ޚިދުމަތްތައް ފުޅާކޮށް، ޤުބާ ހައްޖު އެންޑް އުމްރާގެ އައު އޮފީސް ހުޅުވައިފި
މަސައްކަތް ކުރަމުންދަނީ ރައްޔިތުންނަށް ރަނގަޅު ޚިދުމަތްތަކެއް ފޯރުކޮށްދިނުމަށް
ޤުބާ ހައްޖު އެންޑް އުމްރާގެ އައު އޮފީސް ޑރ. އަހުމަދު ޝަރީފު ހުޅުއްވައިދެއްވަނީ
ޚިދުމަތްތައް ފުޅާކޮށް، ޤުބާ ހައްޖު އެންޑް އުމްރާ ޖަމާއަތުގެ އައު އޮފީސް ހުޅުވައިފިއެވެ.
ހޮނިހިރު ދުވަހު ބޭއްވި ރަސްމިއްޔާތެއްގައި މި އޮފީސް ހުޅުއްވައިދެއްވީ ޑރ. އަހުމަދު ޝަރީފު އެވެ.
ޤުބާ ހައްޖު އެންޑް އުމްރާގެ ޚިދުމަތްތަކާއި ގުޅޭގޮތުން ކޮންޕެނީ ސެކްރެޓަރީ އަލީ ނަޖީބު ވިދާޅުވީ ޤުބާ ހައްޖު އެންޑް އުމްރާ ގުރޫޕުން މަސައްކަތް ކުރަމުންދަނީ ރައްޔިތުންނަށް ރަނގަޅު ޚިދުމަތްތަކެއް ފޯރުކޮށްދިނުމަށް ކަމަށެވެ. އަދި ކުރިއަށް އޮތްތަނުގައި ކާމިޔާބު ގުރޫޕަކަށް ހެދުމަށް ގިނަ މަސައްކަތް ކުރަމުންދާ ކަމަށް އޭނާ ވިދާޅުވިއެވެ.
ނަޖީބު ވިދާޅުވީ މި ގުރޫޕްގެ ފަރާތުން އެންމެ ފުރަތަމަ އުމްރާވެރިން ގޮވައިގެން އުމްރާއަށް އަންނަ ޑިސެންބަރު ދާނެ ކަމަށާއި، ޑިސެންބަރު މަހުގެ ޖާގަ ފުލްވެފައިވާ ކަމަށެވެ. ނަމަވަސް އަންނަ ރަމަޟާން މަހުގެ އުމްރާ ދަތުރަށް މިހާރު މީހުން ނަން ނޯޓު ކުރަމުންދާ ކަމަށާއި، އެކަށީގެންވާ ތަރުހީބެއް ލިބޭ ކަމަށް އޭނާ ވިދާޅުވިއެވެ.
ޚިދުމަތްތައް ފުޅާކުރަމުންދާކަން ފާހަގަކުރައްވައި ނަޖީބު ވިދާޅުވީ ޤުބާ ހައްޖު އެންޑް އުމްރާ ޖަމާއަތުގެ ފަރާތުން އަންނަ ޑިސެންބަރުން ފެށިގެން ''ޤުބާ ޓްރެވަލް އެންޑް ޓްވަރސް''ގެ ފަރާތުން ޕެކޭޖްތަކެއް ތައާރަފްކޮށް، ގައުމުތަކަށް ދަތުރުތަކެއް ރާވާފައިވާ ކަމަށެވެ.
މީގެ އިތުރުން ނަޖީބު ވިދާޅުވީ އެއްވެސް ގުރޫޕަކާއި ބައިވެރިނުވެ އަމިއްލައަށް އުމްރާއަށް ދާން ބޭނުންވާ މީހުންގެ ވިސާއާއި، މައްކާ މަދީނާގެ ތަފާތު ގިންތީ ހޮޓާ ހަރަމާއި، ކައިރިންނާއި، ދުރުންވިޔަސް ހަމަޖައްސައިދޭނެ ކަމަށެވެ. އަދި އުމްރާ ގުރޫޕްތަކަށް ދިވެހި ރަހަތަކާއެކު މައްކާގައި ކޭޓަރިން ހަމަޖައްސައިދޭނެ ކަމަށް އޭނާ ވިދާޅުވިއެވެ.
ޤުބާ ހައްޖު އެންޑް އުމްރާ ޖަމާއަތުގެ އައު އޮފީސް ހުޅުވާފާއިރު، މި އޮފީހުން ޚިދުމަތް ލިބޭނީ ހަފްތާ ބަންދު ނޫން ކޮންމެ ދުވަހެއްގެ ރޭގަނޑު 8:30ން 10:30ށެވެ.
