ހއ. އަތޮޅުގައި ބޮޑު އާބާދީ އެއް އޮންނަ ދިއްދޫ އިން ކުއްލި ގޮތަކަށް ކަރަންޓު ކެނޑިއްޖެއެވެ.
ދިއްދޫ އިން ވާހަކަދެއްކެވި ބޭފުޅަކު ރާއްޖެ އެމްވީއަށް ވިދާޅުވީ ބުރާސްފަތި ދުވަހުގެ ރޭ އިޝާ ނަމާދު ވަގުތު ކުއްލިގޮތަކަށް ކަރަންޓު ކެނޑި މުޅި ރަށް ކަނުއަނދިރީގައި އޮތް ކަމަށެވެ.
ކަރަންޓް ކެނޑެން މެދުވެރިވީ ކޮން ސަަބަބާއި ހުރެ ކަމަށް ދަންނަވަން ދަތި ކަމަށް އަފްލާޙް ވިދާޅުވި އެވެ.
ރަށުން ކަރަންޓް ކެނޑުނީ މިރޭ އިޝާނަމާދަށް ގޮވި ގަޑީގައި. ހަމަ ކުއްލިއަކަށް ކަރަންޓު ކެނޑުނީ، މުޅި ރަށް މިވަގުތު އޮތީ ކަނު އަނދިރީގަ.
ދިއްދޫ ރައްޔިތެއް![]()
އަފްލާހު ވިދާޅުވީ މުޅި ރަށުގެ ރައްޔިތުން ކަނުއަނދިރީގައި އޮތްއިރު، ދިމާވި މައްސަލަ ވީހާވެސް އަވަހަކަށް ހައްލުކޮށް ރަށަށް ކަރަންޓު ދެވޭތޯ ފެނަކަ މުވައްޒަފުން ވަރަށް ބުރަކޮށް މަސައްކަތް ކުރަމުން އަންނަކަމަށެވެ.
ދިއްދޫގެ އާބާދީގައި 5500 ރައްޔިތުން އުޅެއެވެ.