އަފްޢާނިސްތާން ސީދާ ތިން ސެޓުން ބަލިކޮށް ކާވާ ވިމެންސް ވޮލީބޯޅަ ޗެލެންޖްގެ ފެށުން ރާއްޖެ ރަނގަޅުކޮށްފި އެވެ.

ޒުވާނުންގެ މަރުކަޒުގެ އިންޑޯ ހޯލުގައި ރޭ ކުޅުނު މެޗުގައި ރާއްޖެއާ ދެކޮޅަށް އަފްޢާނިސްތާނަށް ކިރިޔާ ވެސް ހިތްވަރެއް ކުރެވުނީ ފުރަތަމަ ސެޓުގަ އެވެ. ވަރަށް ހަމަހަކޮށް ފުރަތަމަ ބައި ދިޔަ މި ސެޓް ރާއްޖެ ކާމިޔާބު ކުރީ 25-19 އިންނެވެ. ދެ ވަނަ ސެޓާއި ތިން ވަނަ ސެޓުގައި ރާއްޖެ ފެނުނީ މާ ތަފާތުކޮށެވެ. ދެ ވަނަ ސެޓް 25-12 އިން އަދި ތިން ވަނަ ސެޓް ރާއްޖެ ކާމިޔާބު ކުރީ 25-11 އިންނެވެ.

މި މޮޅާއެކު މިރޭ ރާއްޖެ ނުކުންނާނީ ތަޖިކިސްތާނާ ދެކޮޅަށެވެ. އެ ގައުމު ވަނީ މުބާރާތުގެ ފުރަތަމަ މެޗުގައި ހުކުރު ދުވަހުގެ ހަވީރު ކިރިގިސްތާން އަތުން ސީދާ ތިން ސެޓުން ބަލިވެފަ އެވެ. އެއީ 25-17، 25-15 އަދި 25021 އިންނެވެ.

ހުކުރު ދުވަހުން ފެށިގެން އަންނަ ބުދަ ދުވަހުގެ ނިޔަލަށް ކުޅޭ މުބާރާތުގައި ވާދަކުރަނީ ރާއްޖެ އާއި އަފްޢާނިސްތާން އަދި ކިރިގިސްތާނާއި ތަޖިކިސްތާނެވެ. ފައިނަަކަށް ދާނީ ލީގު އުސޫލުން ކުރޭ ބުރުގެ އެންމެ ގަދަ ޓީމާއި ބަލި ޓީމު ކުޅެގެން މޮޅުވާ ޓީމަކާއި ދޭއް އަދި ތިން ވަނަ ޓީމުގެ މެޗުން މޮޅުވާ ޓީމެކެވެ.