ޣައްޒާއަށް ބޭނުންވާ ކާބޯތަކެތި ހުރީ 2 ހަފްތާއަށް ވާވަރަށް
28 މާރިޗު 2025 | ހުކުރު 08:17ޑަބްލިއުއެފްޕީން ބުރާސްފަތި ދުވަހު ބުނީ އެ ޖަމާއަތާއި ކާބޯތަކެތީގެ ރައްކާތެރިކަމުގެ ދާއިރާގައި ހަރަކާތްތެރިވާ އެހެން ގައުމުތަކަށް "ޣައްޒާއަށް އާ ކާބޯތަކެތީގެ ސާމާނު ގެނައުމަށް ނުކުޅެދިފައި އޮންނަތާ ތިން ހަފުތާއަށް ވުރެ ގިނަ ދުވަސް ވެފައިވާ"
ފަލަސްތީނުގެ ކުޑަ ކުދިންތަކެއް، ޗެރިޓީ ބަދިގެއަކުން ކައްކާ ކާނާ ލިބުމުން ހިފައިގެންދަނީ - 9 މާޗް 2025
ޣައްޒާގައި ބާކީ ހުރީ އެންމެ ދެ ހަފުތާގެ ކާބޯތަކެތީގެ ބާވަތްތައް ކަމަށް އދ.ގެ ވޯލްޑް ފުޑް ޕްރޮގްރާމުން އިންޒާރު ދީފިއެވެ.
"ޑަބްލިއުއެފްޕީގައި ގާތްގަނޑަކަށް 5،700 ޓަނުގެ ކާބޯތަކެތީގެ ސްޓޮކް ގާޒާގައި ބާކީ އެބަހުއްޓެވެ. ޑަބްލިއުއެފްޕީގެ އޮޕަރޭޝަންތަކަށް އެންމެ ގިނަވެގެން ދެ ހަފުތާ ވަންދެން އެހީތެރިކަން ފޯރުކޮށްދިނުމަށް ފުދޭނެ ކަމަށް ރޯމްގެ އެޖެންސީން ނެރުނު ބަޔާނުގައި ބުނެފައިވެ އެވެ.
އިސްރާއީލުން ފަލަސްތީނުގެ ސަރަހައްދުގައި އަސްކަރީ އޮޕަރޭޝަންތައް ފަށާފައި ވަނީ މީގެ ހަފުތާއެއްހާ ދުވަސް ކުރިންނެވެ.
އިސްރާއީލުން އަލުން ހިންގި އޮޕަރޭޝަންތަކުގެ ސަބަބުން އެންމެ ހަތް ދުވަހުގެ ތެރޭގައި 142،000 މީހުން ގެދޮރު ގެއްލިފައިވާ ކަމަށާއި، އިސްރާއީލުން ޣައްޒާއަށް އިންސާނީ އެހީތެރިކަން ފޯރުކޮށްދިނުން ހުއްޓުވުމަށް އަޅާފައިވާ ފިޔަވަޅުތައް އަލުން ފެށުމުން ސަޕްލައި ދަށްވާނެ ކަމުގެ އިންޒާރު އދ. އިން ވަނީ ދީފައެވެ.
ޑަބްލިއުއެފްޕީން ބުރާސްފަތި ދުވަހު ބުނީ އެ ޖަމާއަތާއި ކާބޯތަކެތީގެ ރައްކާތެރިކަމުގެ ދާއިރާގައި ހަރަކާތްތެރިވާ އެހެން ގައުމުތަކަށް "ޣައްޒާއަށް އާ ކާބޯތަކެތީގެ ސާމާނު ގެނައުމަށް ނުކުޅެދިފައި އޮންނަތާ ތިން ހަފުތާއަށް ވުރެ ގިނަ ދުވަސް ވެފައިވާ" ކަމަށެވެ.
ޣައްޒާގެ އިންސާނީ ކާބޯތަކެތީގެ ސްޓޮކް މަދުވެ، އެހީތެރިކަން ފޯރުކޮށްދިނުމަށް ބޯޑަރުތައް ބަންދުކޮށްފައި އޮތުމުގެ ސަބަބުން ޣައްޒާގެ އެތައް ހާސް ބަޔަކު އަނެއްކާވެސް ބަނޑުހައިހޫނުކަމުގެ ނުރައްކާ ބޮޑުވެފައިވާ ކަމަށް އެ ބަޔާނުގައި ވެ އެވެ.
ޑަބްލިއުއެފްޕީން ބުނީ ޣައްޒާގައި އަސްކަރީ ހަރަކާތްތައް ފުޅާވުމުގެ ސަބަބުން ކާބޯތަކެތީގެ އެހީގެ އޮޕަރޭޝަންތަކަށް ވަރަށް ބޮޑަށް ބުރޫ އަރާ، އެހީދޭ މީހުންގެ ފުރާނަ ކޮންމެ ދުވަހަކު ވެސް ނުރައްކަލަށް ހުށަހެޅިފައިވާ ކަމަށެވެ.
އެ އެޖެންސީން ބުނީ ސަލާމަތީ ހާލަތު ގޯސްވި ނަމަވެސް މީހުން އަވަސް މިނެއްގައި ގެދޮރުގެއްލެމުން ދިޔުމުގެ ސަބަބުން ވީހާވެސް އަވަހަކަށް ކާބޯތަކެތި ފޯރުކޮށްދިނުމުގެ މަސައްކަތް ކުރާނެ ކަމަށެވެ.
އެއީ ވަކިވަކި ކާޑުގެ ބާވަތްތައް މަދުކޮށް، އެ އެޖެންސީއަށް ޖުމްލަގޮތެއްގައި ގިނަ ބަޔަކަށް ކާންދެވޭނެ ގޮތަށެވެ. އަދި ބައި މިލިއަން މީހުންނަށް ކާބޯތަކެތީގެ ޕާރުސަލް ބެހުމުގެ ވިސްނުން ގެންގުޅޭ ކަމަށާއި އޭގެ މާނައަކީ އެ ޕެކޭޖުތަކުން ގާތްގަނޑަކަށް އެއް ހަފުތާ ވަންދެން އާއިލާއަކަށް ކާންދޭނެ ކަމަށް އެ އެޖެންސީން ބުނެފައިވެއެވެ.
އިސްރާއީލުގެ އޮފިޝަލުން ވިދާޅުވާ ގޮތުގައި އާ އޮޕަރޭޝަންތަކަކީ ޣައްޒާ ކޮންޓްރޯލް ކުރާ ހަމާސް އަށް ހަނގުރާމައިގެ މުއްދަތު އިތުރުކުރުމާ ގުޅޭ ގޮތުން މެދުވެރިއެއްގެ މެދުގައި ދެކެވުނު މަޝްވަރާތަކުގައި މެދުކެނޑުމަކަށް ފަހު ބާކީ ތިބި މީހުން ދޫކޮށްލުމަށް ޕްރެޝަރު ކުރުމުގެ ގޮތުން ހިންގާ އޮޕަރޭޝަންތަކެކެވެ.
2023 ވަނަ އަހަރުގެ އޮކްޓޯބަރު މަހުގެ 7 ވަނަ ދުވަހު އިސްރާއީލަށް ދިން ހަމަލާގައި އަތުލައިގަތް 251 މީހުންގެ ތެރެއިން 58 މީހުން އަދިވެސް ޣައްޒާގައި ބަންދުކޮށްފައިވާ އިރު އޭގެ ތެރެއިން 34 މީހުން މަރުވެފައިވާ ކަމަށް އިސްރާއީލުގެ އަސްކަރިއްޔާއިން ބުނެއެވެ.
ރަސްމީ ތަފާސް ހިސާބުތަކަށް ބިނާކޮށް އޭއެފްޕީން އާންމުކުރި ތަފާސް ހިސާބުތައް ދައްކާ ގޮތުން އިސްރާއީލަށް ދިން ހަމަލާގައި 1،218 މީހުން މަރުވެފައިވާ އިރު އޭގެ ތެރޭގައި ގިނައީ އާންމުންނެވެ.
އިޒްރޭލުން ބަދަލުހިފުމުގެ ގޮތުން ދިން އަސްކަރީ ހަމަލާތަކުގައި ޣައްޒާގައި 50،208 މީހުން މަރުވެފައިވާ އިރު އޭގެ ތެރޭގައި ގިނައީ އާންމުން ވެސް ކަމަށް އެ ގައުމުގެ ސިއްހަތާ ބެހޭ ވުޒާރާއިން ބުނެއެވެ.
