އިސްރާއީލާއި ހަމާސްއާ ދެމެދު ޣައްޒާގެ ހަނގުރާމަ ހުއްޓާލުމުގެ އެއްބަސްވުން އަލުން އިއާދަކުރަން މިސްރުން އާ ހުށަހެޅުމެއް ހުށަހަޅައިފިއެވެ.

މިކަން ހާމަކޮށްފައިވަނީ އިސްރާއީލުން ދިން ހަމަލާތަކުގައި 65 މީހުން ޝަހީދުވެފައިވާ ކަމަށް ފަލަސްތީނުގެ ޞިއްޙީ އިދާރާތަކުން ބުނެފައި ވާދަނޑިވަޅެއްގައި ކަމަށް ޣައްޒާގެ ސަލާމަތީ ބާރުތަކާއި ހަވާލާދީ ރޮއިޓަރސް އިން ރިޕޯޓްކޮށްފައިވެ އެވެ.

މިދިޔަ ހަފުތާގައި އިޒްރޭލުން ހަމާސްއާ ދެކޮޅަށް ވައިގެ މަގުންނާއި އެއްގަމު މަގުން އޮޕަރޭޝަންތައް ފަށާ ހަމަނުޖެހުންތައް އިތުރުވުމާ ގުޅިގެން މިދިޔަ ހަފުތާގައި މި ހުށަހެޅުން ވަނީ ބަދަލުކޮށްފަ އެވެ.

އިޒްރޭލުން ހަމަލާތައް ދޭން ފެށި ފަހުން މިހާތަނަށް ފަލަސްތީނުގެ ގާތްގަނޑަކަށް 700 އެއްހާ މީހުން ޝަހީދުކޮށްލާފައިވާ ކަމަށާއި އޭގެ ތެރޭގައި މަދުވެގެން 400 އަންހެނުންނާއި ކުޑަކުދިން ހިމެނޭ ކަމަށް ސިއްހީ އޮފިޝަލުން ބުނެ އެވެ. ހަމާސް އިން ބުނީ އެ ޖަމާއަތުގެ ސިޔާސީ އަދި ސަލާމަތީ ބައެއް އިސް އޮފިޝަލުން ވެސް ޝަހީދުކޮށްފައިވާ ކަމަށެވެ.

މިސްރުގެ ޕްލޭނުގައި ކޮންމެ ހަފުތާއަކު ވެސް އިސްރާއީލުގެ ފަސް މީހުން ދޫކޮށްލުމަށް ހަމާސް އިން ގޮވާލާފައިވާއިރު، ފުރަތަމަ ހަފުތާއަށްފަހު އިޒްރޭލުން ދެވަނަ ފިޔަވަހީގެ ހަނގުރާމަ ހުއްޓާލުމުގެ މަރުހަލާ ތަންފީޒު ކުރަމުންދާ ކަމަށް ސަލާމަތީ ދެ އޮފިޝަލަކު ވިދާޅުވި އެވެ.

ހަމާސް ޖަމާއަތުން އަދިވެސް 59 މީހަކު ހިފަހައްޓައިގެން ތިބިއިރު އޭގެ ތެރެއިން 24 މީހުން އަދިވެސް ދިރިތިބި ކަމަށް ބެލެވެ އެވެ.

އެމެރިކާ އާއި ހަމާސް އިން ވެސް އެ ހުށަހެޅުމަށް އެއްބަސްވި ނަމަވެސް އިޒްރޭލުން އަދި ޖަވާބެއް ދީފައެއް ނުވެ އެވެ.

ހަމާސްގެ އޮފިޝަލަކު ހުށަހެޅުއްވި ހުށަހެޅުން ކަށަވަރު ކޮށްނުދިން ނަމަވެސް ރޮއިޓާސްއަށް ވިދާޅުވީ "މި ފަރަގު ނައްތާލުމަށާއި އެއްބަސްވުމުގެ ދެވަނަ ފިޔަވަހި ފެށުމަށް މަގު ފަހިވެގެންދާނެ ގޮތަށް މަޝްވަރާތައް އަލުން ފެށުމަށް މެދުވެރިއެއްގެ މެދުގައި ގިނަ ހުށަހެޅުންތަކަކާ މެދު މަޝްވަރާ ކުރަމުން އަންނަ" ކަމަށެވެ.

އަދި މިސްރުގެ ހުށަހެޅުއްވުމުގައި އިސްރާއީލުން ޣައްޒާއިން މުޅިން ފޭބުމުގެ ޓައިމްލައިނެއް ވެސް ހިމަނާފައިވާ ކަމަށާއި، އޭގެ ބަދަލުގައި އެމެރިކާގެ ގެރެންޓީތަކުގެ އެހީގައި އިސްރާއީލުން ޣައްޒާއިން މުޅިން ފޭބުމުގެ ޓައިމްލައިނެއް ވެސް ހިމަނާފައިވާ ކަމަށް އެ ފަރާތްތަކުން ބުނެއެވެ.

ހަމާސް ޖަމާއަތުން ވަނީ ޖެނުއަރީ މަހުގެ ހަނގުރާމަ ހުއްޓާލުމުގެ އެއްބަސްވުމުގެ ޝަރުތުތަކާ އިޒްރޭލުން ހިލާފުވެފައިވާ ކަމަށް ތުހުމަތުކޮށްފައި ވީ ނަމަވެސް، އެ ގައުމުން ވަނީ ހަނގުރާމައިގެ އެއްބަސްވުމާ މެދު މަޝްވަރާ ކުރަން ތައްޔާރަށް އޮތް ކަމަށް ބުނެ، އެމެރިކާގެ ރައީސް ޑޮނަލްޑް ޓްރަމްޕްގެ ހާއްސަ މަންދޫބު ސްޓީވް ވިޓްކޯފްގެ ހުށަހެޅުންތައް ދިރާސާ ކުރަމުންނެވެ.

އިސްރާއީލުން ބުނީ ޣައްޒާގައި ހަމާސް ޖަމާއަތުން ބާކީ ތިބި މީހުން ދޫކޮށްލުމަށް މަޖުބޫރު ކުރުވުމުގެ ގޮތުން އަސްކަރީ އޮޕަރޭޝަންތައް އަލުން ފަށާފައިވާ ކަމަށެވެ.

ފަލަސްތީނުގެ އޮފިޝަލުން އާދީއްތަ ދުވަހު ވަނީ ގާތްގަނޑަކަށް 18 މަސް ދުވަހުގެ ހަމަނުޖެހުންތަކުގައި ޝަހީދުވި މީހުންގެ އަދަދު 50،000 އަށް ވުރެ މައްޗަށް އަރާނެ ކަމަށް ބުނެފަ އެވެ.

އިސްރާއީލުން ޣައްޒާއަށް ހަމަލާދޭން ފެށީ 2023 ވަނަ އަހަރުގެ އޮކްޓޯބަރު މަހުގެ 7 ވަނަ ދުވަހު ހަމާސްގެ ހަނގުރާމަވެރިން އިސްރާއީލުގެ ދެކުނުގެ ސަރަހައްދަށް ވަދެ، 1،200 މީހުން މަރާލާފައިވާ ކަމަށް ބުނެއެވެ.

ރަފާގެ ލޯކަލް މުނިސިޕަލްޓީން ބުނީ އިޒްރޭލުގެ އަސްކަރިއްޔާއިން ބައެއް ސިފައިން ފޮނުވި ތެލް އަލް ސުލްތާން ސަރަހައްދުގެ ތެރޭގައި އެތައް ހާސް ބަޔަކު ތާށިވެފައިވާ ކަމަށާއި، އެ ސަރަހައްދުގެ ހަލާކުގެ ތެރޭގައި އާއިލާތައް ތާށިވެފައިވާ ކަމަށާއި ފެނާއި ކާބޯތަކެއްޗާއި ބޭހެއް ވެސް ނެތް ކަމަށެވެ.

ފަލަސްތީނުގެ ސިވިލް އިމަޖެންސީ ސާވިސް އިން ބުނީ ރަފާގައި 50،000 މީހުން އަދިވެސް ތާށިވެފައިވާ ކަމަށެވެ. އިސްރާއީލުގެ އަސްކަރިއްޔާއިން ބުނީ ތާލް- އަލް ސުލްތާން ވަށާލީ "ޓެރަރިސްޓް އިންފްރާސްޓްރަކްޗާ ސައިޓްތައް ނައްތާލައި އެ ސަރަހައްދުން ޓެރަރިސްޓުން ނައްތާލުމަށް" ކަމަށެވެ.

އދ.ގެ ފަލަސްތީނުގެ ރިލީފް އެޖެންސީ ޔޫއެންއާރްޑަބްލިއުއޭ އިން ބުނީ ފާއިތުވި ދުވަސްތަކުގައި ޣައްޒާގައި 124،000 މީހުން ގެދޮރު ގެއްލިފައިވާ ކަމަށެވެ.