ޑިފެންސް މިނިސްޓްރީއަށް 2 ޖެޓްސްކީ ހޯދަން ކުރި އިއުލާން ބާތިލުކޮށްފި
އިއުލާންތައް ބާތިލް ކުރި ސަބަބެއް ޑިފެންސް މިނިސްޓްރީން ހާމަކޮށްފައެއްނުވޭ
ޑިފެންސް މިނިސްޓަރ ޣައްސާން މައުމޫން
ޑިފެންސް މިނިސްޓްރީގެ ބޭނުމަކަށް 2 ޖެޓްސްކީ ހޯދަން ކުރި އިއުލާން ބާތިލުކޮށްފިއެވެ.
މިދިޔަ އަންގާރަ ދުވަހު ގެޒެޓުކުރި އިއުލާނެއްގައި ޑިފެންސް މިނިސްޓްރީން ބުނެފައިވަނީ އެ މިނިސްޓްރީއަށް 02 ޖެޓްސްކީ ސަޕްލައިކޮށްދޭނެ ފަރާތެއް ހޯދުމަށް ބޭނުންވާ ކަމަށެވެ. އަދި ސަޕްލައިކޮށްދޭންވާނީ ބްރޭންޑް ނިއު އަދި ޖެނުއިން ތަކެތި ކަމަށް އެ އިއުލާނުގައި ބުނެފައިވެއެވެ. އެހެން ނަމަވެސް ބުދަ ދުވަހު އެ އިއުލާން ވަނީ ބާތިލުކޮށްފަ އެވެ.
މީގެ އިތުރުން ވެސް އެ މިނިސްޓްރީން އިއްޔެ ވަނީ ގިނަ އަދަދެއްގެ ތަކެތި ހޯދުމަށް ތަފާތު އެކި އިއުލާން ގެޒެޓުކޮށްފަ އެވެ. އެ ހުރިހާ އިއުލާނެއް ވެސް ވަނީ ބާތިލުކޮށްފަ އެވެ. އެ މިނިސްޓްރީން ހޯދަން އިއުލާން ކޮށްފައިވަނީ އިންޓަރެކްޓީވް ސްމާޓު ބޯޑަކާއި ސައުންޑް ސިސްޓަމެއް، 10 ސައިކަލު، ޓީވީ ތަކެއް، 25 ލެޕްޓޮޕް، ކަނޑު އުޅަނދު ތަކެއްގައި ހަރުކުރުމަށް ރާޑަރު ސިސްޓަމްތަކާއި އެކްސަސަރީސް އަދި ލައިފްޖެކެޓްތަކެކެވެ.
މި އިއުލާންތައް ބާތިލް ކުރި ސަބަބެއް ޑިފެންސް މިނިސްޓްރީން ހާމަކޮށްފައެއްނުވެއެވެ.
