ކާޕެޓުގައި ހޭކިފައި ހުންނަ ހަޑިތައް ފިލުވާލާނެ ގޮތެއް

އެންމެ ފުރަތަމަ ވަގުތުން ސާފު ހުދު ފޮތިގަނޑަކުން ނުވަތަ ޕޭޕަރ ޓަވަލަކުން ހަޑިވެފައިވާ ތަނުގައި ހޭކުނު ހަޑިތައް ފިލުވާލާނީއެވެ. މިކަން ކުރާއިރު ކާޕެޓުގައި ފޮތިގަނޑު އުނގުޅާލުމުގެ ބަދަލުގައި ހަޑިހޭކުނު ތަނުގެ މަތީގައި ފޮތިގަނޑު އޮއްބާލައިގެން ހަޑިފިލުވާލުމުން މުޅި ކާޕެޓުގައި ހަޑިހޭކުމުގެ ފުރުސަތު ކުޑަވާނެއެވެ. އެއަށްފަހު، މޭޒުމަތީ ސަމުސަލެއްގެ ޑިޝް ސޯޕާއި، މޭޒުމަތީ ސަމުސަލެއްގެ ހުދު ވިނެގަރ، އަދި 2 ތަށި ހޫނު ފެން އެއްކޮށްލުމަށްފަހު ސްޕްރޭ ފުޅިއަކަށް އަޅާލާނީއެވެ. ދެން މި މިކްސްޗަރ ހަޑިވެފައިވާ ސަރަޙައްދުގައި ސްޕްރޭކޮށްލާނީއެވެ. ސްޕްރޭ ކުރުމަށްފަހު 5-10 މިނެޓު ވަންދެން ބަހައްޓަންވާނެއެވެ. އޭގެ ފަހުން، އަނެއްކާވެސް ސާފު ފޮތިގަނޑަކުން އެ ސަރަހައްދު ހިއްކާލާނީއެވެ. ދެން، ސާފު ފެނުން އެހެން ފޮތިގަނޑެއް ތެންމާލާ އަނެއްކާވެސް އެ ސަރަހައްދުން ސައިބޯނި ފޮދުތައް ނައްތާލާނީއެވެ. އޭގެ ފަހުން، ހިކި ފޮތިގަނޑަކުން އެ ސަރަޙައްދު ހިއްކާލާނީއެވެ. ވަރަށް ބޮޑަށް ހަޑިވެފައިވާ ތަންތަނަށް، ހިކުމުން ބޭކިން ސޯޑާ އަޅައި، ގަޑީއިރެއް ހާއިރު ބެހެއްޓުމަށްފަހު ވެކިއުމްކޮށްލެވިދާނެއެވެ. އެންމެ ފަހުން، ހަޑި ފޮހެވިއްޖެތޯ ބަލާ، ނުފޮހެވިއްޖެނަމަ މި މަރުޙަލާތައް ތަކުރާރުކުރެވިދާނެއެވެ.