މުޒާހަރާ ތަކާއި ގުޅިގެން ޝިއުނާ ދެވަނަ ފަހަރަށް ފުލުހަށް ހާޒިރުކޮށްފި
އެންމެ ފުރަތަމަ ޝިއުނާ ފުލުހަށް ހާޒިރު ކޮށްފައި މިވަނީ 2025 ވަނަ އަހަރުގެ މާރިޗު މަހުގެ 17 ވީ ހޯމަ ދުވަހު
އެމްޑީޕީގެ މުޒާހަރާތަކާއި ގުޅިގެން ޝިއުނާ މާފަންނު ޕޮލިހަށް ހާޒިރުކުރުމުގެ ތެރެއިން: މިއީ ޝިއުނާ ފުލުހަށް ހާޒިރުކޮށް ބަޔާން ނަގާ ދެވަނަ ފަހަރު 19-03-2025
ދިވެހި ރައްޔިތުންގެ ޑިމޮކްރަޓިކް ޕާޓީ (އެމްޑީޕީ) އިން ކުރިއަށް ގެންދާ މުޒާހަރާ ތަކާ ގުޅިގެން އެ ޕާޓީގެ ސިޔާސީ ހަރަކާތްތަކުގައި އިސްކޮށް އުޅުއްވާ ފާތިމަތު ޝިއުނާ ދެވަނަ ފަހަރަށް ފުލުހަށް ހާޒިރުކޮށްފި އެވެ.
އެންމެ ފުރަތަމަ ޝިއުނާ ފުލުހަށް ހާޒިރު ކޮށްފައި މިވަނީ 2025 ވަނަ އަހަރުގެ މާރިޗު މަހުގެ 17 ވީ ހޯމަ ދުވަހުގައެވެ. އޭގެ ފަހުން ދެވަނަ ފަހަރަށް އޭނާ ފުލުހަށް ހާޒިރު ކޮށް ފައި މިވަނީ 2025 ވަނަ އަހަރުގެ މާރިޗު މަހުގެ 19 އަށް ވީ ބުދަ ދުވަހުގައެވެ.
2025 ވަނަ އަހަރުގެ 19 ވީ ބުދަ ދުވަހު ޝިއުނާ ފުލުހަށް ހާޒިރު ކޮށްފައި ވާއިރު، މިއީ މުޒާހަރާތަކާއި ގުޅިގެން އޭނާ ފުލުހަށް ހާޒިރުކޮށް ބަޔާން ނަގާ ދެވަނަ ފަހަރުކަން ފާހަގަކޮށްކޮށްލަން ޖެހެއެވެ.
ޝިއުނާ ދެ ފަހަރުވެސް ފުލުހަށް ހާޒިރު ކޮށްފައި މިވަނީ ހަމަ އެއް ތުހުމަތެއްގައެވެ. އެގޮތުން އޭނާއަށް ފުލުހަށް ހާޒިރު ވުމަށް ފޮނުވި ޗިޓުތަކުގައި ބުނެފައި ވަނީ ރޭގަނޑުގެ ވަގުތުތަކުގައި ސުލްޙަވެރިކަމާއެކު އެއްވެއުޅުމުގެ މިނިވަންކަމުގެ ޤާނޫނާ ޚިލާފަށް މާލޭގެ އެކި ސަރަހައްދުގެ މަގު މަތީގައި އެއްވެ، އަޑު ގަދަކޮށް މުޒާހަރާކޮށް އާންމު ދަތުރުފަތުރު ކުރުމަށާއި، އާންމު ވިޔަފާރީތަކަށް ދަތިވާނެހެން ހަރަކާތްތެރިވެ ފުލުހުންގެ ދައުރުއަދާ ކުރުމަށްހުރަސް އަޅައި، ފުލުހުންގެ އަމުރަށް ނުކިޔަމަންތެރިވެ ފުލުހުންގެ ވާޖިބަށް ހުރަސްއަޅާފައިވާ ކަމަށް ތުހުމަތު ކުރެވޭ ކަމަށެވެ.
އެ ތުހުމަތުގައި ޝިއުނާ ޙާޒިރު ކޮށްފައި މިވަނީ ސުވާލުކޮށް ބަޔާން ނެގުމަށް ކަމަށް ފޮނުވި ޗިޓުގައި ބުނެފައިވެއެވެ. ބަޔާން ނެގުމަށް އެއް ގަޑިއިރާއި ތިރީސް މިނިޓް ހޭދަވާނެ ކަމަށް ލަފާ ކުރެވޭ ކަމަށް ވެސް އެ ޗިޓުގައި ވަނީ ބުނެފަ އެވެ.
ފުލުހަށް ހާޒިރު ވުމަށް ގޮސް ރާއްޖެ އެމްވީއަށް ޝިއުނާ ވިދާޅުވީ އެމްޑީޕީން ކޮންމެ ރެއަކު މުޒާހަރާއަށް މި ނުކުންނަނީ ޖިނާއީ ބޮޑު ކުށެއް ކުރަން ނޫން ކަމަށާއި މި ނުކުންނަނީ މި ސަރުކާރަށް ރައްޔިތުންގެ އަޑު އިއްވަން އަޑުއުފުލަން ކަމަށެވެ.
އަދި ރައްޔިތުންގެ ހައްޤުތަކެއް ގެއްލިފައިވާތީ އެ އަޑުއުފުލަން ނުކުތީމައި ކޮންމެ ދުވަހަކު ފުލުހަށް ހާޒިރު ކުރަން ޗިޓު ފޮނުވަން ޖެހޭ އެއްވެސް ސަބަބެއް އޮތް ކަމަށް ޤަބޫލު ނުކުރައްވާ ކަމަށް އޭނާ ވިދާޅުވި އެވެ.
"އަޅުގަނޑު ހިތައް އަރާ އަޅުގަނޑުމެން ރައްޔިތުންގެ ހައްޤުތަކުގެ ވާހަކަ ސަރުކާރަށް އަޑުއިއްވަން ނުކުންނަ ކޮންމެ ރެއަކު، މި އަޅުގަނޑުމެން ކުށްވެރިވެގެން ކޮންމެ ރެއަކު ފުލުހަށް ހާޒިރުވުމަކުން މިކަން މި ނިމިދަނީ. އަޅުގަނޑު ހިތައް އަރާ އަޅުގަނޑުމެން މި ނުކުންނަނީ ޖިނާއީ ކުށެއް ކުރާކަށް ނޫނޭ. އިދިކޮޅު ޕާޓީއެއްގެ ގޮތުގައި އެމްޑީޕީ އޮވެގެން ކޮންމެ ރެއަކު މުޒާހަރާއަށް މި ނުކުންނަނީ ރައްޔިތުންގެ އަޑު ސަރުކާރަށް އިއްވުމަށް. ޖިނާއީ ކުށެއް ކުރާކަށް ނޫން.ފާތިމަތު ޝިއުނާ
މުޒާހަރާތަކާއި ގުޅިގެން ދެފަހަރެއްގެ މަތިން ޝިއުނާ ފުލުހަށް ހާޒިރު ކުރިއިރު، އެމްޑީޕީގެ މުޒާހަރާތަކާއި ގުޅިގެން ގިނަ ބައަކު ވަނީ އެކި ފަހަރުމަތިން ފުލުހަށް ހާޒިރުކޮށް ބަޔާން ނަގާފަ އެވެ.
އެމްޑީޕީން ކުރިއަށް ގެންދާ ސުލްހަވެރި އިހުތިޖާޖާ ގުޅިގެން، ފުލުހުން އަންނަނީ ކޮންމެ ރެޔަކު އިހުތިޖާޖުގެ ބައިވެރިންނަށް ހުރަސްއަޅައި، ނުހައްޤު ބާރުގެ ބޭނުންކޮށް، އެތަކެއް އަނިޔާތަކެއް ދެމުން ކަމަށް އިހުތިތާޖުގެ ބައިވެރިން ތުހުމަތު ކުރެއެވެ.
ސުލްހަވެރިކަމާއެކު ކުރިއަށްދާ އިހްތިޖާޖުތަކުގައި ގޮވާލަމުން ގެންދަނީ ރައީސް މުއިއްޒު ވެރިކަމަށް ވަޑައިގަންނަވަމުން ވައުދުވީ ގޮތަށް ފްލެޓާ ގޯތި ލިބިފައިވާ މީހުންނަށް އެތަންތަން ހަވާލު ކުރުމަށެވެ.
