އެފްޑީއެސް ވޮލީބޯޅަ މުބާރާތް: ފައިނަލްގައި ޑްރީމަރސް އަދި ފަރުކަން

ފީއަލީ ޑިވެލޮޕްމަންޓް ސޮސައިޓީ (އެފްޑީއެސް) އިން އިންތިޒާމު ކޮށްގެން ކުރިއަށް ގެންދާ އަންހެން ވޮލީ ބޯޅަ މުބާރާތުގެ ފައިނަލްގައި، ޑްރީމަރސް އަދި ފަރުކަން ބައްދަލު ކުރަން ޖެހިއްޖެ އެވެ.

ހަތަރު ޓީމު ވާދަކުރާ މުބާރާތް ކުރިއަށް ގެންދަނީ ލީގު އުސޫލުންނެވެ. ކޮންމެ ޓީމެއް ކޮންމެ ޓީމަކާ ބައްދަލު ކުރުމަށްފަހު، އެއް ވަނަ ޓީމު އަދި ދެ ވަނަ ޓީމު މުބާރާތުގެ ފައިނަލަށްދާ ގޮތަށެވެ.

ލީގު ބުރުގެ އެއް ވަނަ ހޯދައި ފައިނަލަށް ދިޔައީ ޑްރީމަރސް އެވެ. އެ ޓީމު ވަނީ މުބާރާތުގައި ކުޅުނު ތިން މެޗުން ވެސް މޮޅުވެފަ އެވެ. ދެ ވަނައިގައި ފައިނަލްގެ ފުރުސަތު ހޯދީ، ފަރުކަން އެވެ. އެ ޓީމު ވަނީ ކުޅުނު ދެ މެޗުން މޮޅުވެ، އަނެއް މެޗުން ބަލިވެފަ އެވެ.

މުބާރާތުގެ ލީގު ބުރުގައި މި ދެ ޓީމު ވަނީ ބައްދަލު ކޮށްފަ އެވެ. އެ މެޗުގައި ޑްރީމަރސް އިން ވަނީ ފަރުކަންގެ މައްޗަށް ކުރި ހޯދައިފަ އެވެ.

އެފްޑީއެސް އިން ކުރިއަށް ގެންދާ އަންހެން ވޮލީ މުބާރާތުގެ ފައިނަލް އޮންނާނީ ހޯމަ ދުވަަހުގެ ރޭ އެވެ.