ކުރިއަށް އޮތީ މޫސުން ގޯސް ދުވަސް ތަކެއް ކަމަށާއި ވަޔާ ކަނޑުތަށްވެސް ގަދަވާނެ ކަމަށް ދިވެހިރާއްޖޭގެ މޫސުމާއިބެހޭ ގައުމީ އިދާރާއިން ބުނެފިއެވެ.

މިކަމާއި ގުޅިގެން މޫސުމާއި ބޭހެ ގައުމީ އިދާރާއިން ނެރުނު ބަޔާނެއްގައި ބުނީ، ރާއްޖޭގެ ހުޅަނގު މޫސުން ގަދަވާނެކަމަށް ލަފާކުރެވޭތީ 2025 މޭ 27އިން 31 ވަނަ ދުވަހުގެ ނިޔަލަށް އުތުރާއި މެދުރާއްޖެތެރޭގެ ބައެއް އަތޮޅުތަކަށް ވައިގަދަވުމާއިއެކު ބޯކޮށް ވާރޭވެހޭނެ ކަމަށް ލަފާކުރެވޭ ކަމަށެވެ. އަދި ކަނޑުވެސް ގަދަވާނެ ކަމަށް ވެސް އެ އިދާރާއިން ލަފާކުރެއެވެ.

މީގެއިތުރުން އެ އިދާރާއިން ބުނީ، އުތުރާއި މެދުރާއްޖެތެރޭގެ ބައެއް ރަށްތަކަށް ވިއްސާރަކޮށް، ގުގުރުމަކީ ވެސް އެކަށީގެންވާ ކަމެއް ކަމަށެވެ. އަދި ކަނޑުގެ ދަތުރުފަތުރު ކުރަން ރާވާފައިވާ ފަރާތްތަކަށް މޫސުމަށް ސަމާލުވެ، ރައްކާތެރިކަމުގެ ފިޔަވަޅުތައް އެޅުމަށް އެ އިދާރާއިން ވަނީ އިލްތިމާސްކޮށްފައެވެ.

މި އަހަރުގެ ނޮވެމްބަރުގެ މަހުގެ ނިޔަލަށް ހުޅަނގު މޫސުން ދެމިގެންދާނެ ކަމަށް މޫސުމާއި ބެހޭ ގައުމީ އިދާރާއިން ލަފާކުރެއެވެ.