ރާއްޖޭގެ މިނިވަން މުއައްސަސާތައް އޮތްގޮތުން މިނިވަން އިންތިހާބެއް އޮންނާނެކަމަށް ގަބޫލެއް ނުކުރެވޭ - އައިކް
29 މެއި 2025 | ބުރާސްފަތި 16:59މިނިވަންކަމާއެކު އިލެކްޝަންސް ކޮމިޝަން ކުރިއަށް އޮތް އިންތިހާބުގައި މަސައްކަތް ކުރާނެކަމުގެ ޔަގީންކަމެއް ނެތް
އެމްޑީޕީގެ ގާނޫނީ ޓީމުގައި ހިމެނިވަޑައިގަންނަވާ އައިކް އަހުމަދު އީސަ
ރާއްޖޭގެ މިނިވަން މުއައްސަސާތައް އޮތްގޮތުން މިނިވަން އިންތިހާބެއް އޮންނާނެކަމަށް ގަބޫލެއް ނުކުރެވޭ ކަމަށް އެމްޑީޕީގެ ގާނޫނީ ޓީމުގައި ހިމެނިވަޑައިގަންނަވާ އައިކް އަހުމަދު އީސަ ވިދާޅުވެއްޖެއެވެ.
އެމްޑީޕީގެ ހަރުގެ ޖަލްސާގައި ވާހަކަ ދައްކަވަމުން އައިކް ވިދާޅުވީ ބްރޯޑްކާސްޓިންގ ކޮމިޝަނަށް އެކަނި ބަލާލުމުންވެސް މި ސަރުކާރުން މިނިވަން މުއައްސަސާތަކަށް ހަދާލާފައި އޮތްގޮތް ފެންނަ ކަމަށެވެ. އިލެކްޝަންސް ކޮމިޝަނުން ނެރެމުންދާ ބަޔާންތަކަށް ބަލާލުމުން ވެސް މި ސަރުކާރުގެ ނުފޫޒު އެތަނުގައި އޮތް މިންވަރު ސާފުކޮށް އެނގޭ ކަމަށެވެ.
އައިކް ވިދާޅުވީ މިނިވަންކަމާއެކު އިލްކެޝަންސް ކޮމިޝަން ކުރިއަށް އޮތް އިންތިހާބުގައި މަސައްކަތް ކުރާނެކަމުގެ ޔަގީންކަމެއް ނެތް ކަމަށެވެ. އޭނާ ވިދާޅުވީ އަންނަ އަހަރު ލޯކަލް ކައުންސިލް އިންތިހާބު އެބައޮތް ކަމަށާއި، ފުރަތަމަ ވަގަށް ނަގާނީ އެ އިންތިހާބު ކަމަށެވެ.
މަޑުމަޑުން މަޑުމަޑުން މިހެންގޮސް ތަންކޮޅެއް ޓެކްނިކް ރަނގަޅުކޮށްލާފައި ދެން އަމާޒު ޖަހާނީ 2028 އަށް. އެއަށްފަހު ބޯނަސްކޮށް 2029 ވަނަ އަހަރު އޮންނަ މަޖިލިސް އިންތިހާބުވެސް ދިރުވާލާވާހަކަ މިހާރުވެސް އެ ދައްކަމުންދަނީ. އަޅުގަނޑުމެންނަށް މިކަހަލަ ހާލަތެއް ދިވެހީންގެ ގޮތުގައި އެފޯޑެއް ނުކުރެވޭނެ. އަޅުގަނޑުމެން މިކަމާއި ވިސްނަން އެބަޖެހޭ، ފިޔަވަޅުތަކެއް އަޅަން އެބަޖެހޭ. އަޅުގަނޑުމެން މިކަމާއި ދެކޮޅަށް މަސައްކަތް ކުރަންޖެހޭއައިކް އަހުމަދު އީސަ
އައިކް ވިދާޅުވީ މިއަދު ކޮންމެ ދިވެހި ރައްޔިތަކަށް އެމީހުންގެ ގާނޫނީ ޒިންމާ ހަނދާންކޮށްދިނުމަކީ ޒިންމާއެއް ކަމަށެވެ. ދިވެހިން ތެދުވާން ވެއްޖެ ކަމަށާއި، މިހެން ތިބެނީކަމުގައިވާނަމަ ބާކީ ހުރި އިދާރާތައްވެސް ފުނޑުފުނޑުކޮށްލާނެ ކަމަށާއި، އިންތިހާބަކާއި ހަމައަށް އަންނަ އިރު ރާއްޖެ އޮންނާނެކަމާއިމެދުވެސް ރައްޔިތުން ވިސްނަންވެއްޖެކަމަށް އޭނާ ވިދާޅުވިއެވެ.
