ކައިވެނީގެ ހަފްލާ އަކަށް މުއިއްޒުގެ ދެކަނބަލުން އިނގިރޭސިވިލާތައް
ރައީސް އޮފީހުން ބުނެފައިވަނީ ދަތުރުފުޅުގެ ހުރިހާ ޚަރަދެއް ކުރައްވާނީ ރައީސް އަމިއްލަފުޅަށް ކަމަށް
ރައީސް މުއިއްޒުގެ ދެކަނބަލުން
ނުރަސްމީ ދަތުރުފުޅެއްގައި ރައީސުލްޖުމްހޫރިއްޔާ މުޙައްމަދު މުޢިއްޒާއި އެމަނިކުފާނުގެ އަނބިކަނބަލުން ސާޖިދާ މުޙައްމަދު، ބުދަ ދުވަހުގެ ރޭ އިނގިރޭސިވިލާތަށް ފުރާވަޑައިގެންފިއެވެ.
ރައީސް އޮފީހުން މި ދަތުރުފުޅާ ބެހޭ އިތުރު ތަފްސީލު ހާމަކޮށްފައި ނުވި ނަމަވެސް، އިތުބާރު ހުރި މަސްދަރަކުން މައުލޫމާތު ލިބިފައިވާ ގޮތުގައި މުއިއްޒުގެ މި ދަތުރުފުޅަކީ އިނގިރޭސިވިލާތުގެ މެންޗެސްޓަރ ގައި ދިރިއުޅޭ ދިވެހި އާއިލާ އެއްގެ ކައިވެނީގެ ހަފްްލާއެއްގައި ބައިވެރިވެވަޑައިގަތުމަށް ކުރައްވާ ދަތުރުފުޅެކެވެ.
ރައީސް އޮފީހުން ބުނެފައިވަނީ މި ދަތުރުފުޅުގައި، ރައީސުލްޖުމްހޫރިއްޔާ ކުރައްވާ އިދާރީ މަސައްކަތްޕުޅުތަކުގެ ޚަރަދާއި، ޢާއިލާއާއި އަމިއްލަފުޅު ކަންކަންވެސް ހިމެނޭގޮތުން، މުޅި ދަތުރުފުޅުގެ ހުރިހާ ޚަރަދެއްވެސް ކުރައްވާނީ ރައީސުލްޖުމްހޫރިއްޔާ އަމިއްލަފުޅަށް ކަމަށެވެ.
މުއިއްޒުގެ ވެރިކަަމަށް އެއް އަހަރު ފުރުނު އިރު ގިނަ އަދަދެއްގެ ދަތުރުފުޅުތައް ރާއްޖެއިން ބޭރަށް ކުރައްވާފައިވާކަން ފާހަގަ ކުރެވެއެވެ.
