އިންޑިއާގެ ބީޖޭޕީ އާއި ޕީއެންސީ ގުޅުން ބަދަހި ކުރަނީ
7 އޮކްޓޯބަރު 2024 | ހޯމަ 17:40ބީޖޭޕީ ގެ ރައީސް އާއި ރައީސް ޑރ. މުއިއްޒު ބައްދަލު ކުރެއްވީ ހޯމަ ދުވަހު ނިއުދިއްލީގައި
އިންޑިއާގެ ބީޖޭޕީގެ ރައީސް ޖޭޕީ ނައްދާ އާއި ރައީސް މުއިއްޒު ބައްދަލު ކުރައްވަނީ
އިންޑިޔާގެ ވެރިކަން ކުރާ ބާރަތިޔާ ޖަނަތާ ޕާޓީ (ބީޖޭޕީ) އާއި ރައީސް ޑރ. މުއިއްޒުގެ ޕީޕަލްސް ނޭޝަނަލް ކޮންގްރެސް (ޕީއެންސީ) އާ ގުޅުން ބަދަހި ކުރަން މަޝްވަރާ ކޮށްފިއެވެ.
އިންޑިއާ އަށް ރައީސް މުއިއްޒު މިހާރު ކުރައްވަމުން ގެންދަވާ ރަސްމީ ދަތުރުފުޅުގައި ހޯމަ ދުވަހު މުއިއްޒު ވަނީ ބީޖޭޕީގެ ރައީސް ޖަގަތު ޕްރަކާޝް ނައްދާ އާ ބައްދަލު ކުރައްވާފައެވެ.
ހޯމަ ދުވަހުގެ ރޭ ބީޖޭޕީން އެކްސްގައި ކޮށްފައިވާ ޕޯސްޓެއްގައި ނިއު ދިއްލީގައި ރާއްޖޭގެ ރައީސް ޑރ. މުޙައްމަދު މުޢިއްޒު އާ ބީޖޭޕީގެ ރައީސް ބައްދަލުކުރައްވާ ދެ ޕާޓީގެ ގުޅުން ބަދަހި ކުރުމާ ބެހޭ ގޮތުން މަޝްވަރާ ކުރެއްވި ކަމަށެވެ. އޭގެ އިތުރުން އިންޑިޔާ-ދިވެހިރާއްޖެއާ ދެމެދުގެ ގުޅުން އިތުރަށް ހަރުދަނާކުރުމަށް މަޝްވަރާ ކުރެއްވި ކަމަށްވެސް ބުނެފައިވެއެވެ.
