ފަނޑިޔާރުކަމުގެ މަގާމުން އަޒުލުކޮށްފައިވަނީ ބުއްދީގެ ހަމަތަކާ އިންސާފު އިސްނުކުރައްވާ އަޅުވެތި ކުދި ސޯބުތަކެއްގެ ގޮތުގައި މަސައްކަތް ކުރައްވައިގެން: އަޒްމިރަލްދާ
ސުޕްރީމް ކޯޓުގެ ފަނޑިޔާރުކަމުގެ މަގާމުން އަޒުލުކުރެއްވީ ރައްޔިތުން މަޖިލީހުގެ މެންބަރުންގެ ޒިންމާ އަދާކުރެއްވުމުގެ ބަދަލުގައި ސިޔާސީ އެންގުންތަކަށް
ޑރ. އަޒްމިރަލްދާ ޒާހިރު
ސުޕްރީމް ކޯޓުގެ ފަނޑިޔާރުކަމުގެ މަގާމުން އަޒުލުކުރެއްވީ ރައްޔިތުން މަޖިލީހުގެ މެންބަރުންގެ ޒިންމާ އަދާކުރެއްވުމުގެ ބަދަލުގައި ސިޔާސީ އެންގުންތަކަށް ބަޓަނަށް ފިތާލާ، ބުއްދީގެ ހަމަތަކާއި އިންސާފު އިސްނުކުރައްވާ އަޅުވެތި ކުދި ސޯބުތަކެއްގެ ގޮތުގައި މަސައްކަތް ކުރައްވައިގެން ކަމަށް ފަނޑިޔާރުކަމުގެ މަގާމުން ބުދަ ދުވަހު ވަކި ކުރި ޑރ. އަޒްމިރަލްދާ ޒާހިރު ވިދާޅުވެއްޖެ އެވެ.
ޑރ. އަޒްމިރަލްދާ ޒާހިރު ގެ ގާނޫނީ ވަކީލުންގެ ޓިމުން ނެރުނު ނޫސްބަޔާނެއްގައި ބުނީ، އަޒްމިރަލްދާ ފަނޑިޔާރުކަމުގެ މަގާމުން ވަކިކޮށްފައިވަނީ އެއްވެސް އަސްލެއް އަސާސެއް ނެތް ދޮގު ތުހުމަތެއްގައި، ކަނޑައެޅިގެން ޤާނޫނު އެއްފަރާތްކޮށް ހައްގުތަށް ނިގުޅައިގެން ސިއްރިއްޔާތުގައި ހިންގި އިޖުރާއަތްތަކަށްފަހުގައި ކަމަށެވެ. އަދި އެނިންމެވުން ނިންމަވާފައިވަނި އަޒްމިރަލްދާގެ އެއްވެސް ކުށެއް ނުކުރާކަން ވެރިކަން ހިންގާ ޕާޓީއައް ނިސްބަތްވާ މަޖިލީހުގެ ސުޕަރ މެޖޯރިޓީ މެންބަރުންނަށްވެސް އެނގިވަޑައިގެން ތިއްބަވައިގެންކަމަށް އެބަޔާނުގައިވެއެވެ.
އެނިންމެވުން ނިންމަވާފައިވަނި އަޒްމިރަލްދާގެ އެއްވެސް ކުށެއް ނުކުރާކަން ވެރިކަން ހިންގާ ޕާޓިއައް ނިސްބަތްވާ މަޖިލީހުގެ ސުޕަރ މެޖޯރިޓީ މެންބަރުންނަށްވެސް އެންގިވަޑައިގެން ތިއްބަވައި، ރައްޔިތުންގެ މަޖިލީހުގެ މެންބަރުންގެ ޒިންމާ އަދާކުރެއްވުމުގެ ބަދަލުގައި ސިޔާސީ އެންގުންތަކަށް ބަޓަނަށް ފިތާލާ، ބުއްދީގެ ހަމަތަކާއި އިންސާފު އިސްނުކުރަށްވާ އަޅުވެތި ކުދި ސޯބުތަކެއްގެ ގޮތުގައި މަސައްކަތް ކުރަށްވައިގެން.ޑރ.އަޒްމިރަލްދާ ޒާހިރު
ޑރ. އަޒްމިރަލްދާ ގެ އިތުރުން ސުޕްރީމް ކޯޓުގެ ފަނޑިޔާރު މަޙާޒު އަލީ ޒާހިރުއާއި ފަނޑިޔާރު ޙުސްނޫސުއްސުޢުދު ސަސްޕެންޑް ކޮށްފައިވާއިރު ސަސްޕެންޝަން ބިނާވާ މައްސަލައިގެ ލިޔެކިއުންތަށް އަދި އަދަށްދާންދެން ލިބިފައިނުވާކަމަށް ގާނޫނީ ވަކީލުންގެ ޓިމުން ނެރުނު ނޫސްބަޔާނުގައި ވެއެވެ. އަދި އެންޓި-ކޮރަޕްޝަން ކޮމިޝަނުން ޖިނާއީ ތަހުގީގެއް ކުރާކަމަށް 26 ފެބްރުއަރީގައި ޖުޑީޝަލް ސާވިސް ކޮމިޝަނުނަށް އެންގިނަމަވެސް އަދި އަދަށްދާންދެންވެސް އެއްވެސް ސުވާލެއް އެކޮމިޝަނުން ކޮށްފައިނުވާކަމަށްވެސް ބަޔާނުގައިވެއެވެ.
26 ފެބްރުއަރީ 2025 ގައި އަޅުގަނޑާއި އެހެން ފަނޑިޔާރުން ސަސްޕެންޑް ކުރުމުގެ ޚަބަރު ލިބުމުން އެ ވަގުތުގައި އުއްތަމަ ފަނޑިޔާރު މުޢުތަސިމް އަދުނާނު ވިދާޅުވީ ދެން އަޅުގަނޑުމެން އެނބުރި ސުޕްރީމް ކޯޓަށް ނާންނާނެކަމަށް.ޑރ.އަޒްމިރަލްދާ ޒާހިރު
އަޒްމިރަލްދާ ވިދާޅުވި، އޭނާގެ މައްސަލަ ޖުޑީޝަލް ސާވިސް ކޮމިޝަނުން ބަލާފައި ވަނީ ނުހިނގާ ކަމެއް ހިނގި ކަމަކަށް ހަދައިގެން ކަމަށެވެ. ރާއްޖޭގައި ގާނޫނުގެ ވެރިކަން ނުހިނގާ ކަން އޭގެ ސަބަބުން ވެސް ހާމަވާ ކަމަށް އަޒްމިރާލްދާ ވިދާޅުވި އެވެ.
ފަނޑިޔާރު އަޒްމިރަލްދާ އާއި މަހާޒު ވަކި ކުރައްވާފައި މިވަނީ މިމައްސަލަ މަޑު ޖައްސާލުމަށް ކަމާގުޅުންހުރި ބޭރުގެ ލޯފާމްތަކާއި، އެކި ޖަމިއްޔާތަކުން ގޮވާލާފައިވާ ދަނޑިވަޅެއްގައެވެ. އަދި މި ދެ ފަނޑިޔާރުން ވަކިކުރަންޖެހޭ ގާނޫނީ ހުއްޖަތެއް ދެއްކިފައެއް ނެތް ކަމަށާއި، މިއީ ކޮންގެންވާނެ ކަމެއް ނޫން ކަމަށް ގިނަ ގާނޫނީ ވަކީލުން ވިދާޅުވެފައިވެއެވެ. މިމައްސަލަ ކުރިއަށް ދިޔަ ގޮތާ ގުޅޭގޮތުން ބާ ކައުންސިލްގެ ގިނަ ވަކީލުން ވެސް ކަންބޮޑުވުން ފާޅުކޮށްފައިވެއެވެ.
ޖޭއެސްސީއިން ސުޕްރީމް ކޯޓުގެ ފަނޑިޔާރުންތަކެއްގެ މައްސަލަ ކުއްލި ގޮތަކަށް ބަލަން ފެށީ ރައްޔިތުންގެ މަޖިލީހުގެ ގޮނޑި ގެއްލޭ ގޮތަށް ގާނޫނު އަސާސީއަށް ބަދަލު ގެނައި މައްސަލަ ސުޕްރީމް ކޯޓުން ކުރިއަށް ގެންދަން ނިންމާފައި ވަނިކޮށެވެ.
