ދިވެހިންނަށް ކިޔަވައިދޭން ކުރަން ޖެހޭ ޚަރަދު ބޮޑުވެގެން އެމްއެމްއޭގެ ގަވަރުނަރު ކަންބޮޑުވުން ފާޅު ކުރައްވައިފި
މިކަމުގެ ސަބަބުން ޤައުމުގެ ބޭރު ފައިސާގެ ރިޒާވަށް ބޮޑު ބުރައެއް އުފުލަން ޖެހިފައިވާ ކަމަށް ގަވަރުނަރު ވިދާޅުވި
އެމްއެމްއޭގެ ގަވަރުނަރަކަށް މުނައްވަރު ރައީސުލްޖުމްހޫރިއްޔާ އައްޔަނުކް ކުރައްވާ ފަތްކޮޅު ދެއްވަނީ
ދިވެހިންނަށް މަތީ ތައުލީމު ހޯދައިދިނުމަށް ސަރުކާރުން ދޭ ލޯނު ޚަރަދުތައް ބޮޑުތަނުން އިތުރުވެފައިވާތީ މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ގަވަރުނަރު އަހްމަދު މުނައްވަރު ކަންބޮޑުވުން ފާޅުކުރައްވައިފިއެވެ.
2025 ވަނަ އަހަރުގެ ދައުލަތުގެ ބަޖެޓާ ބެހޭ ގޮތުން ރައްޔިތުންގެ މަޖިލީހުގެ ބަޖެޓު ކޮމިޓީގައި ވާހަކަދައްކަވަމުން، ގަވަރުނަރު ފާހަގަކުރެއްވި ގޮތުގައި ދަރިވަރުންނަށް ސްޓޫޑެންޓު ލޯނުގައި ގޮތުގައި ކުރާ ޚަރަދުތައް 16 މިލިއަން އެމެރިކާ ޑޮލަރުން 52 މިލިއަން އެމެރިކާ ޑޮލަރަށް އިތުރުވެފައިވާ ކަމަށެވެ.
އޭނާ ވިދާޅުވީ، މިކަމުގެ ސަބަބުން ޤައުމުގެ ބޭރު ފައިސާގެ ރިޒާވަށް ބޮޑު ބުރައެއް އުފުލަން ޖެހިފައިވާ ކަމަށެވެ. މުނައްވަރު ވިދާޅުވީ، ރިޒާވް އިތުރަށް ދަށްވިޔަ ނުދިނުމަށްޓަކައި މި މާލީ ބުރަ ކުޑަކުރުމަށް އަވަސް ފިޔަވަޅުތަކެއް އަޅަން ޖެހޭ ކަމަށެވެ.
