ފަރީ ހައްޖު އެންޑް އުމްރާ ގްރޫޕްގެ ހަވާލުގައި ޑިސެމްބަރ މަހުގެ އުމްރާއަށް ދާ ބައިވެރިން ފުރައިފި
މިދަތުރުގައި ހުރިހާ ޢުމްރާވެރިންނަށްވެސް 4 އުމްރާ ކުރުމުގެ ފުރުސަތު ލިބިގެންދާނެއެވެ. އަދި މައްކާގެ މުހިއްމު ތަންތަން ދައްކާލުމަށް ވަނީ ހަމަޖެހިފައެވެ.
ފަރީހައްޖު އެންޑް އުމްރާ ގްރޫޕް
ފަރީ ހައްޖު އެންޑް އުމްރާ ގްރޫޕްގެ ހަވާލުގައި ޑިސެމްބަރ މަހުގެ އުމްރާއަށް ދާ އުމްރާވެރިން ފުރައިފިއެވެ.
އެ ގްރޫޕްގެ ވެރިޔާ ފަރީދާ ހަސަން ރާއްޖެ އެމްވީއަށް މައުލޫމާތު ދިންގޮތުގައި، އެ ގްރޫޕްގެ އުމްރާވެރިންގެ ތެރޭގައި މި ފަހަރު ގިނައީ އަލަށް އުމްރާއަށް ދާ މީހުންނެވެ.
މި ފަހަރު އުމްރާއަށް ދާ މީހުންގެ ތެރޭގައި އުމުރުން ދުވަސްވީ މީހުން ނިސްބަތުން މަދު ކަމަށާއި، ނަމަވެސް ސްކޫލް ދަރިވަރުންވެސް ނިސްބަތުން ގިނަކަން ފާހަގަކުރެއްވިއެވެ. ހުރިހާ ޢުމްރާވެރިންވެސް ރައްކާތެރިމަކާއެކު ޖިއްދާއަށް ވަނީ ދެވިފައެވެ. އަދި މެންދުރުގެ ވަގުތެއްގައި މައްކާގެ ހޮޓަލަށް ދެވެނޭކަމަށް ވަނީ ވިދާޅުވެފައެވެ.
ފަރީ ހައްޖު އެންޑް އުމްރާ ގްރޫޕްގެ ހަވާލުގައި އުމްރާއަށް ދާ ބައިވެރިން ފުރާފައިވަނީ 22 ޑިސެމްބަރ 2024 ވަނަ ދުވަހު ޑައިރެކްޓް ފްލައިޓެއްގައި ސީދާ މާލެއިން ޖިއްދާއަށެވެ. މިދަތުރުގައި 270 މީހުން ފަރީ ހައްޖު އެންޑް އުމްރާ ގްރޫޕްގެ ހަވާލުގައި އުމްރާއަށް ގޮސްފައިވެއެވެ.
ފަރީ ހައްޖު އުމްރާ ގްރޫޕް ނުވަތަ އެކުވެރި ނަމުންނަމަ ފަރީ މިސްގެ ގްރޫޕްއަކީ ދިވެހިންގެ އިތުބާރާއި ޔަގީންކަން ހޯދާފައިވާ އުމްރާ ގްރޫޕެކެވެ.
އެ ގްރޫޕްގެ އޮފިޝަލަކު ވިދާޅުވީ މި އުމްރާ ދަތުރުގެ އެންމެހާ ކަންކަން ފަސޭހަ، އަދި ރައްކާތެރިގޮތަކަށް އިންތިޒާމްކުރުމަށް ވަރަށް ބޮޑު އިސްކަމެއް ދެއްވާފައި ވާކަމަށެވެ.
އެގޮތުން އުމްރާވެރިން ތިބުމުގެ އިންތިޒާމް ހަރަމާއިކައިރިން ވަނީ ހަމަޖައްސާފައެވެ. އަދި ދިވެހި ޝެފުންގެ ރަހަތަށްވެސް މިދަތުގައި އުމްރާވެރިންނަށް ލިބޭނެކަމަށް ވިދާޅުވިއެވެ. ދަތުރަށް ފުރުމުގެ ކުރިން ޢުމްރާ ދަތުރާއި ގުޅޭގޮތުން ތަފާތު ޓްރެއިނިންތަށް ކުރިއަށްގެންގޮސް، ދަތުރާއި ގުޅޭ ހުރިހާ މައޫލޫމާތެއް ޢުމްރާ ވެރިންނަށް ވަނީ ވަރަށް ފުރިހަމައަށް ފޯރުކޮށްދެއްވާފައެވެ. ހަމައެއާއެކު ޢުމްރާވެރިންނަށް އެހީތެރިވުމަށް ހާއްސަ ޓީމެއް އެކުލަވާލެވި އެބޭފުޅުންނަށްވެސް ވަނީ ތަމްރީނު ދެވިފައެވެ. އަދި މިދަތުރުގެ އެންމެހައި ކަންކަން އޮމާންކޮށް ދާނެކަމަށް އުންމީދުކުރައްވާ ކަމަށްވެސް އޭނާ ވިދާޅުވިއެވެ.
މިދަތުރުގައި ހުރިހާ ޢުމްރާވެރިންނަށްވެސް 4 އުމްރާ ކުރުމުގެ ފުރުސަތު ހޯދާދެއްވާނެކަމަށް ވިދާޅުވިއެވެ. އަދި މައްކާގެ މުހިންމު ތަންތަނުގެ ތެރޭގައި އަރަފާތުބިން، މިނާގެ ފޭލިގެތައް، 3 ޖަމްރާ އަދި އެކި ފަރުތުބަދަތަކާއި މިސްކިތްތައް ދައްކާލުމަށް ވަނީ ހަމަޖެހިފައެވެ. މަދީނާގެ ދަތުރުގައި އުހުދު ހަނގުރާމަ ހިނގާފައިވާ މައިދާނަށާއި އެ ހަނގުރާމާގައި ޝަހީދުވި ބޭކަލުންގެ މަޤްބަރާއަށް ޒިޔާރަތް ކުރުމަށް ވަނީ ހަމަޖެހިފައެވެ. ހަމައެއާއެކު ގުބާމިސްކިތައް ޒިޔާއަތްކޮށް އެތަނުގައި ނަމާދުކުރުމުގެ ފުރުސަތުވެސް އުމްރާވެރިންނަށް ފަހިކޮށްދެއްވާނެ ކަމުގައި ފަރީމިސް ވަނީ ވިދާޅުވެފައެވެ. އެންމެ މުހިންމު ކަމެއްގެ ގޮތުން މަދީނާގެ ރައުޟާއަށް ވަނުމުގެ އިންތިޒާމްތަށް ހަމަޖައްސައިދެއްވާނެކަމުގައި ވަނީ ވިދާޅުވިއެވެ. މިދަތުރުތަކުގެ އިތުރުން ތާއިފްއަށްވެސް ދިއުމަށް ވަނީ ހަމަޖެހިފައެވެ. ފަރީމިސް ވިދާޅުވީ ހިރާފަރުބައަށް އަރަން ބޭނުން ފަރާތަކަށް އެފުރުސަތުވެސް ފަހިކޮށްދެއްވާނެ ކަމަށެވެ.
ފަރީމިސް ވިދާޅުވީ ފަރީ ހައްޖު އެންޑް އުމްރާ ހަވާލުގައި ޑިސެމްބަރމަހު އުމްރާއަށް ދިޔަ އުމްރާވެރިން އެނބުރި މާލެއަންނާނީ 6ޖެނުއަރީ 2025 ވަނަދުވަހު ޑައިރެކްޓް ފްލައިޓްގައެވެ.
2025 ވަނަ އަހަރުގެ ޢުމްރާ ދަތުރުތަކުގެ އަގަކީ 28،990 ރުފިޔާއެވެ. ރަމަޟާން 30 ދުވަސް 6 ރޯދައާއެކު އަގަކީ 44،500.00 ރުފިޔާއެވެ. އަދި ރަމަޟާން 22 ދުވަސް 6 ރޯދާއާއެކު 42500.00 ރުފިޔާއެވެ. މިހާރުވެސް ރަޖިސްޓްރީވުމުގެ ފުރުސަތު ހުޅުވާލާފައިވާ ކަމަށާއި ބަހާލައިގެން ފަސޭހަކަމާއެކު ފައިސާ ދައްކާލެވޭނެ ކަމަށް ފަރީ ގްރޫޕުން ބުނެފައިވެއެވެ. އަދި ދަތުރުތަކުގައި ރަޖިސްޓްރީވުމަށް ދުނިޔޭގެ ކޮންމެތާކު ހުރެގެންވެސް ފަސޭހަކަމާއެކު ބައިވެރި ވެވޭނެއެވެ. އެގޮތުންގޫގޫލް ފޯމް ފުރާލައިގެން ރަޖިސްޓްރީ ވެވޭނެއެވެ. މި ފޯމްފޭސްބުކް ޕޭޖްއިން އަދި 9110909 އަށް ގުޅާލައިގެންވެސް ލިބޭނެއެވެ.
