ކަރަންޓު ކެނޑުމާއި ގުޅިގެން ފުލުހުން ކުރާ ތަހުގީގާ ގުޅޭގޮތުން ސުވާލުކުރުމުން ޖަވާބު ނުދީ ފިއްލަވައިފިއެވެ.

ގްރޭޓާ މާލެ ސަރަހައްދުން ކަރަންޓު ކެނޑުމާއި ގުޅިގެން ފުލުހުން ކުރާ ތަހުގީގާ ގުޅޭގޮތުން ސުވާލުކުރުމުން ވިދާޅުވީ ޕްރެސްކޮންފަރެންސް ނިންމާލީ ކަމަށާއި އަދި މިވަގުތު ޕަވާރ ހައުސް އަށް ދާންޖެހުމުން އެ ސުވާލަށް ޖަވާބުދެވެން ނެތް ކަމަށެވެ.

ކަރަންޓު ކެނޑުނު މައްސަލައާ ގުޅިގެން މައުލޫމާތު ހިއްސާ ކުރުމަށް ސްޓެލްކޯއިން ބޭއްވި ނޫސްވެރިންގެ ބައްދަލުވުމުގައި ފުލުހުން ކުރަނީ ކޮން ތަހުގީގެއްތޯ އާއި ފުލުހުން މި މައްސަލަ ތަހުގީގު ކުރަންޖެހުނީ ކީއްވެތޯ ސުވާލުކުރުމުން ޖަވާބު ނުދީ ނޫސްވެރިންގެ ބައްދަލުވުން ވަނީ ނިންމާލައިފައެވެ.

މީގެ އިތުރުން، ނޫސްވެރިންގެ ސުވާލުތަކަށް ޖަވާބު ނުދީ ފިއްލަވައިފި ނަމަ ރައްޔިތުންގެ ހިއްތަކުގައިވެސް ބައިވަރު ސުވާލުތަކެއް އުފެދޭނެކަމަށް ނޫސްވެރިން ދިޔައީ ބުނަމުންނެވެ. ނަމަވެސް ނޫސްވެރިންގެ ސުވާލުތަކަށް ސްޓެލްކޯއިން ދޭނެ ޖަވާބެއް ނެތުމުން އެ ބައްދަލުވުން ވަނީ ނިންމާލައިފައެވެ. ސްޓެލްކޯއިން ބެއްވި ނޫސްވެރިންގެ ބައްދަލަވުމަށް ދިޔަ ގިނަ ނޫސްވެރިން ފާހަގަކުރިގޮތުގައި މައުލޫމާތު ހިއްސާ ކުރުމުގެ ގޮތުން ބޭއްވި ބައްދަލުވުން ނިންމާލާފައިވަނީ ނޫސްވެރިން ކުރި އެންމެ މުހިންމު ސުވާލުތަކަށް ޖަވާބު ނުދީ ކަމަށެވެ.

މުޅި މާލެއާއި ހުޅުމާލެއިން ކަރަންޓު ކެންޑުނީ 12:35 ހާއިރު އެވެ. ސްޓެލްކޯއިން ބުނި ގޮތުގައި މިހާރު ކުރިއަށް ދަނީ މާލެ އާއި ހުޅުމާލެއަށްކަރަންޓު ދިނުމަށް ބްރިޖުން ގުޅުވާލާފައިވާ ކޭބަލް އެނާޖައިޒް ކުރުމުގެ މަސައްކަތް ކަމަށެވެ.

މުޅި މާލެއާއި އެއާޕޯޓާއި ހުޅުމާލެއިން ކަރަންޓު ކެނޑުނު މައްސަލަ ސީރިއަސް މައްސަލައެއްގެ ގޮތުގައި ތަހުގީގުކުރަން ރައީސް ޑރ. މުހައްމަދު މުއިއްޒު ވަނީ އަންގަވާފައެވެ. އެއާއެކު ދިވެހި ފުލުހުންގެ ހިދުމަތުން ވަނީ އެ މައްސަލަ ތަހުގީގުކުރަން ހާއްސަ ތަހުގީގެއް ފެށިކަން އިއުލާންކޮށްފައެވެ.

މުޅި މާލެ އެއްކޮށް ބްލެކްއައުޓް ވާން މެދުވެރިވީ ކީއްވެގެން ކަމެއް މިހާތަނަށް ސްޓެލްކޯއިން ހާމަކޮށްފައެއް ނުވެއެވެ. ނަމަވެސް، އެއްވެސް އިންޖީނަކަށް ނުވަތަ ޓްރާންސްފޯމަރަކަށް ބޮޑު ގެއްލުމެއް ލިބިފައި ނުވާ ކަމަށް އެ ކުންފުނިން ބުނެއެވެ.