މާލޭގައި މާރާމާރީއެއް ހިންގައި މީހަކު ޒަހަމް ކޮށްލައިފި އެވެ.
ހޮނިހިރު ދުވަހު ފުލުހުން ބުނީ އަނިޔާ ލިބިފައިވާ މީހެއް ހުކުރު ދުވަހުގެރޭ 11:40 ގައި އައިޖީއެމްއެޗް އަށް ގެނެސްފައިވާ މައްސަލައެއް ރިޕޯޓު ކޮށްފައިވާ ކަމަށެވެ. މިމައްސަލައާ ގުޅިގެން އަދި އެއްވެސް މީހަކު ހައްޔަރުކޮށްފައިނުވާ ކަމަށް ފުލުހުން ބުނެއެވެ.
މިމައްސަލަ ފުލުހުން ގެންދަނީ އިތުރަށް ތަހުގީގު ކުރަމުން ގެންދާއިރު، އިތުރު ތަފްސީލެއް ހާމަކޮށްފައިނުވެއެވެ.
މައުލޫމާތު ލިބިފައިވާ ގޮތުގައި ހުކުރު ދުވަހުގެ ރޭ ހިންގި މާރާމާރީގައި އެމީހާއަށް ތޫނު އެއްޗަކުން ހަމަލާދީ ވަނީ ޒަހަމްކޮށްލާފައެވެ.
ނަމަވެސް އެމީހާއަށް ލިބިފައިވާ އަނިޔާގެ ތަފްސީލު ވަނީ ލިބޭ ގޮތް ނުވެފައެވެ.
