ޔަމަނުން ފޮނުވި މިސައިލެއް އިސްރާއީލްގެ ޑިފެންސް ބާރުތަކުން ނައްތާލައިފި
މިސައިލް ފޮނުވުމާ ގުޅިގެން އިސްރާއީލްގެ އެކި ސަރަހައްދު ތަކުގައި ސަލާމަތީ ނުރައްކަލުގެ ސައިރަންތައް އިއްވާފައިވާ ކަމަށް އިސްރާއީލް ސިފައިންގެ ބަޔާނުގައި ބުނެފައިވެއެވެ.
މީގެ ކުރިން، ޔަމަން އިން އިސްރާއީލަށް އަމާޒުކޮށް ފޮނުވާލި މިސައިލް ހަމަލާ ފެންނަ މަންޒަރެއް
އިސްރާއީލަށް އަމާޒުކޮށް ޔަމަނުން ފޮނުވާލި މިސައިލް ހަމަލާތަކެއް ނައްތާލާފައިވާ ކަމަށް، އިސްރާއީލް އަސްކަރިއްޔާ އިން ބުނެފި އެވެ.
އިސްރާއީލްގެ އަސްކަރިއްޔާ އިން ހޮނިހިރު ދުވަހުގެ ހެނދުނު ހާމަކޮށްފައިވާ ގޮތުގައި ޔަމަނުން ފޮނުވި މިސައިލް ހަމަލާއެއް އިސްރާއީލްގެ ސަރަހައްދަށް ވަނުމުގެ ކުރިން ނައްތާލާފައިވާ ކަމަށެވެ.
މިސައިލް ފޮނުވުމާ ގުޅިގެން އިސްރާއީލްގެ އެކި ސަރަހައްދު ތަކުގައި ސަލާމަތީ ނުރައްކަލުގެ ސައިރަންތައް އިއްވާފައިވާ ކަމަށް އިސްރާއީލް ސިފައިންގެ ބަޔާނުގައި ބުނެފައިވެ އެވެ.
އީރާނާ ގުޅުންހުރި ޔަމަނުގެ ހޫތީ އިން މިކަމާ ގުޅޭ ގޮތުން އެއްވެސް އެއްޗެއް ބުނެފަ އެއް ނުވެ އެވެ. ހޫތީންގެ ފަރާތުން ފާއިތުވި ދުވަސް ތަކުގައި ވަނީ އިސްރާއީލަށާއި، އިސްރާއީލާ ގުޅުންހުރި ކަނޑު ދަތުރު ފަތުރުގެ އުޅަނދު ފަހަރަށް ހަމަލާދީފަ އެވެ.
މިފަދަ ހަމަލާތައް އަމާޒު ކުރަނީ ޣައްޒާގައި އިސްރާއީލް އިން ދެމުން އަންނަ ހަމަލާތަކާ ގުޅިގެން، ފަލަސްތީނުގެ ރައްޔިތުންނަށް އެހީތެރިވުމުގެ ގޮތުން ކަމަށް ހޫތީނުން ބުނެ އެވެ.
މި ހާދިސާއާ ގުޅިގެން އަދި އިތުރު މައުލޫމާތެއް ލިބިފައެއް ނުވެ އެވެ. ނަމަވެސް ސަރަހައްދުގައި ކަންކަން ހަލަބޮލިވަމުންދާ މި ދަނޑިވަޅުގައި، މިފަދަ ހަމަލާތައް އިތުރު ވެދާނެ ކަމަށް ސަލާމަތީ މާހިރުން ލަފާ ކުރެ އެވެ.
