ޝެއިޚް ފަރީދުގެ ޖަނާޒާ މެލޭޝިޔާގައި
10 ޖޫން 2025 | އަންގާރަ 07:38އެގޮތަށް ނިންމި ސަބަބަކީ މެލޭޝިޔާ އިން ރާއްޖެ ގެންނަ ނަަމަ، ޝެއިޚް ފަރީދުގެ ހަށިކޮޅުގެ ޕޯސްޓްމޯޓަމް ހަދަން ޖެހޭތީ ކަމަށް، ޝެއިޚް ފަރީދުގެ ބައެއް ގާތް ފަރާތްތަކުން ވަނީ ބުނެފައި.
ޝެއިޚް އިބްރާހީމް ފަރީދު
ކުއްލި ގޮތަކަށް ހޯމަ ދުވަހު އަވަހާރަވި މަޝްހޫރު ދީނީ ޢިލްމުވެރިޔާ ޝެއިޚް އިބްރާހީމް ފަރީދުގެ ޖަނާޒާ މެލޭޝިޔާގައި ބާއްވަން ނިންމައިފި އެވެ.
ހޯމަ ދުވަހުގެ ވަގުތެއްގައި ޝެއިޚް ފަރީދު އަވަހާރަވެފައި ވަނީ މެލޭޝިޔާ އަށް ވަޑައިގެންނެވި ފަހުންނެވެ. އެގޮތުން ފްލައިޓުން ފައިބައި ވަޑައިގެންނެވި ފަހުން މެޔަށް ތަދެއް އަރައިގެން ވެއްޓުނު ފަހުން ފަރުވާ ދެމުން ގެންދަނިކޮށް ވަނީ އަވަހާރަވެފަ އެވެ.
އެއާއެކު ޝެއިޚް ފަރީދުގެ ހަށިކޮޅު ރާއްޖެ ގެނައުމަށް މަސައްކަތް ކުރަމުން އަންނަ ކަމަށް، ޝެއިޚް ފަރީދުގެ ގާތް ބޭފުޅުން ވަނީ ހާމަކޮށްފަ އެވެ. ނަމަވެސް، ޝެއިޚް ފަރީދުގެ އާއިލާ އިން މިހާރު ނިންމާފައި ވަނީ، މެލޭޝިޔާގައި ޖަނާޒާ ކުރިއަށް ގެންދިޔުމަށެވެ.
އެގޮތަށް ނިންމި ސަބަބަކީ މެލޭޝިޔާ އިން ރާއްޖެ ގެންނަ ނަަމަ، ޝެއިޚް ފަރީދުގެ ހަށިކޮޅުގެ ޕޯސްޓްމޯޓަމް ހަދަން ޖެހޭތީ ކަމަށް، ޝެއިޚް ފަރީދުގެ ބައެއް ގާތް ފަރާތްތަކުން ވަނީ ބުނެފަ އެވެ.
ޝެއިޚް ފަރީދަކީ ދީނީ ކަންކަމުގައި އަބަދު ވެސް ހެޔޮ ނަސޭހަތްތައް ދެއްވައި، ދީނީ ދަރުސްތައް ދެއްވަމުން ގެންދެވި ބޭފުޅެކެވެ. އަދި ދީނީ ގޮތުން އާންމުން ހޭލުންތެރި ކުރުމަށް ވެސް ޝެއިޚް ފަރީދު ވަނީ ގިނަ މަސައްކަތްތަކެއް ކުރައްވައިފަ އެވެ.
މީގެ އިތުރުން ޝެއިޚް ފަރީދަކީ އާންމު ރައްޔިތުންގެ ތެރެއިން ގިނަ ބައެއްގެ އިތުބާރު ހޯދާފައިވާ، އާންމުންގެ ތެރޭގައި ވަރަށް މަޤުބޫލު ދީނީ ޢިލްމުވެރިޔަކެވެ.
ޝެއިޚް ފަރީދު އަވަހާރަވުމާ ގުޅިގެން ގިނަ ބަޔަކު އަންނަނީ ހެޔޮ ދުޢާކޮށް، އާއިލާ އަށް ތައުޒިޔާ ވެސް ފޮނުވަމުންނެވެ.
