ހައުސިންގ މިނިސްޓްރީގެ އިމާރާތުގައި ރޯވި އަލިފާންގަނޑު ކޮންޓްރޯލު ކުރަން 6 ގަޑިއިރާއި 15 މިނެޓް ހޭދަވި ކަމަށް އެމްއެންޑީއެފް ގެ ޗީފް އޮފް ޑިފެންސް ފޯސް މޭޖަރ ޖެނެރަލް އިބްރާހިމް ހިލްމީ ވިދާޅުވެއްޖެއެވެ.

އަލިފާނުގެ ހާދިސާ އާ ބެހޭ މައުލޫމާތު ނޫސްވެރިންނަށް ދެއްވަމުން ހޮނިހިރު ދުވަހު ހިލްމީ ވިދާޅުވީ އަލިފާނުގެ ހާދިސާގެ މައުލޫމާތު ލިބުނީ 6:27 ގައި ކަމަށާއި ވަގުތުން ރެސްޕޮންޑް ކުރި ކަމަށެވެ.

ހިލްމީ އިތުރަށް ވިދާޅުވީ، 6:30 ގައި ހާދިސާ ހިނގި ސަރަހައްދަށް ގޮސް، އަލިފާން ނިވާ ފުރަތަމަ ޓީމުގެ މަސައްކަތް ފެށި ކަމަށެވެ.

"ދެ ޓީމަކަށް ބެހިގެން އިމާރާތުގެ ތެރެއަށް ވަދެ އަލިފާން ރޯވެފައިވާ ތަންތަން ދެނެގަތުމުގެ މަސައްކަތް ފެށީ؛" ހިލްމީ ވިދާޅުވިއެވެ.

އެ ވަގުތުވެސް އިމާރާތުގެ ތެރޭގައި ވަރަށް ބޮޑަށް ދުން އަރަމުން ދިޔަ ކަމަށާއި އެހެން ނަމަވެސް އަލިފާނުގެ އެއްވެސް ނިޝާނެއް ފެންނަން ނެތް ކަމަށް ވެސް ހިލްމީ ވިދާޅުވިއެވެ.

ހިލްމީ އިތުރަށް ވިދާޅުވި ގޮތުގައި ތާމަލް ކެމެރާ އެއްގެ އެހީގައި އަލިފާން ހިފާފައި ހުރިތަންތަން ދެނެގަތުމަށް ފަހު އިމާރާތުގެ އެތެރޭގައި އަލިފާން ނިއްވުމުގެ މަސައްކަތް ކުރަމުން ދަނިކޮށް އިމާރާތުގެ އެކި ތަންތަނުން ހުޅުފަޅައިގެން ގޮސް އަލިފާން ފެތުރެން ފެށީ ކަމަށެވެ.

"އެހެންވެ އަލިފާން ނިއްވާ ޓީމުތައް އެތެރޭގައި ތިބުމަކީ އެންމެ ރައްކައުތެރި ކަމަކަށް ނުވާތީ ޓީމުތައް ބޭރަށް ނުކުތީ."

މީގެ އެންމެ މުހިންމު ކަމެއްގެ ގޮތުގައި ބެލީ އެއްވެސް މީހެއްގެ ފުރާނަ އަށް ގެއްލުމެއް ނުލިބޭނެ ގޮތެއް ހެދުން ކަމަށާއި އަދި މި އަލިފާން ފެތުރުނަ ނުދީ ކައިރީގައި ހުރި އެއްވެސް އިމާރާތެއްގައި އަލިފާން ރޯވުމުގެ ފުރުސަތު ނުދިނުން ކަމުގައި

"އެ ކޮށީގެ ތެރޭގައި ސްޕްރެޑް ވި ކަމުގައި ވީ ނަމަވެސް މަގުހުރަސް ކޮށް އެއްވެސް އިމާރާތަކަށް ގޮސް އަލިފާނުގެ ހާދިސާ އިތުރަށް ފުޅާވެގެން ދާން ފުރުސަތު ނުދީ އަލިފާން ކޮންޓްރޯލް ކުރެވުނު

ހިލްމީ ވިދާޅުވީ، އަލިފާން ކޮންޓްރޯލު ކުރެވުނީ 12:45 ގައި ކަމަށެވެ.

"އެއްކޮށް ކޮންޓްރޯލު ކުރެވުނީ ހަވީރު" ކަމަށް ވެސް ހިލްމީ ވިދާޅުވިއެވެ.