހުފުޅަށް އަދައިގެން ޤުރުއާން ދަސްކުރުމުން ﷲ ސުބުޙާނަހޫ ވަތަޢާލާގެ ހަޒުތަރުން ލިބޭ މަތިވެރި ދަރަޖަކަމަށް ހުކުރު ހުތުބާގައި ބުނެފިއެވެ.
ކީރިތި ޤުރުއާން ހިތު ދަސްކުރުން މި މައުޟޫއު އަށް ހުކުރު ދުވަހު ދިން ހުތުބާގައި ބުނެފައި ވަނީ ކީރިތި ޤުރުއާނަކީ އޭގެ އަކުރަށް ފިއްޔަކަށް ބަދަލު އައުމެއް ނުވާ ގޮތަށް ގިޔާމަތާއި ހަމައަށް ދެމިގެންދާ މުއުޖިޒާތެއް ކަަމަށެވެ. ކީރިތި ޤުރުއާން ރައްކާތެރިކުރައްވާނެ ގޮތްތައް މާތްﷲ ލައްވާފައިވާ ކަމަށް ވެސް ހުތުބާގައި ބުނެފައިވެއެވެ.
މުސްލިމް އަޙުންނޭވެ! ކީރިތި ޤުރުއާން ހިތު ދަސްކުރުމަކީ ދުންޔަވީ ހަޔާތާއި އުޚްރަވީ ހަޔާތުގައި ވެސް އޭގެ ފައިދާ އެ މީހަކަށް ލިބޭނެ ކަމެއް. ދުނިޔަވީ ފައިދާ ބަޔާންކުރައްވާ ރަސޫލާ ހަދީސްކުރައްވަނީ " ބަޔަކަށް އިމާމުވެ ނަމާދުކޮށްދޭހުށީ، އެ ބައިމީހުންގެ ތެރެއިން ﷲގެ ފޮތް އެންމެ ރަނގަަޅަށް ކިޔަވަން ދަންނަ މީހާ"އެވެ.ހުތުބާ
މީގެ އިތުރުން ވެސް ޤުރުއާން ކިޔަވާ އެއަށް އަމަލުކުރުމުގައި ކީރިތި ޤުރުއާން ހިތުދަސްކުރުމުގެ މުހިންމުކަމަށް ހުތުބާގައި އަލިއަޅުވާލާފައިވެއެވެ. އެގޮތުން ކީރިތި ޤުރުއާންގެ މިންވަރެއް ހިތުގައި ނުވާ މީހާގެ މިސާލަކީ ވީރާނާވެފައިވާ ގެއެއްގެ މިސާލުކަމަށް ރަސޫލާ صلى الله عليه وسلم ވިދާޅުވެފައިވާކަމަށް ހުތުބާގައި ފާހަގަކޮށްފައިވެއެވެ.
ކީރިތި ޤުރުއާން ހިތު ދަސްކުރުމަކީ މަރުވުމަށް ފަހުގައި ވެސް އޭނާގެ ދަރަޖަ މަތިވެރިވާނެ ކަމެއްކަން ރަސޫލާ އަންގަވާފައިވާކަން ހުތުބާގައި ފާހަގަކޮށްފައިވެއެވެ. ކީރިތި ޤުރުއާން ހިތުދަސްކުރުމަކީ އެހެނިހެން ޢިލްމުތައް ހާސިލްކުރުމަށް ފަސޭހަވާނެ ކަމެއް ކަމަށް ހުތުބާގައި ބަޔާންކޮށްފައިވެއެވެ.
އުންމަތުގެ ސަލަފުން އެ ބޭކަލުންގެ ދުވަސްވަރުގައި ޙަދީޘް ޢިލްމު އުނގަންނަވައިދެއްވުމުގައި އެ ބޭކަލުންގެ ދަރިވަރުން ކީރިތި ޤުރްއާން ހިތުދަސްކުރުން ލާޒިމުކުރެއްވިއެވެ. اَلْإِمَامُ النَّوَوِيْ رَحِمَهُ اللهُ ވިދާޅުވެފައިވެއެވެ. "ސަލަފުންގެ ޒަމާނުގައި ކީރިތި ޤުރްއާން ހިތުދަސް ދަރިވަރަކަށް ނޫނިއްޔާ ޙަދީޘް ޢިލްމާއި ފިޤުހު ޢިލްމު އެބޭކަލުން އުނގަންނަވައެއް ނުދެއްވައެވެ." އަޅަމެންގެ ވެރިރަސްކަލާކޮ! އަޅަމެންގެ ހިތުގައި ކީރިތި ޤުރްއާން ހިތުދަސްކުރުމުގެ ޝައުޤުވެރިކަން އިތުރުކުރައްވައި ކީރިތި ޤުރްއާނަށް ލޯބި އިތުރު ކުރައްވާނދޭވެ!ހުތުބާ
ހުތުބާގައި ބުނެފައިވާ ގޮތުގައި ޤުރުއާން ދަސްކުރެވޭނީ ގިނައިން އަޑުއަހާ ގިނައިން ޤުރުއާން ކިޔަވައިގެންނެވެ.
