2025 ވަނަ އަހަރުގެ ބަޖެޓުގައި ހިމަނަންޖެހޭ ހުރިހާ ތަފްސީލެއް ވަނީ ހިމަނާފައި: މިނިސްޓަރު ޒަމީރު
3 ޑިސެމްބަރު 2024 | އަންގާރަ 07:58ބަޖެޓު ހުށަހެޅީ ގާނޫނު އަސާސީއާއި، މާލިއްޔަތު ގާނޫނާ އަދިވެސް ހެދިފައި ހުރި ގާނޫނުތަކާ އެއްގޮތަށް
ފިނޭންސް މިނިސްޓަރު މޫސާ ޒަމީރު މަޖިލީހަށް ބަޖެޓް ހުށަހަޅުއްވަނީ
2025 ވަނަ އަހަރުގެ ބަޖެޓުގައި ހިމަނަންޖެހޭ ހުރިހާ ތަފްސީލެއް ހިމަނާފައިވާ ކަމަށް ފިނޭންސް މިނިސްޓަރު މޫސާ ޒަމީރު ވިދާޅުވެއްޖެއެވެ.
އަންގާރަ ދުވަހުގެ ރައްޔިތުން މަޖިލީހުގެ ޖަލްސާގައި މަރަދޫ ދާއިރާގެ މެންބަރު އަހުމަދު ދީދީ ވަނީ އަމާ ބުނީތީ ފަރަށްދާ އުސޫލުން ހުށަހަޅާފައިވާ ބަޖެޓުގައި އެއްވެސް ތަފްސީލެއް ނެތްކަން ހާމަކުރައްވާފައެވެ. އަދި މަރަދޫ ދާއިރާގެ ރައްޔިތުންނަށް ބަޖެޓުން ހޭދަވާ މިންވަރު އެނގެން ނެތީ ކީއްވެގެންތޯ ސުވާލު ކުރައްވާފައެވެ.
މިސުވާލުތަކަށް ޖަވާބު ދެއްވަމުން މިނިސްޓަރު ޒަމީރު ވިދާޅުވީ ބަޖެޓު ހުށަހެޅީ ގާނޫނު އަސާސީއާއި، މާލިއްޔަތު ގާނޫނާ އަދިވެސް ހެދިފައި ހުރި ގާނޫނުތަކާ އެއްގޮތަށް ކަމަށާއި، އެ ބަޖެޓު މަޖިލިިސް މެންބަރުން ފާސްކޮށްދެއްވީތީ ޝުކުރު އަދާކުރާ ކަމަށެވެ. އަދި ވިދާޅުވީ ބަޖެޓުގައި ހިމަނަންޖެހޭ ހުރިހާ ތަފްސީލެއް ހިމަނާފައިވާ ކަމަށެވެ.
ރާއްޖޭގެ ރަށްތަކުގައި ހިންގާ މަޝްރޫއުތަކާއި ގުޅޭގޮތުން ބަޖެޓު ކޮމެޓީއަށް މައުލޫމާތުދީފައިވާކަން ފާހަގަކުރައްވައި މިނިސްޓަރު ޒަމީރު ވިދާޅުވީ ޕްރޮޖެކްޓެއް ނުހިނގާ ރަށެއް ނޯންނާނެ ކަމަށާއި، ރަށްތަކުގައި ޕްރޮޖެކްޓްތައް ކުރިއަށްދާނެ ކަމަށެވެ.
މިނިސްޓަރު ޒަމީރު ވިދާޅުވީ މަރަދޫގައި ވެސް ޕްރޮޖެކްޓްތައް ކުރިއަށްދާނެ ކަަމަށާއި، ބަޖެޓުން ހަރަދު ކުރާނެ ކަމަށެވެ. އަދި ބަޖެޓުން ހަރަދު ކުރާނީ ހަމައެކަނި ޕީއައިއެސްޕީ ޕްރޮޖެކްޓްތަކަށް އެކަނި ނޫން ކަމަށް މިނިސްޓަރު ޒަމީރު ވިދާޅުވިއެވެ.
