ހައިކޯޓުގެ ފަނޑިޔާރުކަމަށް ކުރިމަތިލާން ފުރުސަތު ހުޅުވާލައިފި
ހައި ކޯޓުގެ އިސް ފަނޑިޔާރު ޝަހީދު ސުޕްރީމް ކޯޓުގެ ފަނޑިޔާރު ކަމަށް އައްޔަންކުރައްވާފައި ވަނީ ކުރިން ސުޕްރީމް ކޯޓުގެ ފަނޑިޔާރު ކަމުގައި ހުންނެވި ހުސްނުއްސުއޫދު ފަނޑިޔާރުކަމުގެ މަގާމުން އިސްތިއުފާ ދެއްވާފައިވާތީ
ހައި ކޯޓު
ހައިކޯޓުގެ ފަނޑިޔާރުކަމަށް ކުރިމަތިލާން ޖުޑީޝަލް ސާވިސް ކޮމިޝަން (ޖޭއެސްސީ) އިން ފުރުސަތު ހުޅުވާލައިފިއެވެ.
ހައިކޯޓުގެ ފަނޑިޔާރުގެ މަގާމު ހުސްވެފައި ވަނީ އެ ކޯޓުގެ އިސް ފަނޑިޔާރުގެ މަޤާމް އަދާކުރައްވަމުން ގެންދެވި ހުސައިން ޝަހީދު ސުޕްރީމް ކޯޓުގެ ފަނޑީޔާރު ކަމަށް ނިމިދިޔަ ބުދަ ދުވަހު އައްޔަނު ކުރައްވާފައި ވާތީއެވެ.
ޖޭއެސްސީން ވަނީ ހައިކޯޓުގެ ފަނޑިޔާރުކަމާއި، އިސް ފަނޑިޔާރުގެ މަޤާމަށް ކުރިމަތިލުމަށް ހުޅުވާލައްވާފަ އެވެ. ހައިކޯޓުގެ ފަނޑިޔާރުކަމަށް ކުތިމަތިލުމުގެ ފުރުސަތު އަންނަ އެޕްރިލް މަހުގެ 10 ވަނަ ދުވަހުގެ ހެނދުނު 10:00 އާއި ހަމައަށް ވަނީ ހުޅުވާލާފައެވެ. އަދި އިސް ފަނޑިޔާރު ކަމުގެ މަގާމަށް ކުރިމަތިލުމަށް ފުރުސަތު ހުޅުވާލައިފައިވަނީ މި ހިނގާ މާރޗް މަހުގެ 29 ވަނަ ދުވަހުގެ މެންދުރު 12:33 ޖެހުމާއި ހަމައަށެވެ.
ހައި ކޯޓުގެ ފަނޑިޔާރު ކަމަށް ކުރިމަތިލުމުގެ ޝަރުތުތަކުގެ ތެރޭގައި އުމުރު 25 އަހަރު ފުރުމާއި، އިސްލާމީ ޝަރީއާ، ނުވަތަ ގާނޫނުގެ ރޮނގުން ފުރަތަމަ ޑިގްރީ ހާސިލުކޮށްފައިވުމާއި، ފަނޑިޔާރު ކަމުގައި ނުވަތަ ގާނޫނީ ވަކީލު ކަން ކުރުމުގައި ނުވަތަ މި ދެ ކަމުގައި މަދުވެގެން ފަސް އަހަރު ދުވަހުގެ ތަޖުރިބާ ލިބިފައިވުން ހިމެނެއެވެ.
ހަމައެހެންމެ ހައި ކޯޓުގެ ހިންގުން ވަގުތީ ގޮތުން ފަނޑިޔާރު މުހައްމަދު ފައިސަލް އާއިއެވެ. ހައި ކޯޓުގެ އިސް ފަނޑިޔާރު ޝަހީދު ސުޕްރީމް ކޯޓުގެ ފަނޑިޔާރު ކަމަށް އައްޔަންކުރައްވާފައި ވަނީ ކުރިން ސުޕްރީމް ކޯޓުގެ ފަނޑިޔާރު ކަމުގައި ހުންނެވި ހުސްނުއްސުއޫދު ފަނޑިޔާރުކަމުގެ މަގާމުން އިސްތިއުފާ ދެއްވާފައިވާތީއެވެ. ސުއޫދު އިސްތިއުފާދެއްވީ އޭނާގެ ސުލޫކީ މައްސަލަ އެއް ބަލާ ޖޭއެސްސީން އޭނާ ސަސްޕެންޑްކުރުމުންނެވެ.
