ޔުމްނު ވެއްޓުނު ހާދިސާއާއި ގުޅިގެން ނުވަ މީހެއްގެ ފޯނު ހިފަހައްޓައިފި
ހ. މިޓާޒް ގޭގެ ފުރާޅު މައްޗަށް ވެއްޓި އަނިޔާވި އުމުރުން 21 އަހަރުގެ ހައްވާ ޔުމްނު ރަޝީދު އަށް
ޔުމްނު ފުރާޅަށް ވެއްޓުނު ހާދިސާއާ ގުޅިގެން ބޭއްވި ނޫސްވެރިންގެ ބައްދަލުވުމުގެ ތެރެއިން: ފުލުހުން ބުނީ އެއ މައްސަލައާއި ގުޅިގެން މިހާރު ނުވަ މީހެއްގެ ފޯނު ހިފައްޓާފައިވާ ކަމަށް
އޭޕްރިލް 18 ވަނަ ދުވަހުގެ ރޭ ފަތިހުގެ ވަގުތެއްގައި ހ. މިޓާޒް ގޭގެ ފުރާޅު މައްޗަށް އަންހެނަކު ވެއްޓުނު މައްސަލައާ ގުޅިގެން ފޯނު ހިފެހެއްޓުމުގެ އަމުރު ނަގާފައިވާ އެންމެންގެ ފޯނު މިހާރު ވަނީ ހިފަހައްޓާފައި ކަމަށް ފުލުހުން ބުނެފި އެވެ.
ފުލުހުން މިކަން ހާމަކޮށްފައި ވަނީ އެ ޚިދުމަތުން މީޑިއާތަކަށް ހިއްސާކުރި މެސެއްޖެއްގައި އެވެ.
އެކަން ޔަގީން ކޮށްދިނުމަށް ފުލުހުމް ފޮނުވި މެސެޖުގައި ފުލުހުން ބުނީ 2025 އޭޕްރިލް 18 ވަނަ ދުވަހު ހ. މިޓާޒް ގޭގެ ފުރާޅު މައްޗަށް އަންހެނަކު ވެއްޓުނު މައްސަލައާ ގުޅިގެން ފޯނު ހިފެހެއްޓުމުގެ އަމުރު ނަގާފައިވާ އެންމެންގެ ފޯނު މިހާރު ވަނީ ފުލުހުންގެ ބެލުމުގެ ދަށަށް ގެނެސްފައި ކަމަށާއި އެއީ ޖުމުލަ 9 މީހެއްގެ ފޯނު ކަމަށެވެ.
ހ. މިޓާޒް ގޭގެ ފުރާޅު މައްޗަށް ވެއްޓި އަނިޔާވި، އުމުރުން 21 އަހަރުގެ ހައްވާ ޔުމްނު ރަޝީދު އެވެ. އޭނާއާ އެކު އޭގެ ކުރީން އުޅުނީ ރައުދު އަހުމަދު ޒިލާލް އެވެ. އޭނާގެ އުމުރަކީ ވެސް 21 އަހަރެއެވެ.
އެ މައްސަލާގައި ކޯޓު އަމުރެއްގެ ދަށުން ރައުދު ވަނީ ހައްޔަރުކޮށްފަ އެވެ. އަދި ބަންދުގެ މުއްދަތު ޖަހަން ކޯޓަށް ހާޒިރުކުރުމުން ފަސް ދުވަހުގެ ބަންދުގެ މުއްދަތެއް ވަނީ ޖަހާފަ އެވެ.
ފުލުހުން ކޯޓްގައި ބުނީ ތަހުގީގަށް އެެނގިފައިވާ ގޮތުގައި ރައުދު އާއި ޔުމްނު އާ މެދު ހަމަނުޖެހުމެއް އެ ރޭ ހިނގި ކަމަށެވެ. އަދި ޔުމްނު ވެއްޓުނު ހާދިސާއަށް ފަހު އޭގެ މާ ގިނައިރުތަކެއް ނުވަނީސް އޭނާ ކޮބައިތޯ ރައުދުއާ ސުވާލުކުރުމުން ވީތަނެއް ނޭނގޭ ކަމަށާ ވެއްޓުނީ ކަމަށް ބެލެވޭ ކަމަށް ބުނެފައިވާ ކަމަށެވެ.
ކޯޓް އަމުރުގައި ވަނީ ރައުދު ބަންދުކުރަން އަމުރުދިން ސަބަބުތައް ތަފްސީލުކޮށް ހިމަނާފަ އެެވެ.
