މެކްސްކޮމްގެ ވިޔަފާރި އިތުރަށް ފުޅާކޮށް އައު ދެ ޕްރޮޑަކްޓެއް ބާޒާރަށް ނެރެފި
އެފިހާރައަށް އަލަށް ގެނެސްފައިވަނީ އެކްސްޓެލް ގެ ޕްރޮޑަކްޓްސް ގެ އިތުރުން ޑީޓެކްގެ ޕްރޮޑަކްޓަސް ތަކެއް
މެކްސްކޮމް އިން ގެނެސްފައިވާ އައު ޕްރޮޑަކްޓްސް
މެކްސްކޮމް ޓެކްނޮލޮގީސް ގެ ވިޔަފާރި އިތުރަށް ފުޅާކޮށް އައު ދެ ބެރޭޏްޑެއްގެ ޕްރޮޑަކްޓެއް ރާއްޖޭގައި ވިއްކަން ފަށައިފިއެވެ.
މެކްސްކޮމް އިން ބުނީ އެފިހާރައަށް އަލަށް ގެނެސްފައިވަނީ އެކްސްޓެލް ގެ ޕްރޮޑަކްޓްސް ގެ އިތުރުން ޑީޓެކްގެ ޕްރޮޑަކްޓަސް ތަކެއް ކަމަށެވެ. އަދި އެ ދެ ބްރޭންޑް ގެވެސް އޮރިޖިނަލް ޕްރޮޑަކްޓްސް މިއަދުން ފެށިގެން މެކްސްކޮމް ފިހާރައިންނާއި ވެބްސައިޓުންވެސް ލިބެން ހުންނާނެއެވެ.
މީގެ އިތުރުން އެކްސްޓެލް އާއި ޑީޓެކްގެ ރާއްޖޭގެ ހަމައެކަނި އޮތޮރައިޒް ޑިސްޓްރިބިއުޓާ އަކީ މެކްސްކޮމް ޓެކްނޮލޮޖީސް އެވެ. ރާއްޖެ އެމްވީ އަށް ދެއްވި އިންޓަވިއުއެެއްގައި މެކްސްކޮމްގެ ޗީފް ޓެކްނިކަލް އޮފިސަރ އަހްމަދު ސިބާހް ވިދާޅުވީ، އެކްސްޓެލް އަކީ ދުނިޔޭގެ މާކެޓުގައި އެމެރުކާއިން ފެށިގެން މިޑްލްއީސްޓާ ހިސާބަށް ނެޓްވޯކިންގގެ ޕެސިވް ޕްރޮޑަކްޓްސް މެނުފެކްޗާރ ކުރާ ބައެއް ކަމަށެވެ. އެގޮތުން މެކްސްކޮމްގެ މާކެޓުގައި މިހާރު ލިބެން ހުރި ޕްރޮޑަކްޓްސް އަކީ ސޮލިއުޝާންސްއާ އެއްވަރު ނުވަތަ އެއަށްވުރެ ރަނގަޅު ޕްރޮޑަކްޓްސް ތަކެއް ކަމަށެވެ. މެކްސްކޮމް އަށް ދެވަނަ އަށް ގެނެސްފައިވާ ޑީޓެކް ބްރޭންޑުގެ ޕްރޮޑަކްޓްސް އަކީ ކޮމްޕިއުޓާރ އެކްސެސަރީސް އެވެ.
މެކްސްކޮމްގެ ޗީފް ޓެކްނިކަލް އޮފިސަރ އަހްމަދު ސިބާހް ވިދާޅުވީ، އާ އިމާރާތެއް ހަދާނަމަ އެ އިމާރާތަކަށް ބޭނުންވާ ކޭބަލް އާއި ޖެކް އަދި ފޭސްޕްލޭޓް ވެސް މެކްސްކޮމް އިން ލިބެން ހުންނާނެކަމަށެވެ. އަދި މެކްސްކޮމްގެ ގެ އައު ޕްރޮޑަކްޓްސްތައް ހޯލްސޭލްކޮށް ވެސް އަދި ޕްރޮޖެކްޓެއްގެ މަސައްކަތެއް ނަމަ ބޭނުންވާ އަދަދަކަށް އެ ޕްރޮޑަކްޓްސް ޑެލިވަރީ ކޮށްދޭނެކަމަށް ސިބާހް ވިދާޅުވިއެވެ.
އޭގެ އިތުރުން މިހާރު މުދާ ހޯދުމުގައި ވަރަށް ފަސޭހަވާނެކަން ފާހަގަކުރަށްވާ ސިބާހް ވިދާޅުވީ މެކްސްކޮމްގެ އޮންލައިން ޝޮޕް ލޯންޗު ކުރުމާއިގުޅިގެން ހުރިހާ ކަސްޓަމަރުންނަށްވެސް އޮންލައިންކޮށް އެވޭލަބަލް ޕްރޮޑަކްޓްސް މިހާރު ގަނެވޭނެކަމަށެވެ. އަދި ޑެލިވަރީގެ ހިދުމަތްވެސް ލިބޭނެކަމަށް ސިބާހް ވިދާޅުވިއެވެ.
