ޕިރަމިޑްގެ ފިހާރަތަކުން "މަންޗީމާރީ ބަންޑްލް ޕެކް" ޕްރޮމޯޝަނެއް ފަށައިގެން ކުރިއަށް ގެންދަނީ
12 ފެބުރުއަރީ 2025 | ބުދަ 14:42ޕިރަމިޑްގެ ފަރާތުން މިފަހަރު ލޯންޗުކޮށްފައި ވަނީ މަންޗީ ބްރޭންޑްގެ މުޅިން އާ ވައްތަރެއްގެ ސޭވަރީ ބިސްކޯދު ޕެކެޓަކާއި ރިޒްބަރީ ކޫކިންގް ޗޮކްލެޓްގެ ޑާކް ޗޮކްލެޓް ހިމެނޭ ބަންޑްލް ޕެކެއް
ޕިރަމިޑް ހިފާރައިގެ "މަންޗީމާރީ ބަންޑަލް ޕެކް" ޕްރޮމޯޝަނާއި ގުޅޭގޮތުން ޕިރަމިޑްގެ މާރކެޓިންގް މެނޭޖަރު މުހައްމަދު ސޮބާހު ރާއްޖެ ޓީވީއަށް އިންޓަވިއު ދެއްވަނީ
ޕިރަމިޑްގެ ފިހާރަތަކުން މުޅިން އަލަށް "މަންޗީމާރީ ބަންޑްލް ޕެކް"ގެ ނަމުގައި ޕްރޮމޯޝަނެއް ފަށައިފިއެވެ.
ޕިރަމިޑްގެ ފަރާތުން އަންނަ ރަމަޟާން މަހަށް ޚާއްޞަކޮށްގެން މިފަހަރު ލޯންޗުކޮށްފައި ވަނީ މަންޗީ ބްރޭންޑްގެ މުޅިން އާ ވައްތަރެއްގެ ސޭވަރީ ބިސްކޯދު ޕެކެޓަކާއި ރިޒްބަރީ ކޫކިންގް ޗޮކްލެޓްގެ ޑާކް ޗޮކްލެޓް ހިމެނޭ ބަންޑްލް ޕެކެކެވެ.
"މަންޗީމާރީ ބަންޑްލް ޕެކް" އަކީ ޚާއްޞަކޮށް ރަމަޟާންމަހަށް ފޮނިކާތަކެތި ތައްޔާރުކޮށްލައިގެން ސުފުރާމައްޗަށް އަރުވާލުމުގެ ފުރުސަތު ލިބިގެންދާނޭ ޕެކެއްކަމަށް ޕިރަމިޑްގެ މާރކެޓިންގް މެނޭޖަރު މުހައްމަދު ސޮބާހު ވިދާޅުވިއެވެ. އަދި މި ޕެކާއި އެކު ފްރީކޮށް ކާތަކެތި ތައްޔާރު ކޮށްލެވޭނެ ގޮތުގެ ރެސިޕީތައް މި ފަހަރުގެ މި ޕެކްގައި ހިމަނާފައިވާނެ ކަމަށް ވެސް އޭނާ ވިދާޅުވިއެވެ.
ސޮބާ ވިދާޅުވީ މި ބަންޑަލް ޕެކްގެ ޕްރޮމޯޝަން މި މަހުގެ ފުރަތަމަ ހަފަތާއިން ފެށިގެން ހުޅުވާލާފައިވާއިރު، ފިތުރު އީދު ދުވަހުގެ ނިޔަލަށް މި ޕްރޮމޯޝަން ކުރިއަށް ދާނޭ ކަމަށެވެ. އަދި މި ޕްރޮމޯޝަން ކުރިއަށް ދާއިރު، މި ޚާއްސަ ބަންޑަލް ޕެކްތައް ރާއްޖޭގެ ގިނަ ފިހާރަތަކުންނާއި، ސުޕަމާޓްތަކުންނާއި، ޕިރަމިޑްގެ އެކިއެކި ފިހާރަތަކުން ލިބެންހުންނާނޭ ކަމަށް ސޮބާހު ވިދާޅުވިއެވެ.
ސޮބާހު ވިދާޅުވީ ތިން ޖެނެެރޭޝަނަށް ދިގުދެމިގެންދާ މި މަންޗީމާރީގެ ރަހަތަކުން ފޮނިކާތަކެތިން ސުފުރާމަތި ފަޚުރުވެރިކަމާއި އެކު ފަޅުފިލުވާލުމަށް ޕިރަމިޑުން މި ހުޅުވާލި ޕްރޮމޯޝަނުގެ މި ފުރުސަތުގެ ބޭނުން ހިފުމަށް ހުރިހާ ކަސްޓަމަރުންނަށް ވެސް ދައުވަތު އަރުވާކަމަށެވެ.
ސޮބާހު ވިދާޅުވީ މިހާރު ކުރިއަށް ދާ މި ޕްރޮމޯޝަނަކީ އަބަދުވެސް ޕިރަމިޑްގެ ފިހާރާތުން ކޮންމެ ރަމަޟާން މަހަކާއި ދިމާކޮށް، ފަށާ ޕްރޮމޯޝަނެއް ކަމަށާއި އެގޮތުން "މަންޗީމާރީ ބަންޑްލް ޕެކް"ގެ މި ޕެކަކީ އޭގެ ތެރޭގައި ހިމެނޭ ވަރަށް ޑިމާންޑް ބޮޑު ޕްރޮމޯޝަނެއް ކަމަށެވެ.
އޭނާ ވިދާޅުވީ ޕިރަމިޑް އަކީ އަބަދުވެސް ކަސްޓަމަރުންނަށް ޕްރޮމޯޝަންތަކުގެ ތެރެއިން ވަރަށް ގިނަ ބާވަތްތައް އަގުހެޔޮކޮށް، ލިބޭނެ ގޮތްތައް ތަނަވަސްކޮށްދެމުން އަންނަ ފިހާރައެއް ކަމަށެވެ. އަދި އަބަދުވެސް ޕިރަމިޑްގެ ކަސްޓަމަރުންނަށް އެ ފުރުސަތު ހުޅުވިފައި އޮންނާނޭ ކަމަށް ސޮބާހު ވިދާޅުވިއެވެ.
ސޮބާހު ވިދާޅުވީ ޕިރަމިޑް ފިހާރަތަކުން މިހާރު ކުރިއަށް ގެންދާ މި ޕްރޮމޯޝަނަކީ ލިމިޓް ކޮށް ތައްޔާރުކޮށްގެން ގެންނަ އެއްޗެއް ކަމަށާއި އެހެން ކަމުން މަދު ކަސްޓަމަރުންނަށް ނަމަވެސް މި ފުރުސަތު ގެއްލިދާނެ ކަމަށް ގަބޫލުކުރެވޭ ކަމަށެވެ. އެހެން ކަމުން ފުރުސަތު އޮއްވާ އަވަހަކަށް އެ ޕްކެ ބައްލަވައިގަތުމަށް ކަސްޓަމަރުންނަށް ދައުވަތުދޭކަމަށް އޭނާ ވިދަޅުވިއެވެ.
ސޮބާހު ވިދާޅުވީ ޕިރަމިޑްގެ ފިހާރަތަކުން މިހާރު ކުރިއަށް ގެންދާ "މަންޗީމާރީ ބަންޑްލް ޕެކް" ރަސްމީ އަގަކީ 90 ރުފިޔާ ކަމަށާއި ނަމަވެސް މި ޕްރޮމޯޝަނުގެ ތެރޭގައި ބޮޑު ޑިސްކައުންޓަކާއި އެކު މި ޕެކް 70 ރުފިޔާއަށް ލިބިގެންދާނެކަމަށެވެ. އަދި އެއީ މިހާރު ދިވެހިންގެ ދިރިއުޅުމުގެ ޚަރަދައް ބަލާއިރު، އެންމެ ޕެކެޓެއް ގަނެގެންވެސް 20 އަކަށް ރުފިޔާ ސަލާމަތް ކުރެވިދާނެ ފުރުސަތެއް ކަމަށް ވެސް އޭނާ ވިދާޅުވިއެވެ.
މީގެ އިތުރުން އެކި ބްރޭންޑުތަކުގެ ޑޭޓްސް ތަކާއި ޒީބާ ބާސްމަތީ ރައީސް، ސައިފަތުގެ ބާވަތްތައް، ގްރީން ޓީ، މަސާލާ ޗައި ފަދަ ބުއިންތަކަށް ބޭނުންކޮށްލެވޭ ސައުފަތުގެ އިތުރުން، ރިޒްބެރީ ކޭޓާރސް މިލްކް ކޫކިން ޗޮކްލެޓް އަދި ރިޒްބެރީ ކޭޓާރސް މިލްކް ކޫކިން ޑާކް ޗޮކްލެޓް ފަދަ ބާވަތްތައް ޕިރަމިޑްގެ ފިހާރަތަކުން ލިބެން ހުންނާނެކަމަށް ސޮބާހު ވިދާޅުވިއެވެ.
ޕިރަމިޑް އިން ވިއްކާ ހުރިހާ ޕްރޮޑަކްޓެއް ވެސް ރަމަޟާން މަހާއި ދިމާކޮށް މައިގަނޑު ގޮތެއްގައި އަގު ހެޔޮވެގެންދާނެ ކަމަށް އެ ފަރާތުން ވަނީ ބުނެފައެވެ.
ޕިރަމިޑްގެ ފަރާތުން ވަނީ މީގެ ކުރިން ވެސް ޓުޑޭސް ޓޭސްޓް ބްރޭންޑުގެ މަސާލާ ޗާއި އަދި މާރިއޯ ބްރޭންޑުގެ މިލްކް ރަސްކު (ފާރޮށި) ތައާރަފުކޮށް ވިއްކަން ފަށާފައެވެ.
