މޭންގޯ ބްރޭންޑްގެ ބާނީ އިސާކް އެންޑިކް ފަރުބަދައެއްގެ މަތީގައި ދިމާވި ހާދިސާ އެއްގައި ވެއްޓި މަރުވެއްޖެއެވެ.

71 އަހަރުގެ އެ ވިޔަފާރިވެރިޔާ މަރުވީ ބާސެލޯނާ އާ މާ ދުރުނޫން ހިސާބެއްގައި ޢާއިލާގެ މެމްބަރުންނާއެކު ފަރުބަދަ އަކަށް އަރާ އުޅުމުގެ ތެރޭގައި ވެއްޓިގެން ކަމަށް ސްޕެއިންގެ ފުލުހުން ވަނީ ބުނެފައެވެ.

އެންޑިކް މަރުވިއިރު ދުނިޔޭގެ އެކި ކަންކޮޅުތަކުގައި 2،800 އާ ގާތްކުރާ އަދަދަކަށް ސްޕެއިންގެ މެންގޯ ބްރޭންޑްގެ ހެދުން ވިއްކާ ފިހާރަތައް ދިޔައީ ހިންގަމުންނެވެ.

ހޮނިހިރު ދުވަހު ހިނގި ވި ނުރައްކާތެރި ހާދިސާ ގައި އޭނާ ވެއްޓުނީ 100 މީޓަރު (328 ފޫޓު) ށް ވުރެ އުސް ފަރުބަދައަކުން ކަމަށް ފުލުހުންގެ ތަރުޖަމާނެއް ބުނެފައިވެއެވެ.

ތުރުކީގެ އިސްތަންބޫލުގައި އުފަންވި އެންޑިކް، އޭނާގެ ޢާއިލާއާއެކު 1960 ގެ އަހަރުތަކުގައި ސްޕެއިންގެ އިރު އުތުރުގައި އޮންނަ ކެޓަލޯނިއާ ސަރަޙައްދަށް ދިރިއުޅުން ބަދަލު ކޮށް، 1984 ގައި މޭންގޯ ބްރޭންޑް އުފެއްދިއެވެ.

ފޯބްސްގެ މަޢުލޫމާތު ދައްކާގޮތުން އޭނާގެ މިލްކިއްޔާތުގެ އަގަކީ 4.5 ބިލިއަން ޑޮލަރެވެ.