ވިޔަފާރިތަކަށް ރޯދަ މަހުގެ މުހިންމު ގަޑިތައް

މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް އިން ވަނީ ރަމަޟާން މަހުގައި މާލޭގައި މުދާ އުފުލުމަށް ޚާއްސަ ގަޑިތަކެއް ކަނޑައަޅާފައެވެ. މި ގަޑިތަކަށް ޢަމަލުކުރަން ފަށާނީ ރަމަޟާން މަހުގެ ފުރަތަމަ ދުވަހުން ފެށިގެން ޝައްވާލް މަހުގެ ހަތްވަނަ ދުވަހާ ހަމައަށެވެ.ރަމަޟާން މަހުގެ ފުރަތަމަ 19 ދުވަހުގެ ތެރޭގައި މުދާ އުފުލޭނީ ހެނދުނު 9:30 އިން މެންދުރުފަހު 4:30 ށް އަދި ރޭގަނޑު 8:00 އިން ހެނދުނު 6:00 އަށެވެ.

މުދާ އުފުލުން މަނާ ގަޑިތަކަކީ ހެނދުނު 6:00 ން 9:30 އަށް އަދި ހަވީރު 4:30 ން ރޭގަނޑު 8:00 އަށެވެ.ނަމަވެސް، ރަމަޟާން މަހުގެ ފަހު 10 ދުވަހު މުދާ އުފުލުމުގެ ގަޑިތަކަށް ބަދަލު އަންނާނެއެވެ.

ރަމަޟާން މަހުގެ 20 ވަނަ ދުވަހުން ފެށިގެން މަހުގެ ނިޔަލަށް މުދާ އުފުލޭނީ ހެނދުނު 6:00 ން މެންދުރުފަހު 4:30 އަށެވެ.

ރޭގަނޑު 8:00 ން ހެނދުނު 6:00 އަށެވެ.

މި މުއްދަތުގައިވެސް ހަވީރު 4:30 ން ރޭގަނޑު 8:00 ށް މުދާ އުފުލުން ހުއްދައެއް ނުވާނެއެވެ.ދިވެހިރާއްޖޭގައި މީހުން ދިރިއުޅޭ ރަށްތަކުގައި ހިންގާ މުދާ ވިއްކާ ތަންތަން މިރޭވެސް މެންދަމު 1:00 އާހަމައަށް ހުޅުވާފައި ބެހެެއްޓޭނެކަމަށް އިކޮނޮމިކް މިނިސްޓްރީއިން ވަނީ ކަނޑައަޅާފައެވެ.

ރަމަޟާބް މަހުގެ 1 ވަަނަ ދުވަހުން ފެށިގެން ޝައްވާލު މަހުގެ ފުރަތަމަ 7 ދުވަހާ ހަމައަށް މުދާ ވިއްކާ ތަންތަން ފަތިހު 5:30 ން މެންދަމު 1:00 ށް ހުޅުވާފައި ބެހެއްޓޭނެއެވެ.

ކެއިން ބުއިމުގެ ޚިދުމަތްދޭ ތަންތަން ހުޅުވާފައި ބެހެއްޓޭނެ ގަޑިތަކަކީ ހަވީރު 5:30 ން މެންދަމު 3:00 އާ ދެމެދުގައެވެ.