ތެލަސީމިއާ ސެންޓަރުގެ ހާލަތު ރައީސްއަށް އެނގިވަޑައިނުގަތް ކަމަށް ވިދާޅުވުމުން ދޭހަވަނީ އެއީ ރައީސްގެ ވެސް ހާލަތުކަން - މައުރޫފް
24 މާރިޗު 2025 | ހޯމަ 04:23ތެލެސީމިއާ ސެންޓަރަށް ބޭނުންވެގެން އުޅެނީ ޑިރެކްޓަރ ޖެނެރަލްއެއް ނޫން
އެމްޑީޕީގެ ޤާނޫނީ ކޮމިޓީގެ މެންބަރު އަހުމަދު މައުރޫފް ރާއްޖެޓީވީގެ ފަލަސުރުހީ ޕްރޮގްރާމުގައި ވާހަކަ ދައްކަވަނީ
ތެލަސީމިއާ ސެންޓަރުގެ ހާލަތު ރައީސްއަށް އެނގިވަޑައިނުގަތްކަމަށް ވިދާޅުވުމުން ދޭހަވަނީ އެއީ ރައީސް ޑރ. މުހައްމަދު މުއިއްޒުގެ ވެސް ހާލަތު ހުންނެވި ގޮތް ކަމަށް އެމްޑީޕީގެ ޤާނޫނީ ކޮމިޓީގެ މެންބަރު އަހުމަދު މައުރޫފް ވިދާޅުވެއްޖެ އެވެ.
ރާއްޖެޓީވީގެ ފަލަސުރުހީ ޕްރޮގްރާމުގައި ވާހަކަ ދައްކަވަމުން މައުރޫފް ވިދާޅުވީ ތެލަސީމިއާ ސެންޓަރުގެ ހާލަތު ރައީސުލްޖުމްހޫރިއްޔާއަށް އެނގިވަޑައިނުގަންނަވާ ކަމަށް ވިދާޅުވުމުން އެއިން އެނގިވަޑައިގަންނަވަނީ އެމަނިކުފާނު ހާލަތު ކަމަށެވެ. މައުރޫފް ވިދާޅުވީ ޒިންމާ ނަންގަވަން ޖެހިވަޑައިގަންނަވާ ބޭފުޅަކަށް އެވަރުގެ ކަމެއް ހިނގިކަމަށް އެނގިވަޑައިނުގެން އޮތްކަމަށް ވިދާޅުވުމުން އެއީ ގަބޫލުކުރެއްވޭނެ ކަމެއް ނޫން ކަމަށެވެ.
މައުރޫފް ވިދާޅުވީ މުޒާހަރާގައި ތިބި ބައެއް ފަރާތްތަކުން ވެސް ރައީސް ޑރ. މުހައްމަދު މުއިއްޒު އާއި ބައްދަލުކުރައްވާ އެ ވާހަކަތައް ހިއްސާކުރެއްވި ކަމަށް ބުނެފައިވާ ކަމަށާއި، ފޯނާއި މެސެޖުން ވެސް އެވާހަކަތައް ރައީސް އާއި ހިއްސާކުރެއްވި ކަމަށް މުޒާހަރާގެ ބައިވެރިން ބުނެފައިވާ ކަމަށެވެ.
ކަނޑައެޅިގެން އިތުރުފުޅެއް ހެއްދެވިތަން އަނެއްކާވެސް ފެނިގެން މިިދިޔައީ. އަޅުގަނޑުވެސް ބަލާލިން އިންޓަރވިއު. ވިދާޅުވި 2017 ވަނަ އަހަރުން ފެށިގެން ޑިރެކްޓަރަކު ނެތިއޭ ދަނީ. އެހެންވީމާ އެކަން ހައްލު ކޮށްދެއްވާނަމޭ. ރޭގައި އެތަނުގައި މުޒާހަރާކުރި އެއްވެސް ބެލެނިވެރިއަކު، ތެލެސީމިއާ ޕޭޝަންޓަކު މުޒާހަރާކުރި އިރުގައި ވާހަކަ ދެއްކި އަޑު އަޅުގަނޑު ނާހަން ޑިރެކްޓަރ ޖެނެރެލްއެއް އައްޔަންކޮށްދެއްވާށޭ ކިޔާފައި. އެތަނުގައި ފަރުވާ ނުލިބޭތީ އެތަނުގައި މުޒާހަރާ ކުރީ.އެމްޑީޕީގެ ޤާނޫނީ ކޮމިޓީގެ މެންބަރު އަހުމަދު މައުރޫފް ވިދާޅުވެއްޖެއެވެ.
މައުރޫފް ވިދާޅުވީ ފަރުވާދޭން ހަދާފައި އިންނަތަނަކާއި ގުޅިގެން މުޒާހަރާކުރުމަށްޓަކައި ބަޔަކު އެއްވާނި އެތަނުން ފަރުވާ ނުލިބިގެން ކަމަށާއި، މަގާމެއްގައި މީހަކު ނެތިގެން ނޫން ކަމަށެވެ. މައުރޫފް ވިދާޅުވީ މަގާމެއްގައި މީހަކު ނެތަސް އެތަން ހިންގާ މީގެ ކުރިން ވެސް އެތަނުން ފަރުވާ ދީފައިވާ ކަމަށެވެ.
މައުރޫފް ވިދާޅުވީ އެތަނުގައި ޑިރެކްޓަރ ޖެނެރަލްއެއް ނެތްކަމަށް ރައީސް ވިދާޅުވި އިރު، އެތަނަށް އެތައް ސިޔާސީ ބޭފުޅުންނެއް ރައީސް އައްޔަން ކުރައްވާފައިވާ ކަމަށާއި، ޑިރެކްޓަރ ޖެނެރަލްއެއް އައްޔަން ނުކުރައްވާ ސިޔާސީ މީހުން އައްޔަން ކުރެއްވުމުން އެކަމުން ދޭހަވަނީ ރައީސް މުއިއްޒުއަށް ވެސް އެކަން މުހިންމު ވެވަޑައިނުގަތުން ކަމަށެވެ.
