'އަންބަލަން 2025' ގެ ޙަރަކާތް ފަށާނީ 20 އަދި 21 ފެބުރުވަރީ 2025 ގައި މާލެ ރަސްފަންނު ސަރަހައްދުގައި
އަންބަލަން 2025 މިފަހަރު ބާއްވަނީ މާލެ ސިޓީ ޑަބްލިއުޑީސީއާއި ސިޓީ ކައުންސިލާއި ގުޅިގެން
"އަންބަލަން 2025" ގެ ޙަރަކާތް ބުރާސްފަތި ދުވަހު ފަށަން ތައްޔާރުވެއްޖެއެވެ.
"އަންބަލަން 2025" ގެ ޙަރަކާތްތައް ބާއްވަނީ ސޮސައިޓީ ފޯރ ހެލްތް އެޑިއުކޭޝަން (ޝީ)، މާލެ ސިޓި ކައުންސިލް، އަދި މާލެ ސިޓީ އަންހެނުން ތަރައްޤީއަށް މަސައްކަތް ކުރާ ކޮމެޓީ (ޑަބްލިޔުޑީސީ)، ގުޅިގެން 20 ފެބްރުއަރީ 2025 އަދި 21 ފެބްރުއަރީ 2025 ގައި މާލެ ރަސްފަންނު ސަރަހައްދުގައެވެ.
'އަންބަލަން' ޙަރަކާތަކީ ސަޤާފީ ޙަރަކާތްތަކަކާއި އެކު، ސިއްޙީ މަޢުލޫމާތު އާންމުންނަށް ފޯރުކޮށްދިނުމުގެ އިތުރުން އާންމުންނަށް ހުޅުވާލައިގެން އެބޭފޫޅުންގެ ބައިވެރިވުން އެކުލެވޭގޮތަށް ކުރިޔަށް ގެންދެވޭ ކުލަގަދަ ޙަރަކާތެކެވެ. މިހަރަކާތުގައި ކުޑަކުދިންނާއި ގުޅޭ ތަފާތު އެކި ސަގާފީ އަދި މަޖާ ހަރަކާތްތަށް ދައްކުވައިދޭ ސްޓޯލްތައް ކުރިޔަށް ގެންދެވޭނެއެވެ. އަދި މީގެ އިތުރުން އަތްތެރި މަސައްކަތް ދައްކުވައިދޭ ސްޓޯލްތައް، ކުޑަކުދިންގެ ހުނަރު ދައްކުވައިދޭ އަތްތެރި މަސައްކަތުގެ ސްޓޯތައް، އަންނައުނު ވިއްކާ ސްޓޯލްތައް، ކުޑަކުދިންގެ ކުޅޭ ތަކެތި ވިއްކާ ސްޓޯލްތައް، ދިވެހިން ތައްޔާރުކުރާ ޕޭސްޓްރީ އެކި ބާވަތްތަށް ވިއްކާ ސްޓޯލްތަކާއި، އަދި އެކި ބާވަތްތަކުގެ ކާބޯތަކެތި ވިއްކާ ސްޓޯލްތަށް ހިމެނިގެން ދާނެއެވެ.
އަދި ސްޓޭޖްގައި ފޯރިގަދަ ހަރަކާތްތަކާއެކު ބޮޑުބެރު ޖެހުންވެސް 2 ދުވަހު ކުރިޔަށް ގެންދިޔުމަށް ވަނީ ހަމަޖެހިފައެވެ. އިހު ޒަމާނުގެ ސަޤާފީ ވާހަކަތަކުގައި އުޅޭ ކެރެކްޓާރސް ގެ ދައްކާލުންވެސް ސްޓޭޖް ހަރަކާތްތަކުގެ ތެރޭގައި ހިމެނޭނެއެވެ. މީގެ އިތުރުން ކާއްޓޭ އަދި މަޓޭއާއި އެކު މަޖާ އާއިލީ، އަދި އުފާވެރި މާހައުލެއްގައި ތަފާތު އެކި ހަރަކާތްތަށް ކުރިޔަށް ގެންދިޔުމަށް ވަނީ ހަމަޖެހިފައެވެ.
