ސަރުކާރުން މިއަދު އެތިބެނީ ގޮތް ދޫނުކުރަން، އެކަމަކު ގައުމު މިހެން ދާކަށް ރައްޔިތުން ދުލެއް ނުކުރާނެ: ޒިޔާދު
ސިޔާސީ މަގަމުތަކަށް ދެން މީހުން އައްޔަން ނުކުރާނެ ކަމަށް ބުނިފަހުން އެ މަގާމުތަކަށް ނެގި މީހުން ވީ ގިނަ
ރައްޔިތުން މަޖިލީހުގެ ވައިކަރަދޫ ދާއިރާގެ މެންބަރު ހުސައިން ޒިޔާދު
ލިބުނު ފެހި ސިގްނަލެއްގެ އަވާގައި ޖެހި ސަރުކާރުން މިއަދު އެތިބެނީ ގޮތް ދޫނުކުރަން ކަމަށާއި އެހެން ނަމަވެސް ގައުމުގެ މިހެން ދާކަށް ރައްޔިތުން ދޫ ނުކުރާނެ ކަމަށް ރައްޔިތުން މަޖިލީހުގެ ވައިކަރަދޫ ދާއިރާގެ މެންބަރު ހުސައިން ޒިޔާދު ވިދާޅުވެއްޖެއެވެ.
ރާއްޖެޓީވީގެ ފަލަސުރުހީ ޕްރޮގްރާމްގައި ވާހަކަދައްކަވަމުން ޒިޔާދު ވިދާޅުވީ، ގައުމު މިހާލަތަށް މިދަނީ ނޭނގި ނޫންކަމަށާއި އިގްތިސޯދީ މާހިރުން މިހާރުވެސް ދައްކާ ވާހަކައަކީ ލިބޭ ވަރަކުން ހަރަދުތަށް ދަމަހެއްޓުމަށް ކަމަށެވެ.
ސުރުހީތަކުންނާއި ފިނޭންސްއިން ނެރޭ ބަޔާންތަކާއި ރިޕޯޓުތަކުންވެސް އެނގެން އޮންނަނީ ލިބޭ އާމްދަނީ އިތުރުވާކަން ކަމަށާއި ފަތުރުވެރިކަމުގެ ދާއިރާއިންވެސް ލިބޭ އާމްދަނީ ބޮޑުވެ ޓެކްސް އިންވެސް ލިބޭ އާމްދަނީ ބޮޑުވާކަންކަމަށް ޒިޔާދު ވިދާޅުވިއެވެ.
މި ފައިސާ މިވަރަށް ހުންނައިރުވެސް ދަރަނި ދައްކަން ބަލާލާއިރު، މިދިޔަ އަހަރު ބަޖެޓުގައި ވެސް 3 ބިލިއަން ޖެހި، މި ޖޫންމަސް މި ހިނގަނީ އަހަރު ދެބައިވީ، މިހާރު އޭގައިވެސް ނެތް ލާރިއެއް، އެވެސް ހުސްވީ ދަރަނި ދެއްކި ވަރު އެއޮތީ އެމްއެމްއޭއިން ފެންނަން ދަރަންޏެއްވެސް ނުދެއްކޭ ރިޒާވަކަށް ލާރި އިތުރެއް ނުވޭ.ރައްޔިތުން މަޖިލީހުގެ ވައިކަރަދޫ ދާއިރާގެ މެންބަރު ހުސައިން ޒިޔާދު
ޒިޔާދު ވިދާޅުވީ، އެންމެ ބޮޑު ހުވަފެނަކަށްވި ޑޮލަރަށް ގެނައި ބަދަލު ކަމަށާއި ޑޮލަރު މާރުކުރަން މަޖުބޫރުކޮށް ގާނުނޭއް ހަދައި އެއިން ނިކުތް ނަތީޖާއަކަށްވީ ޑޮލަރު މައްޗަށް އަރައިގެން ގޮސް 19.50 އަށް އެރުން ކަމަށެވެ. އަދި 19.50 އަކީ ހަމައެކަނި ޑޮލަރުގެ އަގެއް ނޫންކަމަށާއި އެ އަގު ފެތުރިގެން ދަނީ އާންމު ދިރިއުޅުމުގެ ހުރިހާ ކަމަކާއި ކަމަށް ޒިޔާދު ވިދާޅުވިއެވެ.
މީގެ އިތުރުން، ޒިޔާދު ވިދާޅުވީ މި ހާލަތަކީ ނޭނގި އައި ހާލަތެއް ނޫންކަމަށާއި އެއްގޮތަކީ މިހާލަތުން ސަރުކާރަށް އަރައިގަންނަން ނޭނގުނީ ނުވަތަ އެހާލަތުން އަރައިގަންނަން ބޭނުން ނުވުން ކަމަށެވެ. އަދި މިހާރު ހުރި ދަރަންޏަށް ބަލާލާއިރު 2025 ނިމުމުގެ ކުރިން 10 ބިލިއަން ބޭނުންވާ ކަމަށް އިގްތިސޯދީ މާހިރުން ބުނާކަމަށް ޒިޔާދު ވިދާޅުވިއެވެ.
ސިޔާސީ މަގަމުތަކަށް ދެން މީހުން އައްޔަން ނުކުރާނެ ކަމަށް ބުނިފަހުން އެ މަގާމުތަކަށް ނެގި މީހުން ވީ ގިނަކަމަށާއި އެކަމުގެ ސަބަބުން ހަރަދުތަށް މެނޭޖު ނުކުރެވިގެން ގައުމު މިހިސާބަށް ދިޔައީ ކަމަށް ޒިޔާދު ވިދާޅުވިއެވެ.
