ފަލަސްތީނުގެ ޒައިތޫނި ދަނޑުވެރިންނަށް ހަތިޔާރު އެޅި ޔަހޫދީން ފުރައްސާރަ ކޮށް ހަމަލާދެމުން ދާ ކަމަށް ރިޕޯޓުތައް ބުނެއެވެ.
ފަލަސްތީނުން ހިފާފައިވާ ބިންތަކަށް ގަދަކަމުން ވަޒަންވެރިގެން އުޅޭ، ހައްދު ފަހަނަ އެޅި ޔަހޫދީން، ހަތިޔާރާ އެކު ގޮސް ފަލަސްތީނުގެ ޒައިތޫނި ބިންނަ މީހުންނަށް ހަޑިހުތުރު ބަހުން މުޚާޠަބުކޮށް, ބިރުދައްކައި، ޙަމަލާދީ، އެމީހުންގެ ބިންތަކުން ނެރެން މަސައްކަތްކޮށް އަދި ޒައިތޫނި ބިނުމަށް ހުރަސް އަޅަމުންދާ ކަމަށް ވަފާ ނިއުސް އެޖޭންސީން ވަނީ ރިޕޯޓު ކޮށްފައެވެ.
ޔަހޫދީންގެ ފުރައްސާރަ ތަޖުރިބާކުރި ފަރާތްތަކާ ހަވާލާދީ ވަފާ އިން ބުނެފައިވަނީ ވޭތުވެދިޔަ ހަފްތާގައި، ޔަހޫދީ ހައްދު ފަހަނަ އެޅި މީހުން ވަނީ ފަލަސްތީނު މީހުން ބިނދެ ގޯނިތަކަށް އަޅާފައިވާ ޒައިތޫނި ވަގަށްވެސް ނަގާފައެވެ.
އޭގެ އިތުރުން ފަލަސްތީނު ދަނޑުވެރިން ގެންގުޅޭ އާލާތްތައް ވަގަށް ނެގުމާއި، ބަރު ޖަނަވާރުތައް ގަސްތަކުގެ މެދުގައި ގަސްތަކަށް ގެއްލުންދީ ދަނޑުވެރިންގެ ބިންތަކަށް ދިއުމަށްވެސް ޔަހޫދީން ވަނީ ހުރަސް އަޅާފައި ކަމުގައެވެ.
ފަލަސްތީނުގެ ދަނޑުވެރިން ބުނާ ގޮތުގައި ޒައިތޫނި ބިންނަން އުޅޭ ފަލަސްތީނު މީހުންނަށާއި ދަނޑުބިންތަކަށް ކޮންމެ ދުވަހަކު ކަހަލަ ގޮތައް ގެންދަނީ ހައްދުފަހަނަ އެޅި ޔަހޫދީން ހަމަލާ ދެމުންނެވެ. އަދި ދަނޑުބިންތަކުން ފަލަސްތީނު މީހުން ނެރެ ފޮނުވާލުމަށް ގެންދަނީ މަސައްކަތް ކުރަމުންނެވެ.
ހިނގަމުން މިދަނީ އަހަރުގެ ތެރޭގައި ފަލަސްތީނު ރައްޔިތުން ފާހަގަ ކުރާ ޒައިތޫނި މޫސުމެވެ. ޒައިތޫނި ބިނުމުގެ މަސައްކަތައް ހުރަސްއަޅާ ދަނޑުބިންތައް ހަލާކުކޮށް، ގަސްތަކަށް ގެއްލުންދިނުމުގެ ސަބަބުން ނުހައްގު އެތައް ތަކުލީފެއް ފަލަސްތީނު ރައްޔިތުން މިކަމުގެ ސަބަބުންވެސް ތަޖުރިބާ ކުރަން ޖެހިފައިވާ ކަމަށް ފަލަސްތީނުގެ ދަނޑުވެރިން ބުނެއެވެ.
