ބަރަހަނާ މަންޒަރު ދައްކުވައިދޭ ޓެލެގްރާމް ޗެނަލްތައް ހިންގަން ފޮޓޯ ވީޑިއޯ ހޯދާނެ ގޮތްތަކާއި މާލީ މަންފާ ހޯދާނެ ގޮތްތައް ކިޔައިދީ އިތުރު މީހުން ރެކްރޫޓްކުރުމަށް މި މައްސަލައިގައި ހިމެނޭ ޒުބައިރު އަލީ މަސައްކަތްކޮށްފައިވާ ކަމަށް ފުލުހުން ބުނެފިއެވެވ.
ޓެލެގްރާމުގައި ގިނައަދަދެއްގެ ޗެނަލް ކްރިއޭޓްކޮށް ރާއްޖެއާއި ރާއްޖެއިން ބޭރުގެ އެކި މީހުންގެ ބަރަހަނާ މަންޒަރު ދައްކުވައިދޭ ފޮޓޯއާއި ވީޑިއޯ، އެ ޗެނަލްތައް މެދުވެރިކޮށް ޕޯސްޓުކޮށް ވިޔަފާރީގެ އުސޫލުން މާލީ މަންފާ ހޯދަމުންދިޔަ މައްސަލައާއި ގުޅޭގޮތުން ބޭއްވި ނޫސްވެރިންގެ ބައްދަލުވުމުގައި ޗީފް އިނިސްޕެކްޓަރ އޮފް ޕޮލިސް މުހައްމަދު ފަޔާޒް އިސްމާއިލް ވިދާޅުވީ މި މައްސަލައިގައި ހިމެނޭ 3 ފަރާތުގެ އަތުން 14 ޑިޖިޓަލް އިލެކްޓްރޯނިކް ޑިވަސްއެއް ފުލުހުންގެ ބެލުމުގެ ދަށަށް ގެނެވިފައިވާ ކަމަށެވެ. އަދި މައްސަލައާއި ގުޅުންހުރި 9 ޓެލެގްރާމް އެކައުންޓެއް ފުލުހުންގެ ބެލުމުގެ ދަށަށް ގެނެސްފައިވާއިރު، ޖުމްލަ 571 ޓެލެގްރާމް ޗެނަލަކާއި 27 ގޫގަލް އެކައުންޓަކާއި، 26 ފޭސްބުކް އެކައުންޓް، ވަޓްސްއެޕް 3 އެކައުންޓާއި ވައިބަރ 3 އެކައުންޓް ގެނެވިފައިވާ ކަމަށެވެ. ފަޔަޒް ވިދާޅުވީ ކްލައުޑް ސްޓޯރޭޖްތަކަށް ނިސްބަތްވާ 30 އެކައުންޓެއް ވެސް ފުލުހުންގެ ބެލުމުގެ ދަށަށް ގެނވިފައިވާ ކަމަށެވެ.
މި ތަކެތި ތަހުލީލުކުރުމަށް ސައިބަރ ކްރައިން ސެންޓަރުން 640 ގަޑި އިރު ހޭދަކޮށްފައިވާ ކަމަށާއި، 571 ޗެނަލްގެ ތެރެއިން 43 ޗެނަލް ހާއްސަކޮށްފައިވަނީ 18 އަހަރުން ދަށުގެ ކުޑަކުދިންގެ ޗައިލްޑް އެބިއުސް މެޓީރިއަލްސް ޕޯސްޓްކުރުމަށް ކަމަށް ފަޔާޒް ވިދާޅުވިއެވެ.
އަދި ކުޑަކުދިންގެ ނަމުގައި ވަކިވަކި ޗެނަލްތައް ހަދައި، ބައެއް ކުދިންގެ ވަނަވަރު ވެސް ބައެއް ޕޯސްޓްތަކުގައި ހުރިކަމަށް ފަޔާޒް ވިދާޅުވިއެވެ.
މި ޗެނަލްތަކުގައި ބަރަހަނާ މަންޒަރު ދައްކުވައިދޭ 24.1651 ފޮޓޯއާއި، 86،6618 ވީޑިއޯ ޕޯސްޓްކޮށްފައިވޭ. ރާއްޖެއާއި ރާއްޖެއިން ބޭރުގެ ކުޑަކުދިން ހިމެނޭހެން، ކުޑަކުދިންގެ ކަރާމާތަށް އުނިކަން އަންނަ ފަދަ ގިނަ އަދަދެއްގެ ޗައިލްޑް ސެކްޝުއަލް އެބިއުސިންގ މެޓީރިއަލް ޕޯސްޓްކޮށްފައިވާކަން ތަހުލީލުތަކަށް ހޯދިފައިވޭ.ޗީފް އިނިސްޕެކްޓަރ އޮފް ޕޮލިސް މުހައްމަދު ފަޔާޒް އިސްމާއިލް
ފަޔާޒް ވިދާޅުވީ 571 ޓެލެގްރާމް ޗެނަލްއަށް 36،680 ފަރާތެއް ސަބްސްކްރައިބަރުންގެ ގޮތުގައި ޖޮއިންކޮށްފައިވާ ކަމަށެވެ. މީގެ އިތުރުން ހޯދުންތަކުން ފާހަގަވާ ގޮތުގައި ޒުބައިރު ދުރާލާ ރާވައިގެން ކޮށްފައިވާ ކަމެއްކަމަށް ފާހަގަކުރެވޭ ކަމަށް ފަޔާޒް ވިދާޅުވިއެވެ.
އެކި އުކުޅުތައް ބޭނުންކޮށްގެން ބަރަހަނާ މަންޒަރު ދައްކުވައިދޭ ފޮޓޯތަކާއި، ވީޑިއޯތައް އެއްކޮށްފައިވާކަން އަޅުގަނޑު މެންނަށް ވަނީ ފާހަގަކުރެވިފައި. މީގެ އިތުރުން ޒުބައިރު އަލީ ހިންގާ މި ޖަރީމާގައި ބައިވެރިކުރުވުމަށް އިތުރު ފަރާތްތައް ރެކްރޫޓްކުރުމަށް ވެސް މަސައްކަތް ކޮށްފައިވާކަން ފާހަގަކުރެވޭ. މީގެ އިތުރުން ބަރަހަނާ މަންޒަރު ދައްކުވައިދޭ ފޮޓޯއާއި ވީޑިއޯތައް ހޯދުމަށް ބޭނުންކުރާ އުކުޅުތައް ކިޔައިދީ މިތަކެތި ބޭނުންކޮށްގެން މާލީ މަންފާ ހޯދާނެ ގޮތްތައްވެސް ކިޔައިދީފައިވޭ.ޗީފް އިނިސްޕެކްޓަރ އޮފް ޕޮލިސް މުހައްމަދު ފަޔާޒް އިސްމާއިލް
ފަޔާޒް ވިދާޅުވީ އެންމެ ގިނަ ސަބްސްކްރައިބަރުން ތިބި ކޮމަން 4 ޗެނަލްއެއް ފާހަގަކުރެވުނު ކަމަށެވެ.
މި މައްސަލައާ ގުޅިގެން ހައްޔަރުކޮށްފައިވަނީ އދ. މަހިބަދޫ، ބަހާރުގެ، ޒުބައިރު ޢަލީ (45އ)، ކ. މާލެ، ދަފްތަރު ނަންބަރު ރސ14751 ނާޞިފް ޢަލީ (46އ) އަދި ކ. ކާށިދޫ، ސިލިންކޯ، އިސްމާޢީލް ޒަބީޙް (29އ)އެވެ.
ބަރަހަނާ މަންޒަރު ދައްކުވައިދޭ ފޮޓޯއާއި ވީޑިއޯ ހިމެނޭ 571 ޗެނަލް ފުލުހުންގެ ބާރުގެ ދަށަށް ގެނެސް ސީޒް ކޮށްފައިވެއެވެ. ފުލުހުން މައުލޫމާތު ދޭ ގޮތުގައި މި ޗެނަލްތަކުގައި ރާއްޖޭގެ އަންހެނުންގެ ބަރަހަނާ މަންޒަރު ދައްކުވައިދޭ 241651 ފޮޓޯއާއި 86618 ވީޑިއޯ (18 އަހަރުން ދަށުގެ ކުޑަކުދިންގެ ފޮޓޯ އާއި ވީޑިއޯ ހިމެނޭހެން) ޕޯސްޓުކޮށްފައިވާކަން ފުލުހުންގެ ތަހުގީގަށް ފާހަގަކުރެވިފައިވެއެވެ.
