އދ.އޮމަދޫގެ ގެއެއްގައި މަސްތުގެ ހާލަތުގައި ހުރި މީހަކު އޭނާގެ ގޭގެ ކޮޓަރިއެއްގައި ރޯކޮށްލައިފި
28 ޖުލައި 2025 | ހޯމަ 10:48ފުލުހުން ދަނީ މި މައްސަލަ ތަހުގީގުކުރަމުން
އދ.އޮމަދޫ، ސްޓެލާ، އުމުރުން 32 އަަހަރުގެ އަހުމަދު ނާފިއު
އދ.އޮމަދޫގެ ގެއެއްގައި މަސްތުގެ ހާލަތުގައި ހުރެ މީހަކު ތަކެއްޗަށް ގެއްލުންދީ، އޭނާ ދިރިއުޅޭ ގޭގެ ކޮޓަރި އެއްގައި އަލިފާން ރޯކޮށްލި މައްސަލަ އެއް ފެންމަތިވެއްޖެއެވެ.
އދ.އޮމަދޫގެ ގެއެއްގައި މަސްތުގެ ހާލަތުގައި ހުރި ކަމަށް ބެލެވޭ މީހަކު އަޑު ގަދަކޮށް ހަޑި ހުތުރު ބަހުން މުއާމަލާތު ކުރަމުންދިއުމުގެ އިތުރުން ތަކެއްޗަށް ގެއްލުން ދިން މައްސަލަ އެއް ފުލުހުންނަށް ރިޕޯޓްކޮށްފައިވާ ކަމަށް އެ އިދާރާއިން ވަނީ ހާމަކޮށްފައެވެ.
ފުލުހުން މީޑިއާތަކާއި ހިއްސާކުރި މެސެޖެއްގައި ބުނެފައި ވަނީ މި މައްސަލަ ފުލުހުންނަށް ރިޕޯޓްކޮށްފައި ވަނީ ޖުލައި 27 ވަނަ ދުވަހުގެ ރޭ 01:27 ހާއިރު ކަމަށެވެ.
ފުލުހުން ބުނީ އަލިފާން ރޯކޮށްލުމުގެ ސަބަބުން އެއްވެސް މީހަކަށް އަނިޔާވެފައި ނުވާ ކަމަށެވެ. އެހެންނަމަވެސް ކޮޓަރީގައި ހުރި ގިނަ އަދަދެއްގެ ތަކެތި ބޭނުން ނުކުރެވޭ ވަރަސް އަނދާފައި ވާ ކަަމަށް ފުލުހުން ބުނެފައިވެއެވެ.
މި މައްސަލަ އާއި ގުޅުގެން އދ.އޮމަދޫ، ސްޓެލާ، އުމުރުން 32 އަަހަރުގެ އަހުމަދު ނާފިއު ފުލުހުންގެ ބެލުމުގެ ދަށަށް ގެންގޮސްފައިވާކަން އެ އިދާރާއިން ވަނީ ހާމަކޮށްފައެވެ.
ފުލުހުން ދަނީ މި މައްސަލަ ތަހުގީގުކުރަމުންނެވެ.
