ހިޔާވަހި ފައިނޭންސިންގ ލޯނަށް އެދި ހުށަހެޅުމުގެ ފުރުސަތު ހުޅުވާލައިފި
ފުރަތަމަ ބުރުގައި އެޕްލިކޭޝަން ހުށަހަޅަންދެނީ 6 މަސް ދުވަހުގެ މުއްދަތެއް
ހުޅުމާލޭގައި ކުރިއަށްދާ ހައުސިންގ މަޝްއޫރުގެ ތެރެއިން އިމާރާތްކުރާ ފުލެޓެއްގެ މަސައްކަތް ކުރިއަށްދަނީ
ހިޔާވަހި ފައިނޭންސިންގެ ދަށުން ލޯނަށް އެދި ހުށަހެޅުމުގެ ފުރުސަތު ހުޅުވާލައިފިއެވެ.
މިއީ ގެދޮރު އަލަށް އިމާރާތްކުރުމާއިި މަރާމާތުކުރުމާއި އަދި ހަދަން ފަށައި ނުނިމި ހުރި މަސައްކަތްތައް ކުރަން ކުޑަ އިންޓްރެސްޓް ރޭޓެއްގައި ލޯނު ދޫކުރުމަށް ސަރުކާރުން ފެށި މަސައްކަތެކެވެ. މި ސްކީމުގެ ދަށުން ލޯނަށް އެދި ހުށަހެޅުމުގެ ފުރުސަތު ހުޅުވާލީ ހުކުރު ދުވަހުއެވެ. އަދި މި ލޯނަށް އެދޭ ފަރާތްތަކުން ފޯމް ހުށަހަޅަންޖެހޭނީ ހިޔާވަހި ޕޯޓަލް މެދުވެރިކޮށެވެ.
ފުރަތަމަ ބުރުގައި އެޕްލިކޭޝަން ހުށަހަޅަންދެނީ 6 މަސް ދުވަހުގެ މުއްދަތެކެވެ. އަދި މި މުއްދަތު ހަމަވާނީ އަންނަ އަހަރުގެ އެޕްރީމް މަހުގެ 8 ވަނަ ދުވަހުއެވެ.
މި ސްކީމުގައި ހިމެނެނީ 3 ބައެކެވެ. އެއީ "ރަށްވެހި ފައިނޭންސިންގ ސްކީމް"ގެ ދަށުން 1 މިލިއަން ރުފިޔާ ލިބޭ ސްކީމަކާއި، "ސަހަރު ފައިނޭންސިންގ ސްކީމް" އަށް އެދި ހުށައަޅާ ފަރާތްތަކަށް 3 މިލިއަން ރުފިޔާ އަދި "ފަހިމާލެ ފައިނޭންސިންގ ސްކީމް"އަށް 6 މިލިއަން ރުފިޔާއާހަމައަށް ލޯނު ލިބޭނެއެވެ.
މީގެ އިތުރުން ގޭގެ ބެހެނިވެރިންނާއެކު އެކުވެގެން ހަ މިލިޔަން ރުފިޔާއިން ފެށިގެން 10 މިލިޔަން ރުފިޔާގެ ފައިނޭންސަށް އެދެވޭގޮތަށް އުސޫލު ވަނީ އެކުލަވާލާފައެވެ.
