ސަރުކާރުގެ ކޮންމެ އަމަލަކުން ވެސް ފެންނަނީ ހީލަތްތެރިކަމާއި މަކަރުވެރިކަން ކަމަށް އެޑިއުކޭޝަން މިނިސްޓްރީގެ ކުރީގެ ޑެޕިއުޓީ މިނިސްޓަރ މުހައްމަދު އިހުސާން ވިދާޅުވެއްޖެއެވެ.

އެނާ އެފަދައިން ވިދާޅުވީ ހޯމަ ދުވަހުގެ ރޭ އެމްޑީޕީގެ ހަވަރު ބެރު ޕެނަލް ޑިސްކަޝަންގައި ވާހަކަދައްކަވަމުންނެވެ.

އިހުސާން ވިދާޅުވީ ސަރުކާރުގެ ކޮންމެ ނިންމުމަކުން ފެންނަނީ ސަރުކާރުގެ އޮޅުވާލުމާއި ނެއެއްގާނީކަން ކަމަށެވެ. އެގޮތުން ނިމިދިޔަ ރިޔާސީ އިންތިޚާބުގެ ކެމްޕެއިންގެ ތެރޭގައި ޑޯނިއާ މަތިންދާ ބޯޓާއި، ކަނޑުފަޅު ބެލެހެއްޓުމުގައި ދިވެހިން ނުތިބޭ ކަމަށް ބުނެ އޭރު އޮތް އެމްޑީޕީގެ ސަރުކާރަށް ވަރަށް ބޮޑަށް ފާޑުކިޔުން އަމާޒުކުރިކަން އިހުސާން ފާހަގަކުރެއްވިއެވެ. އިހުސާން ވަނީ އޭރު ޕީޕީއެމް ޕީއެންސީ އިސްވެ ތިބެ އެމްޑީޕީގެ ސަރުކާރުން ރާއްޖޭގެ ސިޔާދަތު ހަލާކުކުރާކަމަށް ބުނެ ވާހަކަތައް ފެތުރިކަން ފާހަގަކުރައްވާފައެވެ. އެކަމުގެ ސަބަބުން އާއްމުންގެ ހިތުގައި ސުވާލު އުފައްދާ ފަދަ އެތައް ވާހަކައެއް އޭރުގެ އިދިކޮޅު ފަރާތްތަކުން ފަތުރާފައިވާކަމަށް އިހުސާން ވަނީ ވިދާޅުވެފައެވެ. އިހުސާން ވަނީ އޭރު އެންމެ ބާރަށް ދައްކަމުން އައި ވާހަކަ އަކީ ދިވެހި ކަނޑުތައް ބެލެހެއްޓުމާއި ދޯނިޔާ މަތިންދާ ބޯޓު ބެލެހެއްޓުމުގެ ޤާބިލްކަން ދިވެހިންގެ ކިބައިގައި ހުރިކަމަށް ބުނެ ދެއްކި ވާހަކަތައް ކަމަށް އޭނާ ވިދާޅުވިއެވެ. އެހެންނަމަވެސް މިއަދު އެކަންކަމާއި ގުޅޭގޮތުން ނިންމަމުންދާ ނިންމުންތަކަކީ އޮޅުވާލުމާއި މަކަރުގެ ތެރެއިން ކުރާ ކަންކަން ކަމަށް އިހުސާން ވަނީ ވިދާޅުވެފައެވެ. އިހުސާން އިތުރަށް ވިދާޅުވީ ބިދޭސީ މަސައްކަތްތެރިންގެ ކަންކަން މޮނިޓަރކުރުމަށް އެކުލަވާލާ ސޮފްޓްވެއަރ އެކުލަވާލުން ބޭރުގެ ކުންފުންޏަކަށް ދިނުމުގައި ވެސް ސަރުކާރުގެ އޮތީ ހީކަތްތެރިކަން ކަމަށް ސިފަކުރައްވާފައެވެ. ދިވެހިންގެ ޤާބިލް އެތައް ބަޔަކު ސޮފްޓްވެއަރތައް އެކުލަވާލުމުގައި ހަރަކާތްތެރިވާ އިރު ބޭރު ބަޔަކަށް އެކަން ކުރަން ދޭންވީ ކޮން ސަބަބަކާއި ހުރެތޯ އޭނާ ސުވާލު އުފެއްދެވިއެވެ. މިއަދު ވެރިކަމުގައި ތިބެ ޤާބިލް ދިވެހިންނަށް ފުރުސަތު ނުދެނީ ކީއްވެތޯ އޭނާ ސުވާލުކެއްވިއެވެ.

ސަރުކާރުގެ ކޮންމެ އަމަލަކުން ވެސް ފެންނަނީ ހީލަތްތެރިކަމާއި އޮޅުވާލުން ނިމިިދޔަ ސަރުކާރުން ވަނީ ބިދޭސީންގެ ކަންކަން މޮނިޓަރކުރުމަށް ނިމިދިޔަ ސަރުކާރުން ވަނީ ދިވެހި ޑިވެލޮޕަރުންތަކެއް ލައްވާ ޑެވެލޮޕްކުރުމުގެ މަސައްކަތް ކޮށްފައެވެ. އެހެންނަމަވެސް މިހާރު އެ މަސައްކަތް މެލޭޝިއާގެ ކުންފުންޏަކާއި ހަވާލުކުރަން ސަރުކާރުން އުޅޭކަމުގެ އަޑުތައް ވަނީ ފެތުރިފައެވެ. އެކަމުގެ ސަބަބުން އެތައް މިލިއަން ރުފިޔާއެއްގެ ގެއްލުން ލިބޭނެ ކަމަށް އެމްޑީޕީން ބުނެއެވެ.