އެފްޑީއެސް ފުޓުބޯޅަ މުބާރާތް: ފުރަތަމަ މެޗުގައި އަލް ޙަދީދާއި ކެމަލް އެއްވަރު
އެފްޑީއެސް އިން އިންތިޒާމު ކޮށްގެން ކުރިއަށް ގެންދާ ފުޓުބޯޅަ މުބާރާތުގައި ފަސް ޓީމަކުން ބައިވެރިވެފައިވެ އެވެ. އެއީ އަލް ޙަދީދް، ކެމަލް، ފަރުކަން، ނައިޓް ކިންގްސް، ޑއަދި ޑީ ޓެން އެކްސްޕްރެސް އެވެ.
އެފްޑީއެސް ފުޓުބޯޅަ މުބާރާތުގެ ފުރަތަމަ މެޗުގައި އަލް ޙަދީދް އަދި ކެމަލް ބައްދަލު ކުރި މެޗުގެ ކުރިން ދެ ޓީމުގެ ކެޕްޓަނުން
ފީއަލީ ޑިވެލޮޕްމަންޓް ސޮސައިޓީ (އެފްޑީއެސް) އިން އިންތިޒާމު ކޮށްގެން ބާއްވާ، އެފްޑީއެސް ފުޓުބޯޅަ މުބާރާތުގެ ފުރަތަމަ މެޗުގައި އަލް ޙަދީދު އަދި ކެމަލް ބައްދަލު ކުރި މެޗު އެއްވަރުވެއްޖެ އެވެ.
ހޯމަ ދުވަހުގެ ހަވީރު ފީއަލީ ފުޓުބޯޅަ ދަނޑުގައި ކުޅުނު މެޗު ނިމުނީ އެއްވެސް ޓީމަކަށް ލަނޑެއް ނުޖެހި އެއްވަރުވެގެންނެވެ. މެޗުގައި ދެ ޓީމަށް ވެސް ވަނީ ލަނޑު ޖަހާނެ ފުރުސަތުތަކެއް ލިބިފަ އެވެ.
ނަމަވެސް، އެއްވެސް ޓީމަކަށް ލިބުނު ފުރުސަތުތަކެއް ނިންމާލެވޭ ގޮތެއް ނުވި އެވެ. މެޗުގެ މޮޅު ކުޅުންތެރިޔަކަށް ހޮވުނީ، ކެމަލް ޓީމުގެ އަރުޝަމް ފައިސަލް އެވެ.
އެފްޑީއެސް އިން އިންތިޒާމު ކޮށްގެން ކުރިއަށް ގެންދާ ފުޓުބޯޅަ މުބާރާތުގައި ފަސް ޓީމަކުން ބައިވެރިވެފައިވެ އެވެ. އެއީ އަލް ޙަދީދް، ކެމަލް، ފަރުކަން، ނައިޓް ކިންގްސް، ޑއަދި ޑީ ޓެން އެކްސްޕްރެސް އެވެ.
މުބާރާތް ކުރިއަށް ގެންދަނީ ލީގު އުސޫލުންނެވެ. ކޮންމެ ޓީމެއް ކޮންމެ ޓީމަކާ ބައްދަލު ކުރުމަށްފަހު، ލީގު ތާވަލްގެ އެއް ވަނަ ޓީމު އަދި ދެ ވަނަ ޓީމު ފައިނަލަށް ދާ ގޮތަށެވެ.
އެފްޑީއެސް އިން އިންތިޒާމު ކޮށްގެން ބާއްވާ މި މުބާރަތަކީ މުޅި ފީއައްޔަށް ހުޅުވާލައިގެން ކުރިއަށް ގެންދާ މުބާރާތެވެ. ފުޓުބޯޅައިގެ އިތުރުން، އަންހެން ވޮލީ މުބާރާތެއް ވެސް ކުރިއަށް ގެންދިޔުމަށް ވަނީ ހަމަޖެހިފަ އެވެ.
