ކ. މާލެ
|
21 އޯގަސްޓް 2017 | ހޯމަ 11:33
ރެއާލްގެ ކެޕްޓަން ސާޖިއޯ ރާމޯސް
ރެއާލްގެ ކެޕްޓަން ސާޖިއޯ ރާމޯސް
އޭއެފްޕީ
ސްޕެނިޝް ލަލީގާ
ލަލީގާގައި އެންމެ ގިނަ ރަތް ކާޑު ހޯދި ކުޅުންތެރިޔާގެ ރިކޯޑާއި ރާމޯސް ހަމަހަމަކޮށްފި
 
ސްޕެނިޝް ލަލީގާގައި ރާމޯސްއަށް ވަނީ މިހާތަނަށް މުޅި ޖުމްލަ 18 ރަތްކާޑު ދައްކާފަ

ސްޕެނިޝް ލަލީގާގައި މިހާތަނަށް އެންމެ ގިނަ ރަތް ކާޑު ހޯދި ކުޅުންތެރިޔާގެ ރިކޯޑާއި ރެއާލް މެޑްރިޑުގެ ކެޕްޓަން ސާޖިއޯ ރާމޯސް ހަމަހަމަކޮށްފޮއެވެ.

ފައުލްތައް ގިނަ ކުޅުންތެރިޔެއްގެ ގޮތުގައި މަޝްހޫރުވެފައިވާ ރާމޯސް މި ރިކޯޑާއި ހަމަހަމަކޮށްފައިވަނީ އާދީއްތަ ދުވަހުގެ ރޭ ޑިޕޯޓިވޯ އާއި ދެކޮޅަށް ކުޅުނު މެޗުގައި އޭނާއަށް ދެއްކި ރަތް ކާޑާއިއެކުއެވެ.

މި މެޗުގައި އޭނާއަށް ރަތް ކާޑު ދައްކާފައިވަނީ ދެ ރީނދޫ ކާޑު ހަމަވުމުންނެވެ. އެގޮތުން އޭނާއަށް އެންމެ ފުރަތަމަ ރީނދޫ ކާޑު ދައްކާފައިވަނީ ބޯޅަ ހޯދަން އުޅުމުގެ ތެރޭގައި ޑިޕޯޓިވޯގެ ކުޅުންތެރިޔެއްގެ ގައިގައި އަތްލުމުގެ ސަބަބުންނެވެ. އަދި މެޗުގެ އިތުރު ވަގުތު ތެރޭގައި އޭނާއަށް ދެވަނަ ރީނދޫ ކާޑު ދައްކާފައިވަނީ ބޮލުން ޖަހަން އުޅުމުގެ ތެރޭގައި ޑިޕޯޓިވޯގެ ކުޅުންތެރިޔަކަށް ފައުލް ކުރުމުންނެވެ.

މެޗަށް ފަހު ވާހަކަ ދައްކަމުން ރާމޯސް ބުނެފައިވަނީ އޭނާއަށް ރަތް ކާޑު ހައްގު ނޫން ކަމަށާއި ރެފްރީގެ ނިންމުމަކީ އެންމެ ފަހުގެ ނިންމުން ކަމަށް ގަބޫލްކުރާކަމަށެވެ. 

މި ރަތްކާޑާއިއެކު އޭނާއަށް ވަނީ ސްޕެނިޝް ލަލީގާގައި މިހާތަނަށް މުޅި ޖުމްލަ 18 ރަތްކާޑު ދައްކާފައެވެ. މީގެ ކުރިން ދެ ކުޅުންތެރިޔަކަށް ވަނީ މިއަދަދަށް ރަތް ކާޑު ދައްކާފައެވެ. އެއީ ރެއާލް ޒަރަގޯޒާއަށް މީގެ ކުރިން ކުޅުނު ޒަވީ އަގުއޭޑޯއާއި ޕަބްލޯ އަލްފާރޯއެވެ.

ރާމޯސްއަށް މި މެޗުގައި ރަތް ކާޑު ދެއްކި ކަމުގައިވިޔަސް ރެއާލްއިން މި މެޗުގައި މޮޅު ކުޅުމެއް ދައްކާފައިވެއެވެ. އެ ޓީމުން މި މެޗު ކާމިޔާބުކޮށްފައިވަނީ 3-0 ގެ ނަތީޖާއަކުންނެވެ. މި މެޗުގައި ރެއާލްއަށް ލަނޑުތަށް ކާމިޔާބުކޮށްދީފައިވަނީ ގެރެތް ބޭލް، ޓޯނީ ކްރޫސް އަދި ކަސިމޭރޯއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
25%
50%
0%
25%
0%
0%
ކޮމެންޓް